وش رايكم بالنفاس بالغربه؟؟ولا تنصحوني اروح لاهلي

السلام عليكم ورحمه الله وبركاته

ابي اسال سوال للبنات اللي ولدوا وما كان عندهم احد يساعدهم بوقت النفاس

وش رايكم الوحده تقدر تقوم بنفسها وقت النفاس وتعتمد على زوجها
ولا الافضل اروح اولد عند اهلي

انا بكون نفاس لاول مره
بس تعلمت لي كذا شغله للنفاس من البنات
كلمت اختي قالت لي ماينفع لازم يكون عندك احد
وانا احس ممكن اقوم بنفسي
بس للحين محتاره
تكفون انصحوني

39 تعليق 3,325 مشاهدة

شاركي في النقاش

سجلي الدخول لإضافة تعليق.

التعليقات

38
  1. @molten_cake

    اهلين حبيبتي ...


    نصيحة اذا عندك بنات يساعدونك { او زوجك } ..!! خلاص مايحتاج تنزلين ..

    اجليها لين ترتاحين وتطلعين من النفاس وتصيرين رايقة وفاضية لنفسك وللبيبي ...


    ترى النفاس مايبيله شي <<< خخخخخ ترى ماعندي اطفال !! بس حولي نفاسيات كثيير وتعلمت ... هههههه

    يعني اشياء بسيطة وفريها وعلمي عليها زوجك ...

    وانتي حاولي تجهزين كل شي بالثامن او التاسع بحيث انك ماتقومين كثيير من السرير ...


    والله يقومك بالسلامة ان شاءالله ...
  2. @alrshyyykh

    صاحبة الموضوع
    مشكوره اختي
    انا للحين باقي لي كثير عالنفاس بس ابي استشيركم عشان اقرر من الحين اروح لاهلي ولا اجلس بامريكا

    90 بالميه راح اجلس بامريكا وناويه اعلم زوجي الطبخ وافرزن اشياء بالفريزر عشان تكون جاهزه لي بعد الولاده والله يعين

    تكفون بنات اللي جربو النفاس لوحدهم افيدوني بتجاربكم
  3. @amam2

    اذا بكريه روحي لاهلك نصيحه لانها تعب وخاصه اذا مافيه احد يعتني بطفلك وبعدين الوحده تفرح بنفاس عند اهلها اقل شئ تسترخين ولاتشيلين هم طفل
  4. @alzghrot

    بنات ما تلاحظون انا يالعرب اللي نتبطح ونتسدح للنفاس ولا هنا اجسام زي الاوادم

    ولا هنا صحه زي الناس ولا هنا الا القرف والخرابيط

    شوفوا الاجنبيات سواء امريكيات والا اوروبيات من تطلع الوحدة من المشفى وهي حصان..

    ولا عندهم سرير نفاس وخرابيطه وهذا هم من احلى ما يكون حتى الوحده فالطلق زفرتين والا البيبي طالع..

    احد يشاركني الراي..؟؟

    ولصاحبة المكوضوع خليك مع زوجك وربي ما يجيك الا العافيه.. والله يسهل لك..

تابعي تجارب أخرى من هذا القسم.