سفره عصرونيه


البارح جاتني انسانه عزيزه علي وسويت اصناف بسيطه مع الشاي والقهوه وقلت بالمره خليني اصور وانزلهالكم بس للاسف ماقدرت اصورها غير بالمطبخ وكان نفسي تشوفونها بالسفره وهي مرتبه مع باقي التجهيزات بس مو مشكله اهم شي قدرت احقق حلمي
واشارك معاكم بالصور ولوانها بسيطه واستروا ماواجهتوا لانها ول مره انزل فيهاصور





زي ماانتم شايفين سويت خلية النحل بجبنة الكيري وبيتزا وطبعا عجينتهم العشره دقايق زي هاذي العجينه ماشاءالله ماشفت بلذتها وهشاشتها :35:
وصينية التوست بالتونه وكانت الطيقه الاولى توست منزوع الاطراف والطبقه الثانيه تونه مكشنه مع بصل وبهارات واي شي تحبوا تضيفونه بعدين الطبقه الثالثه توست واخر شي نغطيها بخليط (مايونيز جبن كاسات قشطه) وانا احط بالنظر :cook:ماشاءالله >مصدقه نفسها خخخ
بعدين ادخلها الفرن من تحت شوي ومن فوق لين ماتحمر وعلى كيفكم وطريقة اختي نفس الشي بس بدل الفرن تدخلها الثلاجه ودايم نختلف :hahaha:بس تجنننننننن ماشاءالله دايم تتاكل من قبل الصغار والكبار
وهاذي صورها عن قرب قبل ماتدخل الفرن


وبعد ماخرجت

وووووووووووونسيت احط صورت الخليه قبل وبعد ههههههه

لاترودا بلييز لين مااخلص

76 تعليق 8,117 مشاهدة

شاركي في النقاش

سجلي الدخول لإضافة تعليق.

التعليقات

71
  1. @alhmd_allh

    صاحبة الموضوع


    وهذي التمريه رهييييييييبة الطعم تذوب بالفم ذوب اول مره تعجبني وصفه وعشان كذا اعتمدتها عندي وسويت منها تمريه ومديتها بالصينيه



    وهنا سويت منها معمول بس الفرق نحط بهار المعمول

    وهنا لمن قطعت التمريه وصفيتها بورق البلسيه

    جوالي يظلم الصور برميه قهرني


    المقادير والطريقه

    نضع المقادير الجافه اولا وهي

    2كاس دقيق
    حليب نيدو خمس ملاعق
    ملعقه كبيره مليااااااااااااااااااااااااااااااااااااااانه ملي (بهارات المعمول الجاهز والافضل السند)

    سكر مطحون ناعم نصف كاس
    ...
    اخلطهم مع بعض


    ثم اضيف
    زبده ثلاث اصابع ونص
    واعجن بها المقادير كلها بيدي وممكن ازيد شوي زبد لو احتجت
    تصير عجينه لينه مدهنه...يمكن تشكيلها

    ملاحظه(الزبده ماتكون سايحه انا انزلها من الفريزر وشوي تذوب واحطهااا بالمقادير تذوب مع العجن)

    بعدها نشكل المعمول بالقوالب ونحشيه بالتمر بداخله......تمر معجون
    ويوضع بالفرن من تحت وبعدها من فوق

    وانتبهي بسرعه يحمر من فوق خليكي يم الفرن

    وبالعافيه على قلووووووووبكم ..........وتراه روعه وعلى مسؤليتي

    وممكن ترشي الوجه بسكر مطحون للتزيين لو حابه
    الله يجزها خير صاحبة الوصفه وهاذي الطريقه منقوله بالحرف الواحد
    يتبع لاتردون
  2. @alhmd_allh

    صاحبة الموضوع
    نجي للكنافه الكذابه هاذي طريقه ممييييييييييزه ماحد اكلها الا اتجن عليها وهي بالطعم احلى من التوست الف مره والسسسسسسسسسر لاني اسويها بالشابوره انا استخدم شابورة تسالي واليكم طريقتي
    اول شي نطحن الشابوره مع زبده عشان تتماسك ولاحد يسالني عن المقادير لاني احط على باحساسي >طيب يااحساس كل هذا عشان زبده وبعدين نقسمها قسمين نفرد الطبقه الاولى وبعدين نجهز الخلطه وهي عباره عن
    كاس حليب سائل نحطه على النار ونص فنجال سكر او حسب ماتحبي الحلى فيه ولمن يفور نكون مجهزين نص كوب ماء عليها ملعقتين ملياانه نشاء نحلها ونضعها على الحليب ونحركه لين يصير قوامه مثل قوام البشامل ونطفي عليه ونحط 2قشطة المراعي او وحده علبه قشطه التاج بس المراعي احلى لان الخليط يصير ابيض وهذي الخطوات



    ملاحظه لاتقلب الصينيه بصحن التقديم لانها اكثر هشاشه من التوست راح تتفكك يعني تترك بصينيتها وتسقى بالشيره وبالعافيه

    يتبع
  3. @ghrb_aaros

    انا زعلانه ليه ماناديتيني معكم أبغى عزيمه زي هاذي أمزززززززززززززززززززززززززح معك الله يعطيك العافيه على الأطباقالحلوه ياحلوه.
  4. @alhmd_allh

    صاحبة الموضوع
    والحين نجي للحلى البارد انا سويته بالمقادير المتواجده عندي وحطيته كذا بدون مقادير لين طعمه صار حلو وقوامه غليظ شوي يعني صار تشيز كيك تقريبا
    بصينية التشيز كيك
    الطبقه الاولى كيك سويس رول شكولاته
    الطبقه الثانيه بالخلاط جبن كيري ودريم ويب وقشطه

    الطبقه الثالثه 3سنكرز قشطه وشوية زبده

    وبالثلاجه لين تجمد وتفك الصينيه بشويش وتقدم وبالعافيه


    تم بحمد الله يالله اجبروا خاطري بردود تعبت بالصور مره عشان عيونكم

تابعي تجارب أخرى من هذا القسم.