شاركي في النقاش

سجلي الدخول لإضافة تعليق.

التعليقات

2,275
  1. @aazyz_nfs

    هلا بك نوره
    الله يجزاك خير على دعواتك الطيبة
    ومافي داعي تعتذرين للأخت واللي يده بالمويه مو مثل اللي يده بالنار مثل مايقولون...
  2. @ahb_altbyaah

    عزووووووووزه/ليتي اصير مثلك ماشاء الله قويه لو كذب!!!
    ايمان/الله يعين اذا شفتهم يبكون شكلي ماراح ادخل بيتهم ثانيه
    صهيل الخيل /اكيد بيتذكرونه ويبكون وليت القوه بإرادتي ؟؟؟ اما قريبتك اتوقع تنكسر اذا حست ان الناس يرحمون عياله عن نفسي مابي احد يترحم علينا ماأقبل ولا من أهلي أما الحلاو والدلال مهي مشكله
    ام الروقان/وهي جنبك وتأثرتوا أجل أنا؟؟؟؟؟ الله يسهل امري
    ام نواف/ياالله؟؟ الله يرحم موتى المسلمين بس شوفي لما دخلتي نسيوا العزاء صاحوا علشانك!!
    توحه/الله يبارك فيك وعقبى لك ان شاءالله قرب الفرج وصح كلامك المكياج بالتدريج مع اني اصلا ماحب المكياج الكثير دايم هادي
    وبالنسبه لزوجي لي سنتين مفارقته بس الوفاة من 4شهور يعني أخف شوي من لو كان فجأه الحمدلله


    شكرا لكم شرفني مروركم
  3. @ahb_altbyaah

    الاميره شهرزاد
    يعني بكا في بكا ؟؟؟الله يعين


    وبالنسبه للابناء الحمدلله ماعندي اشكال
    بنتي اصلا ماتعرف ابوها فارقته وعمرها سبع شهور والحين علمتها ان اسمه كذا وانه راح للجنه عند ربي واعلمها تدعي له ونشوفه بالجنه ان شاء الله والحين تسمي ابوي بابا وتحبه كثير وتفقده وهو مدللها الله يجزاه الجنه
    ويمكن يختلف الوضع للي فقدوا اباؤهم وهم كبار هذي خبرتي والله يكون بالعون
  4. @am_alghalyyn_2

    عزيزة نفس
    هلا بك نوره الله يجزاك خير على دعواتك الطيبة ومافي داعي تعتذرين للأخت واللي يده بالمويه مو مثل اللي يده بالنار مثل مايقولون...
    السلام عليكم
    كيف الجميع
    ام الامراء الحمدلله على سلامتكم وخطاكم السوء ياقلبي
    سبحان الله عن تجربة دايم الله حافظ الايتام ومالهم وحاظنهم (الام) الله يحفظها دوم ويحفظ عيالنا

    تفاحة سالفة قعدتك بالشمس عز الظهر ماعتقد سببها الحمل اعتقد العدة لانى مريت بنفس هالشي كنت بشقة اربعه شهور ولاطلعه ولااشوف النور وكان عندى سطح بجنبي كنت اروح واقعد فيه والله ابي الشمس والنور وكنت نفسك وقت قعدتى مابين الظهر الا بعد الساعه 5 يعنى لين تبدا تختفي الشمس ادخل يالله هانت ان شاءالله

