بنات وش رايكم بزوجي

السلام عليكم

يا بنات وش رايكم تتوقعون زوجي يلعب علي بالكلام وياكل بعقلي حلاوه على ما يقولون ويسكتني ؟؟

شوفو زوجي عنده محل ودايم يسافر عشان يجيب بضاعه

داااااااايم اقول له ابسافر معك يقول لي لا ما يصلح لأني اجلس بالساعات في المصانع وارجع تعبان ما عندي وقت امشيك واذا خليتك بالفندق بتطفشين
وانا اقو له ما ابي تمشيه ولا شي بس ابي اروح معك وهو يررررررررفض

المهم اذا سافر هناك يقعد يرسل لي رسايل شوق وغرام ( طيب يوم انك بتصير مشتاق ليش ما اخذتني معك) والا تتوقعون بس يلعب علي بالرسايل :32:

ومره سافر تركيا وكان مسافر معاه رجال يشتغل عنده قلت له ابسافر معك قال ما يصلح تسافرين ومعي الرجال معي وسكن في اوتيل على البحر ويوم اتصل فيني قال لي والله الغرفه تجنن ما ينقصها الا انتي
طيب انت قلت لي روحي معي وانا رفضت ... شفتوا كيف .. يعني هو راعي كلام وبس

واذا كان هناك يقول شفت وشفت ويقعد يغايرني ويقول ليتك معي ( طيب انا قلت لا !! ) ويقول ان شاء الله اجيبك هنا وتشوفين كذا وكذا ونروح كذا وكذا
واذا رجع طاااااااااااار كل الكلام بالهوا لا يوديني ولا شي

ويرسل لي رسايل يقول لي طول الوقت وانتي على بالي واذا رجع ما يجيب معه ولا شي ... طيب كيف على بالك وما تتذكرني بهديه يقول ما اعرف وش اللي يصلح لك اخاف اجيب شي ما يعجبك

اذا سافر يكون مررررررررررررره رومانسي واذا رجع رجع لعادته القديمه


وفي امور كثييييره مثلا انا الحين ساكنه بشقه واقول له خلينا نسكن بيت ملك يقول اذا اذا تخرجتي نزلنا بيت جديد والحين انا متخرجه من 4 سنوات ولا عنده نيه واقول له وين اللي تقول اذا تخرجت يقول لي اذا جت الاجازه نبدا ندور بيت والحين جت الاجازه يقول بعد رمضان

واقول له ابي نسافر يقول ما عندي فلوس وبعدين يقول ابي اشتري لكزس

يقول لي انتي احلى وحده شفتها بحياتي وماليه عيني وقلبي وبعدين يقعد يطالع بالحريم بالشارع :06:

بنات انا احس انه محتال وما احس بالامان معه وافكر جديا اني انفصل عنه