عدة مشاكل اولها أمي ولكن ابرزها في شكلي ومسببتلي عدم ثقه بالنفس.. وآه منكم يالبشر
السلام عليكم
ماراح اكتب مقدمات واتعبكم معي راح ادخل بالموضوع
انا بنت تربيت في وسط عائلي بسيط امي تزوجت صغيره وابوي كان كبير بالسن بالنسبه لها .. فاتزوجته وهي
ماتعلمت ولاشي في بيت اهلها على حسب ما انا شفتها بعد ماجابتني وابتديت ادرك الأمور يعني مثلا ماكانت
تعرف شي في النظافه ولا الأهتمام بالنفس .. لافي ملابسنا ولا في نظافة اجسامنا انا دائما احمد ربي واشكره
اني كبرت وتعلمت والعلم هو اللي علمني النظافه والاهتمام بالنفس والمظهر .. ولكن لابد لهذا الاهمال اللي
عشته طول حياتي مع امي انه يخلف ظريبه قاسيه علي مدى الحياة ..
هالظريبه اولا كانت بالفم اللي هي الأسنان ... بعيد عنكم أسناني تسوست من يوم كنت صغيره واضطريت
بالمتوسطه اني انظف سنين امامين واحط لهم تلبيسه وكان مظهر وجهي مره مو حلو مع التلبيسه حتى
كنت لما اضحك احط ايدي على فمي لأني اصبحت مو واثقه ابدا بنفسي واحس بالنقص واني غير البنات
اللي ماشاء الله كل وحده ابتسامتها تجنن ووقتها احقد على نفسي وانه ليش انا مو مثل غيري وليش
امي ماكانت مثل هالأمهات اللي اهتمو بعيالهم انا بالعكس اكتسبت انا واخواني عند الناس سمعه انه
احنا وسخين ومو مهتمين بأنفسنا ... ليش الأنسان من وين يتعلم في هالحياة مو من امه طيب انا أمي
ماعلمتني شي ابد الا بالعكس لو الود ودها احبستني ولا تخليني اطلع من بيتنا وهذا هو الحاصل فعلا
ما اطلع ولا اروح ولا اجي .. والحمدلله الزواج نصيب من رب العالمين بس انا ولا عمري سمعت انه فيه حد
جا طق باب بيتنا وخطبني لدرجة اني صرت اقول داخل نفسي هذا كله بسبب امي لأن خلاص الناس اصلا
حتى لما اطلع يحاولون يهينوني ويقللون من قيمتنا ولا يحترموني لأن امي اقطعت اهلها واهل ابوي صارو
حاقدين ولا يحبونا ويرمون علينا كلام انه يعني انتو وسخين .. ونا بس كبرت بديت احس بالوضع وما اسمح
ابدا انه بيتنا او اي احد مننا مايكون نظيف دائما امشي واتكلم عليهم يالله شيلو ويالله حطو لاتفشلونا
واسبحو ونظفو انفسكم وجبنا خادمه والحمدلله الأمور مشت تمام ولكن الحقودين من العائله مايزالون منزلين
من قيمتنا بكلامهم وعدم احترامهم لنا قدامنا او من ورى ظهرنا ..
والمشكله الثانيه انه بسبب اهمال امي لنا وعدم اهتمامها مثل الامهات بصحة بناتها ومظهرهم صرت سمينه
من يوم دخلت للمتوسطه الى ان كبرت وتخرجت من الجامعه وسبحان الله فكرت الجسم الحلو كانت بعيده
كل البعد عن تفكيري الى ان سبحان الله رب العالمين بقدرته خلاني افكر بنفسي وبديت اقول الى متى
انا سمينه والى متى ونا احس نفسي اكبر من سني تعبت من كثر ما كل مكان اروح له يقولون لزوجات اخواني
وحتى لأمي اذا رحت معاهم للسوق او لأي مكان يقولون عطي امك تشم الريحه او وريها لأمك لأنهم هم
انحف مني ونا مبينه كأني امهم او جدتهم وقتها الحمدلله ربي قدرني وسويت رجيم والحمدلله نحفت
صحيح ماوصلت للجسم اللي اتمناه بس نعمه من ربي وفضل علي طول حياتي احمد ربي واشكره عليه
ويارب الله يحققلي امنيتي واوصل للجسم والوزن اللي اتمناه .. ولله الحمد بعدها حسيت انه بدت الثقه
بالنفس نوعا ما تزيد بنفسي بعد التغير اللي حصلي لما نحفت ...
