شاركي في النقاش

سجلي الدخول لإضافة تعليق.

التعليقات

31

  1. @bkaya_hlm_6

    @امواج هادئه@
    ههههههههههههه اما الكاتب هذا تحفه وش رايكم اطبع موضوعه واعلقه على الجدار
    لقيت موضوع هالكاتب شواق بكذا منتدى وبعناوين هههههههههههههههههه ( فنيله علاق ) و ( فنيله وسراول )

    وردود نفس الشي واقعيه

    احد الردود لشواق هذا

    أشك أن السالفة سالفة أن الرجل بحاجة لكلام ناعم عشان يلتفت لزوجته ويعطيها اهتمام (السالفه حجة لكي يبرر الرجال حبهم للأجنبيات الجميلات فقط ).. ولا هاذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟
    وترا الحريم بعد ماهن قليلات شر ( لاتحسبون حشيت الرجال خلاص انتم اسم الله عليكم ماتخطن ابد )

    اجل وحده زوجها رومنسي وعاطفي ويطلب منها الكلام الحلو ( ياعمري وياروحي ) وهي ترد عليه تقوله :
    والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا <<<< والله التحطيم

    ورد ثاني :

    قناه بدايه .. اشغلها واقعد اتفرج

    اجل اليوم وحده تقول عندها جووال N91 تبي تبيعه والطلبات من كل مكان اللي حايل واللي من نجران واللي من الشرقيه .. تقول كان الاجهزه انعدمت من السوق ولا بقى الا هالجهاز على سطح الكره الارضيه ..

    بعدين يابنات ارحموا نفسكم شوي من متابع المسلسلات ..

    يقولي واحدن ذاك اليوم الحجوزات


    كثرانه على تركيا هالسنه ( بعض البنات يحسبن من


    يطبن في مطار اسطنبول ومهند في استقبالهن ) ..



    وفي شي جديد توه طلع هالسنه .. اذكر قبل كم سنه كل


    ماسالتك احد قالت لك ( انا اشبه زينب العسكري بس


    اني اصغر فم ) .. يوم زينب ذيك السنين حديث


    الهواويه واهل القلوب الخضر .. وهالسنه سبحان



    الله تغيرت الاشباه وصارن كلهن يشبهن لميس ..



    ودام الشي بالشي يذكر ترا كلهم الثنين ( مهند ولميس طلعوا ( خرطي) مهند خلى نور وتخلى عنها ولميس سحبت على يحى يوم درت عن اتهام الشرطه له )



    والحريم الله يحفظهن ويهدينا وياهن .. بعضهن



    ماتعرف إلا بجامه القطن ولا عمرها الظاهر سمعت ولا


    شافت قميص نوم بحياتها .. وبعضهن ( تقولك تشبه


    بالكفار ) <<< والله العذر



    عموما نقولهن ترا الدعوى ملحوق عليها وكان ماني



    واهم ان محلات سيدتـــي و عبدالله السيد ( اللي على



    تقاطع شارع العليا العام مع طريق مكه هذا بالرياض .. وبالنسبه للشرقيه لي ثلاث سنين بالمنطقه ولا ادري والله وين يبيعونها بصراحه ) اهم شي على حد علمي هالمحل موجود لها



    الحين تزرق له اللي ماودها ان زوجها يجيب لها ..



    ضـــره ولا تبخل على نفسها



    صح بتشوف لها شغلات على 9000 الاف و12 الف


    وحنا مانقول لها اشتري بها الاسعار لان بصراحه



    ( بعض الحريم وبدون زعل على هاللبس تبي تصير مثل الددسن اللي مركب لها جنوط BMW ) وفيه اطقم


    رخيصه ومناسبه من الالفين وتحت وتفي بالغرض ..



    وياليت الشي ياجماعه على اللبس وبس حتى الاهتمام



    ببيتها وبغرفه نومها تحديدا تلقاه معدوم .. وتشوف



    غرفة نومها تحس انك داخل غرف ساسكو اللي على



    طريق الرياض ..




    اما بالنسبه للرجل فمثل



    مايشده الزين والنظيف فزوجته انسانه يشدها مايشده



    واحب مالها تشوف هالشي من زوجها .. لا من



    الاخرين ..



    فتلقى بعضهم يجيك اخر الليل ويرتمي على سريره ولا



    قام الصبح الا لحافه كانه ( منشفه ميكانيكي ) كله



    زيوت وشحوم من فكفكه سيارته ولا سيارة صديق له



    <<<< وش انت خسران لو اخذت لك دش وتنظفت لك

    شوي قبل تنام ..




    وبعضهم عذره العجز ( يقولك متعيجز اسوي هالشي



    كل يوم ) وبها الحاله نقوله ياخي لاتكلف على



    عمرك والعجز ماشفناه وانت توزع البلوت للشباب



    بالاستراحه ولا وانت تشيل وتحط يومك كاشت مع



    خوياك ان كان هذا عذرك فخصص لك يوم بالاسبوع



    ( عاده مايكون ليله خميس ولا ليله جمعه ) وحاول



    تقضيها مع المدام باجواء رومنسيه بعيده عن المشاكل



    اليوميه وهموم الاطفال .. وان حصل لك بعد كل شهر



    او شهرين ( تاخذ غرفه بافخم الفنادق كنوع من



    التجديد مافيه مانع ) .. اهم شي تحسس بنت الناس



    اللي عندك انها تعني شي بحياتك ماهي بجدار مثل اي



    جدار بالبيت ( اللهم انها تكلم وتحرك )     ..

  4. @i_love_mamy

    هههههههههههههههههههههه..................
    والله ضحكني من قلب ........الله يزيد من امثاله......
    احلوت السهره وزاد الروقاااااااان

  5. @kyk_oaasl

    والله الكلام يوسع الصدر بس اشك ان اللي كاتبه رجال اعتقد انه بنت مسويه نفسها ولد

    عشان يتقبل الشباب النقد


    او حتى ينتبهون لخطأهم

    الله كتب لنا اعظم الاجر ووعدنا بالجنه لمن احسنت التبعل لان الله اعلم بما نواجهه نحن النساء


    معاناتنا كبيره نحمل ونتعب ونربي ونتحمل الرجال ونتحمل اهله وفي الاخير يطير عيونه ويتغزل بممثله

    ويقولها بكل برود اللهم عجرم نسائنا 0000 والله لو تناظرين رجال بالغلط صرتي قليلة الادب اللي ماتستحين


    يتعاملون معنا كاننا حجر


    ياليت نعرف ردود افعال الشباب على هالكلام


    حلو الموضوع حرك مشاعري

تابعي تجارب أخرى من هذا القسم.