سؤالي هو من صارلهه مثل حالتي ومتي ولدت النونو ؟يعني بعد كم يوم من نزول الدم؟

بنات انا بكره المفروض يكون موعد ولادتي

البارحه الساعه تسعه ونص المسا كنت توني راح اجلس على الكنبه بعد ماعملتلي كوب قهوه والا حسيت شي نزل بين رجلي..ركضت للحمام واشوفلكم البيجامه اللي لابستهه مليانه دم احمر تكرمون ...غسلت وبدلت ملابسي ولبست فوطه وقلت لزوجي اني نزل عليه دم

انا ساكنه بالسويد فقمت واتصلت على مستشفى الولاده وقلتلهه اني في اسبوع 39 وخمس ايام ...وانه نزل علي دم بقدر كف اليد وعندي وجع دوره خفيف وبس

المهم قالتلي جيبي جنطتك وتعالي..اخذني زوجي بالسياره والله وانا خايفه وقلبي يقرقع ..حزينه وماادري شفيني..حسيت نفسي بالغربه بوحدي وماعندي غير الله وزوجي الله يحفظه وانا بكريه اول طفل لي بعد انتظار 5 سنين و3 عمليات انابيب

ماطولهه عليكم دخلنا المستشفى الساعه عشره المسا وعملو تخطيط لقلب البيبي والنبض الحمد لله تمام ..وبعدين فحصتني الدكتوره داخلي وقالت كل شي عندك تمام وان الرحم بعده مانفتح والمشيمه بعدها مو ناضجه كامل ..يعني مامعناه انه شكلي مو شكل وحد بتولد الحين

سالتهه عن سبب الدم قالت ان هذا يسموه علامه من علامات قرب الولاده وفي ناس يولدوا بسرعه بعد الدم وناس تتاخر

المهم رجعنا البيت واليوم عندي الم دوره خفيف ببطني وتنزل علي افرازات بنيه تشبه الافرازات اللي تنزل قبل الدوره


سؤالي هو من صارلهه مثل حالتي ومتي ولدت النونو ؟يعني بعد كم يوم من نزول الدم؟

بنات ادعولي الله يسهلها علي واولد واقوم انا والنونو بسلامه ويحفظلي زوجي ..احس نفسي بالغربه لحالي ومااعرف وين انطي وجهي :( يارب وجهت وجهي اليك.