ولكن ماتزال مشكلة اسناني وطبعا كان لازم افكر فيها وفعلا فكرت وتوجهت للدكتور اللي بسويلي
اسناني وقالي أسانك ماتحتمل التصليح ابدا لابد من عمل تلبيسه للأسنان الأماميه وتغير السنين
اللي لبستيهم من زمان هنا انا انصدمت وفجعت وانهرت ماعرفت كيف اتصرف صرت افكر بشكلي
ومر علي شريط أيامي ونا صغيره وكيف انه محد وجهني ولا علمني وصرت ابكي عند الدكتور فاتصور
انا كسرت خاطره والله وتنهد بقوه وقال عارف انه صعبه بس لازم تتحملين على الاقل تحمين أسنانك
لايوصل التسوس للعصب وتصير المشكله أكبر فاصرت ابكي بزياده واقوله كيف برجع للبيت يادكتور
مستحيل ارجع ونا اسناني محفوره لأنه قالي لازم ننظفها ونحفها وناخذ العضه حقت الاسنان عشان
نوديهم للمصنع يسويلك التلبيسه فلازم تاخذ وقت .. تخيلو النفسيه الزفت اللي مريت فيها وفعلا
أستسلمت للأمر الواقع وعشان صحتي ومظهري لازم اسويها وفعلا سواهم لي الدكتور ورجعت
للبيت ابكي وحبست نفسي بغرفتي الى يوم البروفه على شكل الأسنان تخيلو غطيت كل المرايات
اللي بالبيت واللي بدورة المياه وماصرت اكل بس اشرب واحس بحرقه بقلبي لما المس بلساني
أسناني واقول هذا الاهمال بس بالنهايه قدر الله وماشاء فعل وفعلا رحت ولبسهم لي ونا تخيلو
ماشفت وجهي ابدااااااااااا لأني لو كنت شايفه الاسنان وهي محفوفه كان مت مستحيل اتحمل شكلي
بهالمنظر وبس لبسهموشفتهم انصدمت قالي بخلي اسنانك لولي هو صحيح حلوين بس حسيتهم
شاذين على شكلي خاصة وان جوانب اسناني مالبستهم لأنهم الحمدلله كويسين مافيهم تسوس
بس فارق اللون والشكل واضح اثناء الأبتسامه فعلا واضح اني ملبسه أسناني فاتصور العالم صرت
لما اشوفها اول ماتطيح عينهم على فمي يعني على إبتسامتي فاوقتها انقهر بزياده فالان انا جالسه
افكر هل اغير التلبيسه مع الجوانب البسهم عشان تكون الابتسامه وحده خاصة واني بديت اشوف
ناس والله اسنانهم تجنن وراحو خربوهم عشان ايش يحصلون على ابتسامه اجمل ما اقول الا الله
يرحمنا برحمته بس ياريت أسناني كانت عدله والله ولاعمري راح افكر البسها واغير خلقة رب العالمين
بجد الى يومكم ونا مشكلة أسناني مسببتلي أزمه نفسيه وعدم ثقه بالنفس قويه مره ..
فأيش رايكم انصحوني بالنسبه لأسناني ..
والشي الثاني جسمي بعد مانحفت ترهل وصار الترهل اغلبه في الظهر والبطن فاتصور منظر الظهر
والجلد مترهل والزنود مترهلين والصدر مترهل والبطن معاهم خلاص حاسه بأزمه نفسيه لاتطاااااااااااق
ابغا احس اني مثل البنات ما ابغا احس اني كأني كبيره بالسن وجهي صار شاحب من الرجيمات وامور
الحياة اللي تقهر فعلا ومو عارفه ايش اسوي مع ترهلاتي كل ما البس شي احس الظهر مره مقرف
ايديني الجلد نازل بطن وكل شي كلمت اخواني عشان يودوني ومو راضين طيب وش اسوي بجد
رحت سجلت في الرياضه خلاص تعبت بمجرد ما اترك الرياضه يرجع جسمي وهم خايفين من العمليات
يارب رحمتك مالي رجا الا بقدرة ربي من عنده يمنحني الجسم اللي اتمناه .. صار نفسي اكون مثل
هالبنات اللي لاشافوهم قالو ماشاء الله وش هالبنت الحلوه .. نفسي اسمع بحد جا يخطبني نفسي
احس بأنوثتي مثل باقي البنات في اشكالهم واجسامهم واكون مثلهم انخطب احس كل هالأمور استغفر
الله ياربي هي اللي مبعده الناس عن انهم يخطبوني .. نفسي احس مثل ماكل بنت تتمنى ..
