محتاجة مساعدتكن ياسيدات الاعمال,, واخواتي الكريمات

السلام عليكم ورحمة الله وبركاته


من فترة طويلة وانا مفكرة بمشروع تجاري عبارة عن استيديو تصوير نسائي
والحمد لله بعد ماتخرجت من الجامعة صرت أقدر أفكر بشكل جدي فيه
لكن المشكلة مترددة ومحتارة من نقطة البداية,, مدري كيف أبدأ !!

لكذا حابه من الاخوات الفاضلات اللي لهم علم ودراية بالمشاريع التجاريع مساعدتي
عشان أحدد رأس المال المطلوب وقيمة المعدات وأحسن مكان ممكن أشتريها منه
مع العلم اني بالمنطقة الشرقية (الدمام)
وحابه أبدا بالشي المعقول,, وأكبر ان شاء الله حبة حبه

فلي عندها فكره عن افضل موقع ممكن اجره للاستيديو؟؟
باي حي ؟؟ وكم قيمة الايجار التقريبي ؟؟

من وين ألقى أفضل ديكور وبأحسن الاسعار؟؟
من وين أشتري المعدات والاجهزة وأجود كاميرا وبسعر معقول ؟؟
برأيكم كم عامله أحتاج؟؟ ومن أي جنسية تقترحون؟؟ وايش المؤهلات اللي أطلبها؟؟


ياليت تردون علي باسرع وقت
مع العلم اني موهوبة بالتصوير الفوتوغرافي,, وخريجة محاسبة
ومبدعة بالميك اب (بحال احتاج المشروع ماكيير)




ياليت تردون علي باسرع وقت
واللي بتفيدني اللي يرزقها من واسع فضله
ويدخلها الجنه ويسهل عليها امورها
ويعينها على طاعة الله بالشهر الفضيل

3 تعليق 523 مشاهدة

شاركي في النقاش

سجلي الدخول لإضافة تعليق.

التعليقات

3
  1. @am_mhmd_bn_aabdalaazyz

    فوضاوية

    احسن الجنسيات في هالسوالف ماتقدرين تحكمين لان على حسب الخبره اللي لهم

    بس انصحج في الفلبينيات بس لازم اتروحين لهم هناك واتشوفين اماكنهم

    واحسن الاجهزة حاليا المتطوره مثل كاميرات الديجتال اللي للاحترافيين طبعا بتكون غاليه

    الطابعات اختاري اللي لها الوان قوية خاصه بالتصوير بس مش للسكنار عشان اتكون افضل

    وحطي برامج بالكمبيوتر عشان ادخلين الصور واتعدلين عليهم سواء في الخلفيات او الالوان والاضائة

    بالنسبه للديكور خليه عادي مره عشان انتي تتحكمين فيه كيف؟؟
    بالمجسمات الصغيره مثلا للاطفال مجسمات دببه معاهم او بيض كأنهم كتاكيت

    وهيك شي
    اما الكبار فتكون عندك خلفيات يختار منها اللي يبيه وتنزلينها وراه


    وبس هذا اللي اعرفه :27: :27:

    وبالتوفيق

تابعي تجارب أخرى من هذا القسم.