استحلفكم بالله ان تساعدوني وتنصحوني

24 يونيو 2008

هاى بنات كيفكم شو اخباركم ؟؟؟
انا رح اكتب مشكلتي وهي مشكله عاطفيه والله والله عم اكتب ودموعي بعيوني وقلبي مجروح ومحروق ومصدومه

انا رح اختصر بالحكي على اد ما اقدر ورح اكتب الاهم بس ارجو المساعده والنصيحه

انا قصتي طويله بالرغم انو كانت فتره قصيره مدتها سنه ونص بس كانت غير وصار فيها اشيا كتيررررر
اعجب فيني هو من اول نظره طلب يتصل فيني كل فتره وفتره يطمن علي التلو لا ما فيني انا رفضت لانو ما كان لسه في شي بيني وبينو ولانو مابوثق بالرجال روحت البيت انا اتصلت فيه مشان اشكره على الكيك الي وصالي عليه مخصوص كان تاني يوم عيدالحب صرنا نحكي والتلو ما فيني احكي معك لان انا مش من هالنوع المهم حكى مع بابا وطلب ايدي صرنا نحكي ونطلع وعشنا احلى ايام بالرغم المشاكل الكتيره الي كانت بينا بس كنت حاول على اد ما اقدر حلها وياما حكالي خلص ننهي كل شي ما عم اقدر اتحمل مع العلم انو انا اتحملت كتيررر وهو اعترف بهالشي وحكالي لو وحده غيرك كانت تركتني وياما تركني بالشهر والاتنين والله والله وصلت ل3 شهور و4
المهم انو رجعنا لبعض وكانت علاقتنا اقوى من كل الاول وياريت مارجعنا دمرني دمار وظلمني عمري بحياتي ماانظلمت ولا حسيت بالظلم اد ما انا حسيت اني مظلومه كتيرررررررررررر مشكلتنا انو كان بيتجاهلني ومايسال عني وكنت اخر شي بحياتو ووقت ما بدو يحكي معي بيحكي ووقت ما بدو يعني لا (((بمعنى اصح طلع ما بيحبني)))المهم انو اجا هو واهلو واتقدم رسمي وانقرات الفاتحه ومن وقتا صار ينتقدني ويهيني ويزلني وانا ساكته بعد هييك التلو ابعد عني نهائي وفعلا بعدت وسافرت بس ماتركني وحكى بيحبني وهالحكي كلو رجعت ورجع اتغير جرحني كتيررررر وكان يصرخ علي ووصلت انو يسبني وضليت سامح وسامح بالاخير قررت انو ابعد ونهيت كل شي وطلعتو من حياتي وحاول يرجعلي ويتصل ما ارد ولو رديت احكيلو انتهى كل شي
بالاخير امبارح شفتو بالصدفه واتصل فيني حنيني الو خلاني ارد ورديت وحكالي بحبك وليش متغيره التلو انت الي خليتني اتغير طلب يشوفني التلو طيب طنش الموعد خلاني من امبارح لليوم اتصل ولا الف اتصال وما يرد ولو رد يبهدلني او يصرخ او يحكيلي اسف للازعاج ما عاد اتصل فيكي مره تانيه التلو طيب خلص ابعد عني حكالي وانا كمان ما بدي ياكي وانا رجعت اتصلت امبارح مشان ردلك ياها انا هون انصدمت والتلو ليش نحنا بحرب ولا شو شو تردلي وهالحكي حرام عليك وصرت ابكي وسمع دموعي ولا هان عليه حكالي 8ونص رح اتصل وصرلو هلا 4 ايام وما اتصل بكل مره كنت احكي لاي حدا بيحكي هو ما بيحبك كان بيتسلى احكي لا والله هو بيحبني لان كنت متاكده بالرغم الي عملو فيني بس هالمره بحلف وببصم بالعشره لان متاكده انو بطل يحبني وانو قدر ينساني ((وهو قرر يسافر ويخطب من لبنان)))هو باعني بس انا بتمنالو الخير والله يوفقو ويسامحو لانو جرحني كتيرررررر كتيررررررر قلبي من جوا عم ينزف تصورو قدر ينساني بسهوله تصورو خطب وحده غيري وباخر مكالمه بيني وبينو حكى انا خطبت وحده احسن منك التلو احسن بشو حكى بتسمع كلامي بكل شي معقوله بدو ياني اسمع كلامو بالغلط؟؟؟(وما اكذب عليكم انا لهلا مو قادره استوعب او صدق اني ممكن ارتبط بحدا غيرو او حدا يقرب علي غيره انا بحبو كتيرررر وما عم اقدر انساه ولا طلعو من بالي والله رح موت كل يوم بتمنى الموت مشان اخلص وانساه

ارجوكم انصحوني احكولي شو اعمل ساعدوني

استحلفكم بالله ان تساعدوني وتنصحوني

التعليقات

تعبانة كثير احلفكم بالله تساعدوني

استحلفكم بالله ادخلووووو يابنات 😭😭

استحلفكم بالله تساعدوني بمصيبتي💔

استحلفكم بالله ودعوة بظهر الغيب يارب اللي تدعيلي فرحة تسجدي لها باكية

الأمهات العاملات ادخلوووو بالله عليكم استحلفكم الله