أدعولي بالتوفيق جزاكم الله خير
اسفه طولت عليكم وازعجتكم سامحوني شي بخاطر وبحت فيه لكم وانتو اخوات لي في الله
الله يفرج علي كربتي وعلى جميع المسلمين والمسلمات
شاركي في النقاش
سجلي الدخول لإضافة تعليق.
التعليقات
88- الله يفرج كربتك حبيبتي
عورتي قلبي - فرج الله همك ويسر لك
- الله يفرج لك
وزيت اللوز المر يشد الجسم - ياقلبي وش هالحساااسية الي فيك
بالنسبة لاسنانك
والله ثم والله اني اعرف وحده سوت تلبيسة وفيه اختلاف بلون اسنانها << والاختلاف بسيط
بس انتي اكيد 24 ساعه تناظرين في المرايه لين عقدتي نفسك
ليش كذاااا
حرام عليك
ونصيحة بلاش تغير الاسنان الجانبية << مافي مثل السن الطبيعي
واذا على اختلاف اللوان
خذي لك
ملح وليمون واخلطيهم بمعجون انا والله ماجربتها لكن
صديقتي ماشاءالله اسنانها بيض فسالتها
وعلمتني
وجربي وانا واااااااااثقه بإذن الله راح تدعين لي
\
/
وبالنسبة للسمنه
وحده من زميلاتي دبدوووبه مرررررررررررررة وزواجها في هذا الشهر
ماتعقدت من جسمها ولاشيء
انتي امشي على نظام معين
وصدقيني بتنحفين
بس انتي الله يهديك
كله تفكرين
وهذا بإأثر في نفسيتك
وبعدين ان سمعت الي يشرب مريمية انه ينحف
وصدقيني ماراح
تندمي
وراح اجيب لك الطريقة الكامله بإذن الله وارسلها لك
ولاتزعلين ياقلبي
واذا على العرساااان
هونيها وتهووون
والله ثم والله ان فيه بنات ملكات جمال ولا تزوجوا
وبعدين تعالي هناا
بالنسبة للاقارب
طنشيهم
لاشافوك زززينه ونظيفة
وبيتكم مرررررررررتب والله ان يموووتون قهر
واسمعي اشتري اشياء حلوة للبيت
يعني غيري فيه
حط مرايه عند المدخل
غير في بيتكم شوووي
اشتري فواحه
وتشوفين ريحة البيت خياااال
واهم شيء
رضى امك
لاتلومينها كل ساااااعه انتي السبب في الي احنااااااااا فيها
حرررررام
ولا تنسين انتي تقولين هي تزوجت وهي صغيرة
وش يعرفها بسنع وهي صغيرة
وصدقيني اذا ارضيتي امك الله بيرضى عليك
لاتكوني انتي واقاربك والزمن عليها:(
انا عارفه انك متضااايقه:angry2: لكن اصبري وانا اختس
وكمان يالغلا
لاتنسين تقووومين في الثلث الاخير من الليل
صلي وادعي ربك
وصومي الاثنين والخميس
وتصدقي في اليوم لو بريال
والله ثم والله ان تحسين براحه مافي مثلها
/
شوووووفي يالغلا
اذا تبين تستفسرين عن اي حاجه
لا يردك الا الكيبورد
اختك
اسطووورة - ياقلبي شوفي
حطي خل تفاح وماء ورد في بخاخ وكل يوم بخي على جسمك اصبري شهر او شهر ونص
وربي يشششد مررره
انا اللحمد لله جسمي حلوو
ولما حطيته مرره شد جسمي يطلع شيء
موووفقه حبيبتي
والله يرزقك ياربي
مواضيع مشابهة
تابعي تجارب أخرى من هذا القسم.