    خواتي بتكلم عن تجربتي بتربية عيالي بالبداية كنت ساكنة ببيت اخوى شقة لى ولدي البكر كان يحرج من اصدقائه ومدرسينه المجلس لخاله وهو واحدد لو عزم اصدقائه احيانا يكون خاله عنده ضيف فيحرج ويخرج هو واصدقائه للحديقة او الى السوبر ماركت تقولون ليش مايقعد مع خاله خاله مرات يكونون عنده رجال وشغل فلازم يطلعون الاولاد واحيانا لو خاله ماعنده احد يدخل عليهم ويعلق على اصدقائه فولدي ينحرج لانه سبب لهم احراج غير المدرسين الخصوصيين احيانا يجي مدرس ولدي بنفس وقت مدرس ولد اخوى ويقعدون بنفس المكان ومحد ينتبه او يتهاوشون طبعا هالكلام كان ولدي بعمر مابين 10 الى 13 سنة
    حسيت هالشي باثر على شخصية ولدي وماكان بيدي شي والحمدلله الله رزقنا ببيت ملك وصار لولدي مجلس وربي قبل لانسكن البيت واحنا نصبغه ولدي حط بالمجلس سجادة من عندى وكان يستقبل مدرسينه بمجلسه تحسون ماصدق يصير له مجلس
    حسسته انه كبير لمن تصير مناسبات او عزا مثلا عمه كنت اقول له يروح العزا 3 ايام مع ان عمره كان 12 تقريبا وكنت احسس الكل انه رجال لمن يكون عند احد غدا او عشا من اهلى او اهله وسالونى وينه اقول مادرا لمن صارو هم يعزمونه بنفسهم هالشي بديته مع اهلى ووصل للكل من ضمنهم اهله اذا ماعزموه مايحضر لانه اصبح رجال يمكن البعض منكم يخالفنى هالراي ولكني شفته في مصلحة ولدي وتقوية شخصية تغيرت شخصيته تمام بسم الله ماشاءالله عليه الكل يشوفه يقول اكبر من سنه مو بالشكل بالتصرفات اى نسيت اول ماسكنت بيتنا قلت له هذا مجلسك واعزم اصدقائك كل اسبوع حسسته انه رجل كاى رجل
    وعن سالفة الطلبات والدلع عن نفسي مادلعت وتغيرت شخصيتى تماما بعد وفاة زوجي رحمه الله صرت شديدة وما اتهاون بشي عشان يهابوني تعرفون اولاد ويبون احد يشد عليهم وواذا يبون شي نفس الموبايل ياعزيزة اخليه مكافاة باخر العام عشان يجتهدو ويحسون بطعم الهدية مو على اى شي يبونه يحصلون عليه اذا شديتي عليه صدقيني من صالحك اللى اقصد بالشد ان كلمتى تكون مسموعه عندهم ولمن اقول لا يعنى لا ولو فكرو بطلب يفكرون فيه اكثر من مرة هل انا بوافق او لا وبنفس الوقت انا حنونه عليهم وقريبة منهم بس وقت الجد جد
    من الامور الي كنت صارمة فيها ولدي قلت مافي سيارة الا بعد شهادة الثانوية وقلت له لو تقرب من سيارة السايق مالك بعد الثانوية الا سيارته واذا بتسمع كلامي لك السيارة اللي تبي والحمدلله ماقرب السيارة رغم ان اعيال خواتي وخوانى بسنه وبوجود ابهاتهم يسرقون سيارة السايق
    ادري طولت عليكم بس حبيت اوضح لكم طريقتي ماقول شدو على كل شي لكن عندى اشياء اشد عليها مثلا لاللسجاير لاللسيارة من غير ليسن لازم نشد على الدراسة لانها المستقبل الصلاة مانتركها احترام الام وكلمتها وغيره من امور وبنفس الوقت خليك قريبة منهم
    وسلامي لكل البنات من غير تحديد اسم
    واسفة لانى طولت القرقة عليكم
  5. @am_alghalyyn_2

    (ام الغاليين)
    السلام عليكم كيف الجميع ام الامراء الحمدلله على سلامتكم وخطاكم السوء ياقلبي سبحان الله عن تجربة دايم الله حافظ الايتام ومالهم وحاظنهم (الام) الله يحفظها دوم ويحفظ عيالنا تفاحة سالفة قعدتك بالشمس عز الظهر ماعتقد سببها الحمل اعتقد العدة لان…
    عندى شغلتين بقولهم هل تتحسسين لمن تشوفين الاهتمام باولادك اكثر عن نفسي ما اتحسس ونفسي انهم يميزون عن الكل بالمعاملة لسبب ان كل اصدقائهم سواء من العايلة او لا عندهم جدات وخالات وعمات وتعرفون حب الجدة واهتمامها باحفادها وخاله والعمه فعيالي يحسون بهالنقص ماعندهم جدة تحبهم وترعاهم فشي طبيعي احب اشوف التميز بالمعاملة عشان اولادي يحسون ان خوالهم يميزونهم ويحبونهم كثير والحمدلله هالشي موجود

    والشغله الثانية لمن تتحسسون من اى هدية سواء كانت اكل مثل رز وتمر وغيره او اى هدية ماليه لولدك من خال او عم
    الحمدلله كلنا بخير ونعمة لكن كلنا نعلم الاجر اللي بيوصل للشخص اللي ساعدك في تمويل بيتك او هدية ماليه لطفلك ليش احرم اهلى من الاجر
    عن نفسي ما احتس من هالشي رغم انى حاليا الحمدلله حالتى المادية احسن من كثير منهم لكن لو اخوى جاب لي تمويل رمضان من رز وهريس وجريش وغيره هل باتحسس يابنات اهلكم يتسابقون على كسب الاجر عن طريقكم ليش نتحسس من هالشي بالعكس افرح ان ربي جعلنى انا واولادى طريق لغيري في الاجر
    وسلامتكم

تابعي تجارب أخرى من هذا القسم.