وغدا سيشرق يوم جديد (نادي المنطلقات)

كن قلبا و روحا تمر بسلام على الدنيا

حتى يأتي يوم رحيلك .. إلى الآخرة ..

فتجد من يبكي عليك من الأعماق

لا من يبكي عليك .. بحكم العادات و التقاليد ..

و لا تدري .. متى يكون الرحيل ..

ربما يكون اقرب من شربة الماء !

أو اقرب من أنفاس الهواء ..


يالروعة هذه العبارات جعلت العبرات تنساب بدون ما احس فيها
ياليتنا نفهم حقيقة هذه الدنيا ونعيش من اجل الاخرة .........
بارك الله فيك ياوووموووووووووض ويفتحها في وجهك ويرزقك من حيث لا تحتسبين ...

وإن يكن سبب حزنك ظلم حلّ بك من قريب أو بعيد ، فقد وعدك

الله بالنصر ووعد ظالمك بالخذلان والذل ..

قال تعالى في الحديث القدسي للمظلوم :

{ وعزتي وجلالي لأنصرنك ولو بعد حين }.

( اللهم اني مظلوم فانتصر )
حكمة دائما احب انها ما تفارقني ارتاح اذا ذكرتها


..... <<<< إذا لم تجد عدلا في محكمة الدنيا فارفع ملفك إلى محكمة الآخرة.. فالشهود ملائكة والقاضي أحكم الحاكمين >>>>.....

نعنش هانم

يا هلا يا مرحبا

وموض

الحمد لله اللي طمنتينا على شوشو والله اني كنت شاله همها


باقي المنطلقات ... الله يسعدكم دنيا و اخرة و يعوضكم بحياة احسن عن اللي راحت يارب العالمين

:icon28::icon28::icon28:


نعنش هلا وغلاا من جد اشتقنا لج وولهنا عليج


لالالا أختي الحبيبة لاتتحطمين ولا شي ..
وبالعكس الطلاق ظاهرة شر وباطنة خير كبيييييييييير ..
عرفتي فيه صديقج من عدوج أحسن من تضيعين عمرج كلة أو بعضة مع صاحب مايستاهل ..
المعنى ندمج على اللي تعاشرينة سنة مو زي ندمج على اللي تعاشرينة سنين ..
وصدقيني صدمة الطلاق صقلت مشاعرنا بشكل مو طبيعي <<< أتكلم عن نفسي لو سمحتوا لحد يدف :D
وصديقاتج نصيحتي التمسي لهم العذر واللي يقاطعج جزاه الله خير خفف عنج .. تعرفين حقوق الصاحب كثيرة لي كثروا وين ناديها ياااخلاف ..
وبالنسبة لبنات حواء وملفنا خاصة انا اقولها لج من واقع عشرة لقيت فيه ضالتي لقيت خوات اقرب لي من خواتي عارفين مشاعري واقتطعوا من وقتهم وصحتهم عشاني وضحوا عشاني كثييييييير وبادلتهم نفس الشي وادعيلهم ليل ونهار ان الله يعوضهم ويرزقهم واطلب من ربي انه يجمعني بهم تحت ظل عرشة .. وياااج وباقي الجدد ياااااارب ..

وهذا بحد ذاته كسب كبييييييييييييييير ...




ويااج ياقلبي حتى انا ذبحني القلق آخر شي تذكرت اني عندي جوالها ارسلت اتطمن وخااااصة يوم شفت قلق الكل عليها ..
الله ييسر امرج ويفرج كربج ويختار لج الخيرة ياااااااااارب ...
وولدج الله يوفقة وتفرحين به رجال ويجعله الله قرة عين لج ياااااااارب ..



صاااادقة لافض فوك من صدق الكتاب راااااااااااائع وشوي علية كلمة رائع ..
تراه مو كتاب ديني بقدر ماهو كتاب نفسي تكلم عنه الشيخ عائض بنفسة يقول كل ماضاقت علي فتحته <<<< عاد خذو الكلام بالمعنى مو ضروري نصا خخخ



وفيج بارك الله لموعه .. تدرين وش اكثر شي يسعدني لما أطل على الملف .. راحتكم بالكلام اللي أجيبة أحس بسعاااادة ماتنوصف انه ريحكم شوي ولا شال عنكم ..
وصج الدنيا ماتسوى الزعل ولا ضيقة الخاطر أبد .. ومااااااعند الله خير ماعند الله خير ...



الحمد لله تطمنت وأكيد مابنساكم طمنتكم معي ..
وأكيد تشغلكم حنا هنا خوات بصدق ....
اللهم آآآآآمين يسعدنا دنيا وآخرة ...