شاركي في النقاش

سجلي الدخول لإضافة تعليق.

التعليقات

102
  1. @gozaaa1

    والله عطيتيني دفعة للأمام يا أم أسيل..

    الاسترخاء وتدليل النفس هي مفتاح الراحة النفسية واذا توفرت الراحة النفسية قلت العصبية
  2. @am_ayot

    السمكه الفوشيه
    مساء الخير وش اخباركم ياامهات وش اخبار الاعصاب الحمد لله حاولت كثير اخفف من عصبيتي صح مو مره بس اهم شي حاولت اذا جلست اصارخ احاول اقصر صوتي واتكلم بهدو واذا بغيت امد يدي اتذكر انهم اطفالي من لحمي ودمي واتعوذ من الشيطان وحتى لو ضربتهم ت…
    السلام عليكم
    عندى بنت وحدةعمرها اربع شهور يعنى بعدها صغيرة وما تفهم شلون بضربها بس حبيت اشارك لانى قاطعة عهد بينى وبين نفسى انى ما اضربها وخايفة اعصابى تفلت مثل كل الامهات واضربها وان شاء الله اقدر اوفى بعهدى بس نصيحة ياامهات شوفو برنامج اسمه سوبر نانى يعنى المربية الخارقة تستفيدون كثير
    بس حابة اقول ان الضرب التاديبى يعنى تضربيه بيدك على ايده من وراء او على مؤخرته ضربتين بيفيد
    فى حاله فلتت اعصابك منها بتكونى فشيتى خلقك اشوى ومنها بيتعلم بس اياك ثم اياكى تضربيه على وجهه يعنى كف وخاصة امام احد حتى لو كان طفل مثلو يعنى ابن عمو او صاحبو لانها بتاثر بنفسيتو وبضعف شخصيتو واياكي والضرب المبرح اللى يتالم منها بشدة او بضل توجعو لثانى يوم واياكى ان تبسقى فى وجهه لانه لن ينسى منظرك وانتى تبسقين عليه وتذكرى ان البصق والعض والكف تجعله يشعر انك تكرهيه وليس مجرد عقاب على فعل خاطئ ارتكبه وانا اقول ذللك عن تجربة اتمنى كل ام قبل ماتضرب ابنها بتراعى الله فيه لانه امانة اولا ونعمة ثانيا
  3. @oh_1

    اللله يهبطهم بسمه العظيم
    الله يصلحهم ويحننا عليهم ويحننونهم علينا
  4. @ryfyra

    صاحبة الموضوع
    أهلين وحشتوني بنات...

    أم أسيل كيفها أسولة معاك وكيفك انت معاها إن شاءالله تمام

    لفت نظري ردود بعض البنات الله يهديهم ويحننهم على أطفاهم .. اللي أعمار أطفالهم بالشهور .... إيش بتسوون

    إذا كبروا شوي بالثلاث والأربع سنين .... لاااااااااااااااا الله يخليكم انتبهوا ترى بتصير عادة عندكم وبتبعدونهم عنكم

    من بدري ......

    الموضوع زي ماقلتلكم من قبل عادة إذا شفتي نفسك قاسية أو تفاجأتي بإنك مو ذيك الأم الحنونة اللي كنت متوقعة تكونيها

    حطي ببالك أمرين .......

    1- إنك خلاص صرتي أم وهذولي أولادك وبيبقون منك ومعك طول العمر

    2- إنك لازم ولابد تتغيري وتطوري نفسك للأفضل عشانهم

    إذا عصبتي من شي عمله طفلك........... أول شي تعوذي من الشيطان

    بعدين حطي نفسك مكانه تخيلي إن مصدر الأمان بالنسبة لك ولنفرض إنه الزوج مثلا... تخيلي زوجك ضربك

    بدون ماتدرين ليه أو داريه بس الشغلة اللي سويتيها مو مستاهلة الضرب كان يكفي العتاب أو لفت النظر

    أو تخيلي إنه صرخ بوجهك وعصب عليك بس لأنه متضايق من شغله و مضغوط نفسيا

    بصراحة بترضينها منه؟؟؟؟؟ بتسامحينه بسهولة ؟؟؟؟؟؟ مابتحسين بالقهر والظلم والضيم؟؟؟؟

    ولو عادها مرة واثنين وثلاث مابتتأثر شخصيتك وتنهز ثقتك بنفسك... وتحسين نفسك ناقصة بين الحريم؟؟؟

    حطيتي نفسك مكان ولدك قبل ماترفعين يدك عليه؟؟؟؟؟ حسيتي كيف المسكين بيحس ؟؟؟؟؟؟؟؟

    إذا سويتي كذا ..صدقيني ماراح تمدي يدك مرة ثانية...........

