اختي رناد معليه كان نفسي افيدك بس للأسف ماني انجليزي بس اقدر اقول لك بعض الاساسيات والافكار
اول شي لازم تتطلعين على برنامج رياض الاطفال وتاخذين عنه فكره واضحه والاهم هو الحلقه واهم قوانينها عشان في حالة حضور المديره او المشرفه لك ما تاخذ عليك نقاط وتقدرين تطلبين من اللي انتي عندهم هذي القوانين كمثال تكون جلستك صحيحه وتجلسين في مكان يراك فيه جميع الاطفال نبراتك تكون متدرجه وصوتك واضح والطفل لا يقطع الحلقه اذ يجب ان يمشي من خلف الاطفال ان تكونين ضابطه الاطفال زين وغيره من قوانين اتوقع حتى معلمة الانجليزي مطالبه فيها لانها اصلا تفيدها في ادارة صفها وحصتها واطفالها.
خلي الدرس ممتع للاطفال خلي وسائلك جذابه للاطفال اذكر مره شفت درس انجليزي عجبني وش سوت المعلمه خذت الدرس برى الفصل في غرفة المناوبه كنوع من التغيير وكان عن الفواكه او عن عدد معين او عن لون او كان تطبيق ومراجعه يمكن والله ما اعرف في منهجهم المهم انه كان معها برتقاله وجالسه تشرح عليها واصلا انتي بيطلع معك اسئله مفتوحه للاطفال مثل: اللون مالونها - العدد كم برتقاله عندنا- شكلها ماهو شكلها- على حسب انتي وش حفظتيهم او تبغين تحفظينه لهم المهم وش سوت كانت جايبه عصاره معها وجلست تعصر البرتقال وتقول لهم الخطوات بشكل مبسط وبعدها شربوا العصير بعد ما قالت لهم انشوده بسيطه.
نفس الشي اذا بتعلمينهم عدد معين او حرف خلي طريقتك ممتعه وسهله لا تصيرين جافه في تأديه الدرس يعني جيبي انشوده بسيطه للعدد او مثلا للحيوان اللي يبدا بالحرف الفلاني جيبي امثله حيه وغير حيه قدامك خليهم يشاركون معك كرري عليهم اللي ما يفهمونه خليهم يحبون الانجليزي ويحبونك وينتظرون متى تجين وتعطينهم الدرس .
فيه نقطه عن التمرين الادراكي اللي يقدم بعد الدرس اجعليه منظم وسوي مدخل او منبه لانتهاء الدرس والبدء بالتمرين كأنشوده مثلا او جرس يرن او تصفيقه او اي شي يدل على انكم بتبدون بالتمرين واشرحيه لهم اول شي وش راح يسوون وخليهم هم اللي يحاولون يدركون الاجابه والحل وتأكدي قبل ما يبدون ان الكل فهم المطلوب واجعليه ممتع بعد لانهم اطفال وساعدي اللي يحتاج مساعدتك ركزي عليه وعلميه بكل حب ولا تحسين انك مجبره على الشغل لانك اذا حبيتي اللي تسوينه وتحسين بالفخر في الانجاز راح يستفيد الطفل اكبر استفاده منك وانتي بعد راح يرتاح بالك اكثر ويزيد اجرك عند الله سبحانه وتعالى.
هذا اللي جاء ببالي وقلته لك وان شاء الله لو تذكرت اضافه بقول لك واذا تبغين اناشيد للاطفال تقدرين تروحين لقسم اللغه الانجليزيه هنا وان شاء الله تستفيدين منهم لاني شفت كم موضوع عن الاناشيد للاطفال.
اتمنى اني قدرت افيدك موفقه يارب
سلااااام
معلمات رياض الاطفال تفضلوا هنااا(1)
متابعة النقاش، صفحة 35
