بقول لكم قصة وحده بعد ما تقرونها راح تحسون انكم بنعيم ونعمه ما فيها الا انتم انا اثرت القصه هذي فيني كثيييير ومن سمعتها وانا اتحمد ربي واشكره كل ذيك الليله الين نمت وودي تحسون بالاحساس اللي حسيت به
كانت بنت اختي تحكي لصديقتها عني وكيف مات زوجي وعن اعمار عيالي والقصه كامله طبعا فقالت لها صديقتها قصة خالتك ما تجي شي عند قصة خالتي تقول :
((كانت خالتي متزوجه من رجال عاقل وهاديه ربي ومصلحه ما شاء الله وعندهم ولد حليوه مملوح وخفيف دم وراعي سواليف بسم الله عليه وكانت حياتهم هاديه ومتهنين ومبسوطين وما عليهم خلاف فجأه وبدون اي مقدمات الولد صار ما عاد يتكلم ودوه يشوفون وش فيه صار عنده توحد وقالها الدكتور ان شاء الله دامه في بدايته راح يكون علاجه اسهل من الحالات المتقدمه وهم توهم بادين في علاجه صار لزوجها حادث (ووالله لو انه ميت كان افضل من هالوضع اللي هو عايشه ) المهم جته ضربه على المخ صار بعدها بعقلية طفل صغير وعنده فقدان ذاكره ,طبعا الشغل عطاه التقاعد بنص الراتب لانه صغير توه يعني مثل معاشات رجالنا التقاعديه ,في هالاثناء ومع حادث زوجها هملت علاج ولدها لانها كانت بحال لا يعلم به الا رب العالمين طبعا تطورت الحاله عند الولد وصار محتاج رعايه اكثر واهتمام اكثر وزوجها طلع من المستشفى وصار عندها في البيت ما تدري تداريه والا تداري الولد اللي ايضا صار مو طبيعي , كانت اذا راحت لمواعيد الولد في المستشفى تخاف على زوجها يجيه شي لانه يفوت وممكن يطلع من البيت ويهيم على وجهه , وصارت الام والابو ووالممرضه وجابت طبعا سواق تبيه عون وصار فرعون حسبي الله ونعم الوكيل ينافخ عليها ويهزئها وقبلها هي وياه هوشه ومره من المرات في روحاتها لمواعيد ولدها خذت زوجها معها ويوم دخلت للمستشفى نبهت السواق عليه وقالت احرص لا ينزل ويوم جت ما لقت زوجها ويطير عقلها وتسأل السواق قال اني قلت له لا تنزل وهو اللي رفض وتبلغ السكيورتي ويسكرون بوابات المستشفى الخارجيه وتدور تدوره بالسياره ولقته هايم على وجهه يمشي ويوم قالت له ليش نزلت قال قلت لهذا (يقصد السواق )يجيب لي مويه وقال رح انت جب لك وطول الطريق وهي هوشه مع ذا السواق وقبلها معاه هوشه ,وحالتها مسكينه حاله لا تطلع ولا تجتمع باحد ولا تستقبل احد ولدها وزوجها ومراعاتهم اخذين كل وقتها ))
يارب لك الحمد على الصحه والعافيه والنعمه يارب نعمك لا تعد ولا تحصى يارب لك الحمد حتى ترضى ولك الحمد بعد الرضا ياربي ترزقنا شكر نعمك يارب
عالم الارامل ****&&&
متابعة النقاش، صفحة 263