سويتي عملية قيصرية ورد بطنج في ظهرج ؟؟لحقيني شنو سويتي

اهلين اخواتي انا انضم لكم عندي نفس المشكلة اللي هي كبر البطن
بالنسبة لسمار البطن راح لكن المشكلة طلع لي كرش وانا هذا اول بيبي مادري شسوي وخاصة ان بنتي الله يهديها نومها
مقلوب وبكاية يعني ما أقدر انام زين واسوي ريجيم علما ان هذا الشهر الرابع بعد الولادة
الله يعين وترجع بطونا زي ماكانت

أنا مريت باللي انتي فيه واللحين الحمد لله كل من شافني ما يصدق ان عندي عيال بس كنت بسألك إذا كان عندك خطوط تمدد الجلد لأنها لو كانت عندك هاذا لأنك ما دهنتي بطنك بزبده الكاكاو و أنا آسفه اقولك انها مستحييييييييييييل تروح
و إذا ما كانت عندك أول شي بقولك استخدمي كريم لأثار العمليات اسمه contractubex
وثانيا لما تطلعي من الأربعين ألبسي مشد ولا تسمعي من الي يقولون انه يأذي لكن لا تلبسيه طول اليوم ولا تخليه مشدود مره
وثالث شي خففي أكل واشربي شاي الشمر لأنه يشد الجسم و ينظفه ويطرد الغازات
رابعا لما يختفي الألم تماما سوي تمارين بطن خفيفه وأهم شي تمرين الإلتفاف علشان الخصر يصغر لأنه أوقات تروح الكرش و يروح الخصر معاه
خامس شي بقولك عليه بالنسبه لسمار البطن في طريقه انا سويتها بعد الولاده و جابت نتيجه حلوه مع اني ما أعاني من سمار البطن وأكتشفتها بالصدفه وهي اني جبت كريم بيزيلين للتنحيف ودهنته على بطني ولفيت بطني بالنايلون الشفاف حق الأكل وأخليه على الأقل 6 ساعات وممكن تسوي هالطريقه وتلبسي بعدها المشد
والله يوفقك

ياعمري حاسه بمعاناتج انا بعد صارت عندي حاله نفسيه من شكل بطني بعد الولاده وتخيلت انه مستحيل ترجع بطني مثل قبل من بشااااااعتها

لكن الحمد لله بعد شهرين بالضبط زال تشوه البطن 40 بالميه وبعد ست اشهر زال 70 بالميه وبعدها زال 95 بالميه تتخيلين ؟ وانا ماشاء الله ماسويت اي شي هذه كلها اثار للحمل وتوابع لابد منها مع الوقت بتختفي على شوي شوي

اللي يقول القيصري تكبر البطن معلوماته غير صحيحه لأني والده قيصري وبطني ماشاء الله خفت بسرعه وفيه اللي والدين طبيعي وكروشهم لقدام بالمختصر كبر الكرش ماله علاقة لا بقيصري ولا بطبيعي هذا على حسب طبيعة الجسم

بعد ما تخلصين الاربعين سوي حمام مغربي وافركي منطقة البطن بالذات بس بشكل خفيف مو بقو ورح تلاحظين السواد شوي خف انا هذا اللي سويته وكنت اسوي تمارين بطن بس سويتها متأخر بعد كم شهر وناوية باذن الله بعد الولاده استخدم زبدة الكاكاو مع خل التفاح لشد البطن والتشققات تلاقينها على هالرابط للأخت الذوق كله

http://forum.hawaaworld.com/showthread.php?t=1291955

وانصحج بالمواضبه على التمارين (تمارين البطن ) مافيه اي شي ثاني ممكن يخفي لج كرشتج الا التمارين اما التشققات والترهل والسواد استخدمي له الخلطات البنات ماقصروا

الله يرده لك احسن من اول وادعي لي انا كمان

ادهني بزيت الزيتون الأصلي مع زيت اللوز المر الأصلي .. يشيل العلامات من الجسم ويشيل السواد من اي مناطق الجسم باءذن الله