الى كل السنعات والى عندها سلفه تدخل للاهمية



مراحب حبيباتي حريم وبنات عالم حواء وحشتوني ووحشتني سواليفكم
مش عارفة من وين ابدا


يا طويلات العمر عندي سلفه حرمه حماي , حرمه اخو زوجي , سلفتي << بكل اللغات
المهم الحرمه هاي انواع الغيره والحقد والحسد !!!!:o
طيب بتقولون ايش مسويه لها مو مسويه لها شيء بالعكس انا في حالي وهي في حالها رغم انه نحن في
بيت واحد بس انا ماخذه جنب لحالي من كثر مشاكلها الاوليه معاي
طبعا معانا سلفه ثالثه بس طالعه ببيت بروحها والرابعه بعدها في بيت اهلها يعني ما تزوجت بعدها بس مملكه
الايام تطول وتقصر وانا كل يوم اقول الحرمه بتتغير او شيء في طباعها بيتغير وهي نفس ماهي
ما تقول كلمه حق في حقي وتحاول تفشلني او تطلعني كذابه تقولون هاذي حماتي مو سلفتي
عمرها ما جاملتني عمرها ما هادتني رغم اني هاديتها هي وعيالها وجاملتها بس هيه ولا على بالها ابد
مو مهم كل هذا المهم محاولاتها الدائمه في تفشيلي بسبب وبدون سبب اول يوم توني عروس تحاول تتدخل بحياتي
وباموري وتبى تعرف اسراري انا وزوجي ولما صديتها كذا مره فهمت مع انه ماتفهم او تستعبط مثل ما يقولون
تفكيرها سطحي وعلى قدها وتحاول تغايضني باي طريقه وانا مش معطيتها انتباه
لاني مكبره عقلي بس الى يقهر انها زادتها وعلى قولتهم كثر الدق يفك اللحام
الحين بنفجر منها ومش عارفة كيف ارد عليها وافشلها بنفس الاسلوب
وما يحلى لها التفشيل والترزز الا قدام الناس مسويه عمرها شيء !!!:32:
مع انه البيت ما يعطونها وجه بس ام زوجي معطيتها وجه بزياده على بالها تبي تحرني @@ هيه وياها :16:
وانا ما حولك احد مسويه طناش ولا هموني همي مرضاه ربي وزجي ووالديني وبس
والحمدلله على كل حال
مع العلم انها غياره جدا وتحب تنقل الكلام وتحب تبهر الكلام بطريقتها الخاصه
واذا شافت شيء طيران تقوله تقولون جاهل سمع شيء ولا شافه وراح جري يقوله !!
تعبت من هالاسلوب وتعبت من السكوت مع العلم سكوتي ليس ضعف لاني لو باغسل شراعها باسوي مشاكل كبيره كثيرررررررررر
ولكن سكوتي لاني مابي اخذ واعطي معاها اصلا في الكلام ولا احب اهذر وياها خير شر واسوي نفسي ما اسمعها
حتى تنحرق وتنقهر في داخلها واذا جت تتفلسف ارد ردود مقتضبه ومختصره
على اساس ما ابين نفسي مقهوره واسوي الى ابيه بصمت وسكوت وافاجا الجميع :35:
بس اخيرا اكتشفت انه ما يبي لها الا اللسان الطوووووويل حتى تلزم حدودها خير شر
ولا تفكر مجرد تفكير لو بسييييييييط انها تتطاول او تتجرا علي :D
سالتكم بالله يا راعيات الفزعه خبروني وافيدوني من خبراتكم مع هالاصناف من البشر حتى احس اني حرمه
صدق لاني خلاص مليت من هالاساليب فزعتكم وتجاربكم مع مثل هالمواضيع


وشكري لكم جميعااااا على سعه بالكم

9 تعليق 1,861 مشاهدة

شاركي في النقاش

سجلي الدخول لإضافة تعليق.

التعليقات

8
  1. خليك على ما انتي عليه
    طنشيييييييها .. والله بتموت من القهر ..

    وفالمقابل عاملي عيالها بالحسنى ولا تدخلين زوجك فالمشاكل :)
  2. صاحبة الموضوع
    شكرا ليكي اختي بينك وجزاكي الله كل خير
    وجزاك الله كل خير اختي عروب


    بس المشكلة كثر التطنيش يقهر الشخص نفسه :(
    جزاكم الله كل خير
  3. @amny_alaashak

    والله اختي كانك حكيتي عن سلفتي بالظبط
    والله مثل سلفتج هاي طبق الاصل ومثل ما انتي مسوية انا
    كمان مسوية لانه حبيبتي هاي ما ينفع وياها الا هاذي الطريقة
    ولانه حماتك وحماتي ناصرنهم ما ينفع تحكي وتكبري الموضوع
    حتى ما يصير مشكلة بالبيت وبعدين تكبر وتسبب زعل لك مع زوجك
    صدقيني انا مرة واحدة حاولت واتكلمت مو رديت عليها لكن حاكيت حماتي وحمايا
    والله وقفت تقل ادبها علي وغلطت قدامهم وقدام زوجها وما حدا رد وكان زوجي مسافر
    تدرين ايش صار قلت امشي واروح بيت ابي لحين ياتي زوجي ياخد لي حقي
    ردوا علي انتي تتحججين لتروحي لبيك بدون اي سبب مقنع هاي طريقتها وكلنا عارفينها
    مو مستاهل الموضوع انك تتركي البيت
    وفي الاخر طلعت انا الغلطانة
    انا وياك انه السكوت يسبب قهر ويعطيها فرصة تحس انها منتصرة وانك ضعيفة
    بس صديقيني الله هو المنتصر وبياخد لك حقك لا تعطيلها اي اهمية وطنشيها بتنقهر
    هي تبي انك تغلطي مثلها حتى تبيني حالك مو عاقلة وتصيري مثلها فلا تعطيها الفرصة
    واشغلي نفسج بشيء افضل واذا ما ريتيها وسوت اي سالفة من سوالفها الشينة
    استعيذي بالله من شرها ولا تلتفتي لها والله يهون علينا جميعا يكفيكي حب زوجك ورضا ربك
    عليك اسفة للاطالة
  4. @ord_alaml_4

    خليك على طبعك هذا لانه مثل السم الهاري على قلبها

    وعلى قولت المثل>> (المكتوتي مثل الموتي)

    وسكتنا يقطع المصران والدنيا دواره وعليك بدعاء ان الله يهديها ويسخرها لك بحوله وقوته وهذا عن تجربتي بمثل هالصنف


    سبحان الله عقب مهي نكده معي صارت مثل العسل فقلب ابن ادم بين اصابع الله يقلبه كيف يشاء اصبري وحتسبي

تابعي تجارب أخرى من هذا القسم.