اهلين بكل اللي سأل عني والله اني احبكم وبعد سؤالكم زاد غلاكم عندي
سلمكم الله صح عندي اختبارات بس مستحيل تشغلني عنكم الا لي حول الاسبوع ما يفتح عالم حواء واليوم حن علي اخيرا ويارب ما يخرب مره ثانيه
توي سمعت الشيخ بالتلفزيزن يقول لازم تقولين لنفسك وعيالك وترسخينهم بذهنم : قل لن يصيبنا الا ما كتب الله لنا
يا كثر الكلام اللي عندي وودي ارد عليكم كلكم بس اصبرو علي برد على اللي اقدر والباقي ابشرو الثلاثاء اخر اختبار اخلص وافتك وعقبال النجاح يارب
بنت أدم وحواء بصراحه احرجتيني اجل حبيتيني وتحسيني عاقله وهاديه "وين اختي تجي تسمع" احبك الله الذي احببتني فيه ويارب يصلحني وجميع المسلمين
أم الأمراء تشتاقلك العافيه ياقلبي وانا بعد احبك وجميع بنات الملف يعلم الله وابشرك انا بخير رغم اني لابد من حالات المد والجزر وحايسه بها الاختبارات ويامحلى الذكريات ايامها "وانا مشكلتي لا مسكت القلم تصير علوم" وابشرك نايف طيب الحمد لله الله يصلحه ويجعله بار والدين واشوفه امام بالحرم ونسكن مكه بجنب قبر المرحوم
الا بسألك منح الاراضي وين اللي بالبلديه حطموني يقولون مستحيل تجيك واذا راجعتيهم بعد سنين يقولون اوراقك ضاعت قدمي من جديد واحس صدو نفسي رغم اني وودي اقدم اقلها اامن لنايف ارض لو تجيه وهو رجال تنفعه وتنفع عياله يارب
موقع ياقلبي ما اختفيت برضاي المنتدى ما كان يفتح معاي لكن ابشري برج روسكم باذن الله من اليوم ورايح انتي طمنيني عنك وعن العروسه
تفاحه ياقلبي اشتقتلك طمنيني عنك وعن عروستنا والله يكتبلك الخير والرزق وين ما لقيتي وجهك ودايم ادعي اللهم سخرلي من احوجتني اليه اللهم ارزقني من حيث لا احتسب اللهم لا تسلط علينا عدو ولا حاسد ويارب ان دعائك يستجاب وانجح احسني تفائلت يوم قريت دعواتك لي بغيت اتهور واروح اشوف نتايجي وبشريني لا ولدتي بالسلامه وعلى فكره تو الوالده تسألني عنك وتقول علميني لا ولدت بالسلامه ودعتلك
القلم السيال يعلم الله ان لك معزه عندي ويازين كلامك ياختي تشرحين النفس وغيبتي كانت غصبن عني
البسمة المضيئة ياكثر هرجي لك اول شي على سالفه التزين بعد العده متى اول شي بقولك خليك من كلام الناس محد نافعك ونافع عيالك عني انا كانت عدتي طويله 7 شهور لاني كنت حامل وبعد ما خرجت من النفاس سويت زي اي وحده رحت وقصيت شعري وصبغته رغم معارضه امي وخوفها من كلام الناس لكن قلتلها امي كل الناس تسوي كذا ان كان هم لازواجهم فانا لنفسي ورضيت وهي متخوفه بس انا كان لي هدف ثاني كنت باثبت اني انا ماتغيرت ولاني لو سويت ها الشي بعد فتره بيقولون بغت العرس والزواج لكن من البدايه رجعت زي ماكنت وارتجت كثير اما عن الزواجات بصراحه ما بديت احضر غير العام لاني كنت خايفه انهار وبصراحه بالبدايه تعبت كثير كنت بس ادمع واحس اني ببكي لكن بديت اشغل نفسي بالسوالف مع الناس
وترحيبي لمن انضم لنا
لي عوده وسلامي لكل البنات
عالم الارامل ****&&&
متابعة النقاش، صفحة 255