هل تقبلين لو علمتي انه لاينجب ؟؟

اخواتي اشيروا علي

زميلة لي اخبرتني برغبة صديق زوجها الارمل بالتقدم لي

وهو مستواه العلمي عالي .. يحضر ماجستير ومهندس

يملك منزله الخاص

مستعد التقدم لطلبي حالاً بالرغم انه يصغرني ب 5 سنوات

بتقولون شنو المشكلة ؟؟

لحد الحين كل شي رائع فيه


المشكلة

انه


لا ينجب :(




ومن قرأ حكايتي السابقة يعرف ان لدي ولد واحد

واتمنى انجب غيره

لدي حيرة كبيرة

ساعة اقول هو مو ذنبه ان الله ما كتب له انه ينجب

وساعات اقول شيضمني لو اخذت واحد ثاني ما ادري عنه انه يجيب عيال

وساعات اقول يمكن انا عندي مشكلة وما انجب

لكن لما اتخيل اني لو تزوجته رح اقطع الامل حتى من مجرد الخيال بالطفل

يجيني احساس بالغربة والوحشة

بالرغم انه على كلام زميلتي يتعهد يكون ابني في عيونه

بس اصلاً لو تزوجت ابني بياخذه ابوه :(

في حيرة وما ادري شنو اجاوب

وهو عن قريب بيكلم اهله يكلمون اهلي

اشيروا علي بنات

واي احد عنده خبره يفيدني

منتظرة ردودكم على احر من الجمر

48 تعليق 3,545 مشاهدة

شاركي في النقاش

سجلي الدخول لإضافة تعليق.

التعليقات

47
  1. @pink_fo0ofo0o

    أنا لومكانك أقبل بلا تردد بما أنه عقيم فأكيد راح يهتم في أبنك ويعتبره أبنه وأبوه يمكن في أي لحظة يرميه عليك وخاصة أذا تزوج غيرك

    وأنتي وش يضمنك أنك بتاخذين أحسن منه , لكن أشترطي أنه مايقطع ألأمل في العلاج وألأهم من ذلك تعلقه في ربه وبعدين ألأخذ بألأسباب
  2. نصيحتي فكري الف مره قبل تاخذين قرارك .....
    وش عاد لوكان غني وعنده قصر وفلوس وبيدللك .... اهم ماعلى المرة الضنا .. والله لو أسكن بخيمة بس أضم ولدي بحضني ...
    ومهما لهيتي بالدنيا ورحتي وجيتي وشريتي وسافرتي إلا بيجيك يوم تحسين بالوحدة والغربة مع نفسك والناس حولك لاهيه بعيالها ...
    لأن الضنا غالي ومايتعوض ومايشرى بالملالالالايييييييييييين .....
    انا هنا مااقولك ارفضي لا .......ز اقول استخيري ربك اول بعدين فكري بالموضوع بعد سنين ماهب سالفة شهر شهرين وسنه وسنتين الله يشرح صدرك ويختار لك الصالح ..........ز
  3. @ans_31

    أنا ما تزوجت ..
    لكن لو تقدم لي وأعجبت بشخصيته وخلقه ..
    راح أوافق من غير تردد !

    وكل فتاة وظروفها ،،

    لكن إن عزمتِ أمرك على رأي معين فاستخيري ثلاث مرااااات .. وادعي من القلب
    وأكثري في الصلاة وأوقات الإجابة من قول ( اللهم خِر لي واختر لي )
    ووالله لن يخيّبك الله عز وجل ،،
  4. @tfaaaly_balkhyr

    استخيري..ما فيه غير ربي يدلك..

    و "المال والبنون زينة الحياة الدنيا" و خير منها العمل الصالح

    الله يشرح صدرك وييسر أمرك ويكتب لك اللي فيه الخير

تابعي تجارب أخرى من هذا القسم.