أيهم أفضل النقاب ولا اللثمة ؟

اسفه اختي على ها المداخله بس ودي اسأل عن افضل نوع لاقماش العبايه والنقاب ومن احسن محل يفصل في الرياض؟؟؟؟؟؟؟؟؟؟؟؟؟؟؟؟


اعذريني اختي بس انا حايسه مثلك وسفرتي اقل نت شهر ولا بعد جهزت شي.........

اخت شذى الجبل البندانة اول وبعدين الشال وبعدين النقاب فوقهم كلهم
اما بالنسبة للنقاب انا ليش افضل يكون نفس الشال عشان مايصير النقاب لون والشال لون لني احسه ملفت اكثر انتي تخيلي الوضع
بس لو كانو نفس اللون بيكون مرتب اكثر
انا صرت اتلثم بطرف الشال واحس صار ارتب وزي ماقلت لك ناوية لما ارجع السعودية افصل نقابات مثل الشالات
اما عن الكتب المدرسية للأسف ماعندي خلفية ان شاء الله البنات يفيدونك
اخت املو اقمشة العبايات فصلي كم وحده صيفية يعني قماش بارد او خفيف بس مايكون شفاف يعني كريب او زي قماش التنورات وانصحك بالخامات اللي ماتحتاج كوي عشان ماتبهذلك بالكوي كل شوي
وفصلي كم وحده شتوية قماش ثقيل يدفي مثل الخامات الجنز

ونصيحة من تجربتي لني كنت مرة حايسة اول اشتري او فصلي الشالات المشجرة وعلى اساسها اختاري الوان العبايات اللي تناسبها
وبالتوفيق...

السلام عليكم اختي..
أنا من تجربت البنات واللي اشوفه النقاب المطاط اريح,,خاصه بالاكل والشرب والتعديل

واهم شئ لاتسويه من قماش العبايه لا لا,,,بيكون ثقيل ومره واقف مو مرتب...جيبي شيفون من نفس لون العبايه وخليه طبقتين ولا تخلينه طويل خلي طوله معقول..

اللبس تلبسي البندانه او ربطه اللي قدام بعدين تدخليه جواء العبايه ثم تحطين اللثمه المطاط ثم تلفين الحجاب.

مرره ارتب واريح بس خليه دبل قماش شيفون من نفس لون العبايه,,

دعواتك

عزيزتي النقاب المطاط أفضل من اللثمه ،

واذا انتي موجوده في السعوديه ، اطلبي من محلات العبايات النقاب ويا الطرحه الي يخنق ، تلبسينه مثل سدال الصلاة بس حجم قصير ، يعني أهم شي يغطي الكتوف ولازم كله نفس نوعية القماش حق العبايه