®™]●]®™

الله يجزاكم خير حبيباتي ,,
اقولكم والله اني افتح رجولي على الاخر ومع ذلك احس نهاية الكرشة تنفغص
حييييل ومعد اقوى اتنفس ,, وراسي احسه بينفجر احس جسمي كله يرتكز
على راسي اثناء السجود بس الله يسهل علينا جميع ,,


بنات شريتوا اغراض النفاس ولا باقي ؟ مدري ليه شايلة همها

اصلا دايم حساب الاشعه غير يا زايد او ناقص اسبوع او بالكثير اسبوعين
يعني بالعربي ما ينحسب خليك على حسابك <<<<<<< شفتي اكثر من كذا تحطيم خخخخ

انا باقيلي الجلابيه ومفرش تقديم البيبي ما بعد لقيت شي حلو الى الحين

هلا نافوره انتي مثلي ناااط بحلقي عند ضلوع صدرري ما اقدر اقعد
على فكره نافوره ترا حساب الدوره يقولون ادق من السونار اذا دورتك منتظمه
انتي الحين اي اسبوع

بنات تصدقون حتى انا مثلكم بخصوص الحمولة
لما اروح استحي منهم واضغط على نفسي ووالله
اني تعبت من القعدة على الكنب ولا الارض كلها تتعبني
ببيتي اتمدد امشي شوي للحمام لكن عندهم حتى الحمام
ما اروح ما ادري خجل ولا وش .. وما اصدق اطلع والام ظهري
تصول علي مررررة مدري وش الحل ,,

لما اروح لهلي ازعاج عندهم يسولفون كلهم سوا وراسي صدع
من السواليف ,, او يكونون نايمين خصوصا مع الاختبارات ومايكون
فيه الا نفر واحد وطفشان بعد واقعد متضايقة مدري شفيني
احيانا ارجع من عند اهلي ودي اصيح وزوجي يقول عسى ماشر
واسكت اقول ولا شيء مدري احس بضيقة مدري شسببها

ونفسي اطلع اروح واجي ونتمشى بس زوجي مشغول بالعمل
واذا فضى وراح مثلا يقضي للبيت ودي اروح بس اتعب من الغطى
معد اطيقه احسه خانقني وراسي ينبض ورجولي احس مثل المسامير
فيها ابي ارجع البيت عشان كذا يرفض ياخذني :( لأني مرة انخفض الضغط
علي وانا بالرابع بغيت اطيح وتمسكت فيه ومن يومها يقول معد فيه روحة
بس خاطري انزل السوق ولا اتمشى مليت من البيت :( وين نروح بالرياض