بنات بقولكم القصه من البدايه
انا شرينا قطوه خلاص ونوعها فارسي وتجنننن مره
بيضه وحلوهطبعا شريناها وهي صغيره وربيناها ليييين كبرت طبعا وكل شهر نوديها علشان يطعمونها ويغسلونها
ويقصصون اظافرها خلاص
وطبعا انا متعلقه بقطوتي فيكي هذا اسمها طبعا .....
بس الحين وين المشكله :44:المشكله ان هلي يقولون بنبيع القطوه
طيب ليه ؟؟؟وش اللي صار
يقولون انها خيستنا كل من جانا قال وشذا الريحه حتى خواتس يقولون والله يمه اول مانفتح الباب
نشم ريحهتها
انا طبعا حاطين للقطوه تراب في كرتون ومخلين مكانه فوووق عند باب السطح وكل ماجت
تسويها الله يكرمكم تروح وتسويها في التراب قلت ميد امي :طيب الخدامه كل يوم تغير التراب
قالت امي لو بالعذابين نغير ولا كننا مانغير قلت:طيب نخلي الخدامه كل يوم تبخر البيت
قالت امي بخرنا ولا فيه فايده مع اني يابنات ماشفتهم يبخرون
وبالنسبه للريحه وش معنا هم اللي يشمون وانا لا :قلت ميد امي:
طيب انا مااشم شيء قالت لي امي :وين تشمين معه وانتي مزكومه طيب حتى وانا مزكومه او غير
مزكومه مااشم شيء قلت ميدها :طيب حتى اخوي يقول مااشم شيء
قالت ميدي:عاد اخوس لانه يبيها مايبي يبيعها قال مااشم شيء ...
طيب يابنات وش اسوي مااقدر اخليهم يبيعونها :icon33
انا متعلقه فيها شفتو بعض افلام الكرتون اللي يتعلقون بحيواناتهم انا مثلهم
لدرجه اني امس كنا قاعدين كلنا وفجاه ماعاد للقطوه صوت او حتى نسمع جرسها اللي
على رقبتها
قالت امي روحو دوروها عسى ماطلعت قعدنا ندور ونحوس في البيت مالقيناها
والله يابنات قلنا خلاص شكل الباب كان مفتوح وطلعت وانا ماندري
والله ان دموعي نزلت على خدودي قلت خلاص ماعادني شايفتها مره ثانيه
خصوصا ان قطوه جيراننا انحاشت وماعاد شافوها
وبالنسبه لقطوتنا لقيناها نايمه تحت الستاره والله رتحت راحه عجيبه :icon28:
فكيف عاد تبوني ابيعها ماااااااااااقدر
خلاصه الكلام ماعندكم حل للريحه الله يخليكم
هلي متوكلين على الله ببيعونها بس امي قصدها علشاني يعني
ساااعدوني الله يخليكم