    بالنسبة الكم يوم اللي فاتوا كنت معصبة شوي بسبب الدورة جتني بآلام قوية بس حاولت قد ما قدرت إني اتكلم

    بدل ماأصرخ وأكون على بعد مترين على الأقل عشان ماأضرب أو أمسك بقوة

    وكمان إذا مرة عصبني ولدي الله يحفظه أطلب منه بهدوء إنه يروح لغرفته شوي لحد ماأهدأ ويهدأ هو كمان لأنه

    عصبي زيي وبعد شوية القاه ياقلبي يجيني يحضني ويعتذر عالغلط اللي سواه.......

    الله يهدينا ويحنن قلوبنا عليهم ويهديهم ويصلح قلوبهم ويحننهم علينا

    بنات ... أي وحدة تحس إن أعصابها فلتت منها تتذكر الأمرين اللي فوق وبعدها تجي تكتب هنا صدقوني ترتاح وتجدد

    حماسها للتغيير للأفضل........

    ومن اليوم بحط لنفسي شعار دايم وبحطه بتوقيعي بعد عشان يذكرني دايم

    من لهم غيري؟؟؟
  5. @btoth_84

    مرحبا اختى رفيرا والبنات كلكم ... انا اشتركت معاكم لانى فعلا احس انى محتاجه للتغير اللى لازم وانه يتم بامر الله ****لله لانى احس انى ما اطاق لان هم ضغط الحياه على صعب والحياه الزوجيه تتطلب الكثير من الجهد والتعب وولدى اسم الله عليه ما ادرى شنو اللى مغيره هالفتره يعنى صارله جم شهر بس صار عصبى وعنيد زياده عن اللزوم ... والا قبل كان مطيع وحليو ووين ما تحطينه تلقينه يلعب وينام مضبوط ومبجر ويقعد بهدوء الحين صاير مشالله متوحش يطق الاطفال ويطقنى وحتى الخدم فى بيت امى يطقهم وانا ما احب هالشى مهما كان هذول حريم كبار وعيب هالشى واذا انا ما تصرفت ومنعته اخاف عليه ان يكرهونه او يسون فيه شى لا سمح الله ....

    وانا من اشتركت معاكم نويت وبينى وبين نفسى انى احل كل المشاكل المتعلقه .... امس رحت يبته من بيت امى الظهر اول ما طلعت من الدوام بس عشان اتفادى ان يبقى فى بيت اهلى ويسبب مشاكل يى ولعب واستانس وكان معقول اثناء النهار بس صار الساعه 10 وكان مو نايم عدل بدى المسلسل مال كل يوم الصراخ والبجى والضرب ويطق راسه بالارض ويتشنج ويبجى والله يا بنات من كثر ما بجى ان عيونع طلعت لى بره وصارت حمر وويهه تشقق من الدموع وصار احمر والشافيف تبططت وطلع منها دم حاولت اهديه واسكته واساحله واقوله تبى حليب تبى تنام تبى تلبس بجاما حللوه ماكو يهجم على ويعضنى ويطقنى ويشد شعرى انا بعدين للاسف فقدت وضربته وايد مو شويه ,.... صدقوونى انى اكلمكم وانا ابجى ولبسته بقوه وبعنف وشرب الحليب ونام بعد عناء وصراخ وشد .. لا حول ولا قوه الا بالله والله ان قلبى يعورنى احس انى تعبانه موعارفه شسوى ... محتاره ولما نام قعدت ابجى بحرقه متحسفه انى طقيته وضايق خلقى عليه ليش يسوى جذى !!!!!! شنو اللى فيه هل اهو تعبان مريض !!!! خايف !!!! ما ادرى قعدت اقرى عليه الاذكار وقريت سوره البقره ... وانا ابجى بحرقه والله ولدى عمره بس سنتين شنو كل هالمشاكل اللى عنده قررت انى اوديه حق شيخ يقرى عليه احس ان انا تعبانه واهو تعبان لان اللى يسويه شى مو طبيعى الواحد لازم يسوى كل اللى يقدر عليه وبوديه افحس اذونه اخاف اذونه تعوره ومو عارف يقول ..... شرايكم بنات اللى بسويه صح والا فى شى غلط وانا ناسيته ..... انا ما انكر انى اعصب بسرعه وودى محد يقول عنه شى او يتضايق منه او انه يسوى شى يخلينى اعصب مثل الصراخ او اانه يرمى الملابس اللى عليه او انه يفصخ الحفاظه بالصاله اقوله لا ماما لا تسوى جذى امش الحمام لا يرميها بالغرفه ويقعد يركض !! انا اعصب واقول اصرخ واضربه بس لما يتعسر لا يسوى شى خطير والله انى اخاف .. يارب يارب فرجها من عندك يارب انك تهدى قوللوى شسوى يا بنات سعادونى والله ما تدرون شكثر انى متألمه ومتضايقه وتعبانه ....:44:

تابعي تجارب أخرى من هذا القسم.