وانا ...وانا... وانا....
اخواتى الامهات الحلوات ممكن كمان تقبلونى معكم فى تجمعكم جميل قوى التجمع والخبرات
انا بقى اعرفكم بنفسي
انا ام جديده .. عندى ولد ربنا يحفظه لى ان شاء الله يوم 15 يوليو يتم السنه الاولى يارب يطولى فى عمره ويفرحنى بيه
طبعا مش عايزه اقولكم ان كل حاجه فيه جديده عليه والمشكله الاكبر انى لوحدى لانى وزوجى فى الخارج يعنى ما نعرف اى شيء ولا جنبنا حد نسأله
كل ما يحصل اى حاجه غريبه نجرى على الطبيب مش عارفين هل دا طبيعى ولا فى شيء
يعنى مثلا بقالى شهرين محتاره وياه بيضرب بإيده على ودنه ايام يعملها وايام لأ ايام يكرر الحركه كتير وايام تانيه لأ
خفت جدا يكون عنده مشكله فى الاذن او اى التهاب طبعا روحنا للطبيب مش واحد 3 وكل طبيب يقول حاجه شكل
الاول قال هو كويس مافى شيء
والتانى قال عنده شمع زياده ممكن يكون وراه التهاب بسيط مع العلم ان معلوماتى الضعيفه انه لو فى شمع زايد فى الاذن هيظهر لبره ولا إيه؟؟؟
اخيرا وليس بأخر لاحظت ان شعر رأسه بيخف من الامام مش عارفه هل ده طبيعى فى سنه يعنى كان الشعر ده شعر الولاده ولا هروح للدكتور
طولت عليكم فى اول رسايلى ... لكن بقى مافيش غيركم دلوقتى منتظره نصايحكم وخبرتكم وقبل كل حاجه تقبلكم ليا معاكم
/// .. تجمع .. احلى .. الاطفال (^_^) من .. سنه .. الى .. سنتين .. ///
متابعة النقاش، صفحة 265