بسم الله الرحمن الرحيم
بما ان ديرتنا كبيرة وكل منطقة لها عادات غير بالزواج حبيت نعرف وكل وحدة تقولنا عن ديرتها كيف عاداتهم بالزواج
وطبعا بما ان زواجات حايل غير<<<<<<جدة غير ههههههههه
حبيت اني اعرفكم على طريقتنا ياأهل حايل بالزواجات
طبعا الصيفية اذا جت جت الزواجات بحايل وخبته
حتى الشغالات يفصلون ومحتاسين معنا<<<<<<<<<<شغالتنا معقدتني تفصل للزواجات بس ماترقص لاتخافون تستحي؟؟؟؟
اهل حايل فديتهم كل ابوهم لهم طريقة خاصة بالزواجات تخلي اللي يحضرها يقول هذي العروس والابلاش
كيفي ديرتي وبامدحها هههههههههههه
المهم وزبدة الهرج
عندنا الزواج يختلف عن اغلب المناطق اللي حضرت عندهم وشفت الفرق تعرفون ليش؟؟؟؟؟
بأقولكم ليش ؟؟
لأن أهل البنت هم اللي يشيلون الزواج كامل على رووسهم عكس اغلب المناطق
من الملكة يأخذون الفلوس ويبدون المساكين:09:
يحجزون القاعه والطقاقات والعشاء والضيافة حلويات وغيرة والصبابات وهم ماله نهاية
يوم الزواج عاد تلاقينهم مرتزين في القاعة ينتظرون ضيوفهم
هم اللي يرحبون بالضيوف ويقومون بالضيافة وكل شئ
وأهل المعرس:arb: هم ضيوف عندنا ولهم الدلال والدلع واولوية بكل شئ
اهل المعرس يجتمعون ببيتهم أو باستراحة اذا ان بيتهم صغير
ويجتمعون عندهم كل معارفهم واقاربهم وعلى الساعة 10 يشرفون حضرتهم للقاعة
واذا شرفو تعالي عاد شوفي وش يصير
تقولين جاي موكب ابو متعب
نحيي بهم عن طريق مرأة تتسأجر ب400 ريال علشان ايش
بس علشان وهم يدخلون تجلس تحيي بهم بمكريفون وصيغة التحيات عندنا هي
((ياهلا والله بأم فلان ام المعرس ومن معها ياهلا والله بخواتة وخالتة وعماتة
وعندنا زيادة ياهلا باللي جاي بعزيمة واللي جاي شفاية ((شرافة)) ...................:icon28::icon28:الخ
هذاى غير ان طريق مرورهم الى القاعة يكون على اليمين واليسار بنات واقفين لهم بالمباخر ؟؟؟:eek::confused:
لاتخافون ماقد احترقنا
وحسب كل القاعات يحجزلهم نصف القاعة يعني الناس والضيوف يجلسون بنصف والنصف الثاني فاضي تماما
وهذا بعد فية حريم خاصات يحجزون وطبعا مو ببلاش............ونسميهم حجازات
يعني يدخلون أهل المعرس ولهم مكان محجوز يجلسون فية ويرتزون
المساكين اهل البنت طايرة شوشهم يضيفونهم وهم جالسين رجل على رجل
بعد الضيافة يجي الرقص وطبعا لازم هم اللي بيدون يرقصون اول
وبعدين أهل البنت........
نسيت اقولكم ان موكب اهل المعرس نسمية السفارةالسعودية ههههه
امزح نسمية السفارة وبس
وبعد الزواج باسبوعين يسوون اهل المعرس عشاء وهم اللي يتكفلو ن فية ويرحبون باهل العروس ويسمى الرحالة
وبصراحة اهل حايل يحبون يروحون الزواجات ويقدرون الناس :2thmup:
في حايل تحسين الزواجات غير عن نفسي اتمنى تجي الاجازة وما اصدق خبر اروح لحايل بس علشان زواجاتهم
ررررررررروووووووووعه قليلة بحقها زواجات متعوب عليها فعلا
كل وحد تحضر الزواج تحس بترحيبهم فيها وفرحتهم بحضورها
ناس تحب التواصل مرة وتحب الوناسة بعد مرااات
اجتماعيين اللي يعيش عندهم ما يطفش ابد مثلي وشراواي <<<<<<<<تمدح نفسها
اتمنى يعجبكم الموضوع واشوف تفاعلكم
وبالنسبة لبنات حايل انا ماعممت الاغلبية كذاواللي يحتفلون غير تقول لنا عن طريقتهم,,,,,,,,,,
الموضوع مغلق