بالنسبه للمعامله مااحد يكره المعامله الزينه له ولعياله لكن بحدود
انا ضد المبالغه بالتعبير عن الرحمه والشفقه والتغاضي عن اخطائهم بسم انهم ايتام
الوسط في كل شئ حلو لاجديه مره وجفاء ولا شفقه زايده بالكلام والنظرات لانها تقتل الام والعيال وتدمر الاطفال سلوكيا
بالنسبه للمقاضي تختلف انا من ابو زوجي وعم عيالي وخواتي واخواني عاااااااااااادي جدا وافرح باحساسهم هذا جدا
والجيران اذا شئ متعارف عليه مثل اطعام برمضان صنف معين كتذويق بعد عادي لكن من ناس بعيدين او بهدف الصدقه اكيييييييييييد لا لانني ببساطه لااستحقها مغنينا ربي من واسع فضله لله الحمد
مره وحده من جيراننا متعود اخوها كل سنه يطلع زكاة امواله بشراء قطع قماش رجاليه ونسائيه وكراتين كيك ومعمول وبسكويتات وانا في الحداد مادريت الا الي تدق علي افتحي الباب وافتح وش القى طاقات اقمشه رجاليه ونسائيه وكراتين من المعمول والبسكوت والكيك لا والي زاد الطين بله على جية ولدي من المسجد ويشوف هالاغراض وابوه توه متوفي قال منين ذولي وانحرج حتى انا من الصدمه ماقدرت اقول شئ المهم قال حنا محنا محتاجين وهو صادق قلت هديه كل الجيران تعطيهم وانا صادقه وهو يقربلي اخوها من عيال عمي البعيدين بس اول مره يذكرني عقب وفاة زوجي والا كان اخذت المساله عادي
وافكر قلت بنفسي عيب ارجعهن عقب مادخلن بيتي لكن ماراح ارضى ان تكررت ابنبها وتخيلو طاقات القماش اعرف مره مسكينه تصدقت بهن عليها بغت تموت من الفرحه واضح المحتاج ياناس
وعقب شهرين تتصل افتحي الباب قلت جزاك الله خير يافلانه بس احنا مو محتاجين وقادرين ولله الحمد الى الان نتصدق قالت لا والله هذا هديه وحنا اقارب قلت على عيني وراسي بس مشاعر عيالي فوق كل اعتباروعلمتها عن تكدر خاطر وليدي ذيك المره قالت ياصعب عيالك قلت ايه بسم الله عليهم رجال من ظهر رجال وفيهم عزة نفس ولو كنا محتاجين ماعليه بس حنا الحمدلله تلقينلهن احد محتاج يفرح بهن والا انا تجيبينهن واتصدق بهن وشوله عاد اللف والدوران اعطيك رقم المره المحتاجه وعطيها ولكم اجر تشكرتها والحمدلله خلصت السالفه على خير
وبعض الاحيان زوجات اخواني او اخواني يحطون بجيب ولدي الصغير مبلغ ميه خمسين عشره خمسه وش سوين حطيت حصاله له واجمعهن له واشتري فيهن من البقاله زبادي وعصيرات وكريمات لاني اخاف جدا من ماله المخصص له لو هو ريال 00000
عالم الارامل ****&&&
متابعة النقاش، صفحة 268