مشكلتي..تافهه جدااااااااااااا بس حطمتني..واقهرتني..احس نفسي..ولا شي..؟

تصدقين اختي لميس الحلوه كانك قاعده تتكلمين عني تماما الله يعيني ويعينك على هالبلوى:06:بس انا مؤمنه بالقدرات الشخصيه مثل مافيه بنات احسن منا في هشغله اكيد احنا عندنا قدرات ثانيه ماهي عندهم:hahaha:وعقبال مانكون احسن طبخات :cook:اذا شاء سبحانه

شوفي ياعمري ما دمتي تحطمين نفسك ما راح تقدمين .اولا ما شاء الله عليك اللي عندك اطفال وتعزمين وتطبخين كثر خيرك..انا ابقول لك وما ادري اذا احد قايل كلا مي لاني ما قريت الردود .شوف ياجميل اولا كشني بصل مع فلفل احمر بارد وطماطم واطحنيه وكيسيه صغار على قد الطبخه الوحده حقتكم وطوالي في الفريزر ثانيا :قطعي بصل صغير وحطيه مع اللحم المفروم وخليه يطبخ مع ماؤه واذا نشف اضيفي له ملح وفلفل وكيسيه صغار وطوالي بالفريز(انا فاهمه انك ماشاء الله شيف بالطبخ بس انا احب التفصيل) اذا دخلتي المطبخ حطي قدر الشوربه على النار وفيه ماي وماجي بس واجدعي كيس كشنه مع اضافاتك المعهوده وخليه يطبخ واقعدي قطعي الورقيات واضيفيها لكيس اللحمه ولفي واثناء اللف اقلي يعني حطي الزيت وقعدي جنبه اثناء ما تنتظريه يستوي لفيلك كم وحده وهكذا وبعدين مع الوقت راح تعودين السرعه وتراك بعدك صغيره لا تقارنين نفسك باللي اكبر منك لان الخبره ليها دور والله يوفقك

شوفي حبيبتي طبيعي جماعة زوجك بيقولون السالفه تافهه لانهم جماعة زوج
لاتسألينهم رايهم أستشيري أهلك واللي يحبونك وترى وحده عندها طفلين صغار موب زي وحده عيالها رجال وشايلين انفسهم الحريم الكبار كانو بيوم زينا وأقل منا ترى زمان الدعوى رز ومرق وبس وبرمضان شوربه وسمبوسه ما بدو يطبخون وينوعون الا تالي وبالتحديد مع وجود الخدمات الي يجهزون كل شئ ويقطعون كل شئ والشيخه بس تجي وتحط كل شئ فوق بعض وتقول طبخت الزبده لاتصيرين حبيبه بزياده وتصدقين ان فيه سوبر ومن ومرأه حديديه ومرأه اي كلام ترى الناس كلهم زي بعض بس الظروف تختلف أنا اعرف لك ناس من جماعتنا يشترون الرز من المطابخ ويقولون طبخنا وزوجي مصدق لين شاف بعينه
الحريم اللي يبيعون وش كثرهم اشتري وموب لازم تقولين موب طبخي او فرزني كللللللللل شئ اشوف البنات هنا بالمنتدى ماشاء الله يفرزنون الصواني والمحاشي والكبب والبف والسمبوسه والخضار والكشنه وكل شئ
ارجع واقول لاتصدقين كل شئ بالتحديد من أهل الزوج وخليك واثقه انك زيهم واحسن بعد

و الله يا حبيبتي عادي ، أنا مثلك ودي أسوي أشياء كثيره بس ما ألحق و ترى المسأله فعلا فيها فروق فردية في ناس ما شاء الله عليهم غاوين و عندهم الطبخ هوايه هذول هم الي يتفننون ، بس بعد حنا نجتهد و نرتب أمورنا و وقتنا و بصراحه اسمحيلي زوجك يقهر ألحين عندك ولدين و ما عندك شغاله و يبيك تسوين أكثر من صنفين !! لا يكلف الله نفسا إلا وسعها

و في نقطه مهمه ،، إذا عندك عزيمه جهزي لها قبل بكم يوم نظفي البيت و قبلها بيوم إذا في خضار يبيلها غسيل اغسليها و لو ما تخرب قطعيها يعني زي البصل ، الطماط ، لو بتطبخين دجاج نظفيه و قطعيه من الليل و خليه بالثلاجه و إذا في شي ينسلق بعد اسلقيه من الليل سواء كان لحم أو دجاج صدقيني بتوفر عليك وقت ، و جهزي الفناجين و البيالات و صحون الأكل و الكاسات كل هالأشياء خليها جاهزه قبل العزيمه بيوم ..
عندك بعد الفطاير و البيتزا لو ماعندك بالفريزر جاهز و تبين تسوين بعد سويها قبلها بيوم و حطيها بالثلاجه و قبل لا تحطين العشا بشوي سخنيها بالفرن و تأكدي انها ماراح تخرب ولا راح يبان إنها مسويه من أمس أنا دايم أسوي كذا ..

و على فكره مافي داعي زوجك يعرف عن التحضيرات هذي يعني خليك قدامه كأنك مخلصه كل هالأشياء يوم العزيمه ترى الرجال ما ينقالهم كل شي ..
أتمنى أكون أفدتك ،، موفقه

رتبي وقتك ,,والاشياء اللى تقدرين تصلحينها تحضير مسبق سويها قبل بليله لو عندك عزيمه

يعنى صلحى السمبوسه والسبرينغ رول وحطيها بالفريز ,,برضو ورق العنب والملفوف احشيها وفرزيها

يجى يوم العزيمه تقلينهم بس ,,وورق العنب والملفوف تطبخينه بدري لانه افضل يتقدم بارد مو حار

محشي الكوسه والبطاطس والفلفل برضو احشيها قبل بليله وحطيها بالثلاجه ما يضرها ,,

المكرونات والصوانى صلحيها بدري و قبل يوصلون ضيوفك دخليها الفرن تتحمر ,,

السلطه هى الشغله الوحيده اللى لازم تصلحينها بنفس اليوم ويفضل المغرب اذا عزومتك عشاء لانها تذوب وتخرب

الحلويات برضو قبــــــــــــــل بوقت افضل عشان يجمد ,,


يعنى كل اللى تحتاجينه خطه عمل وتنظيم للوقت ,,وصدقينى ترى السالفه بسيطه