سااااااااعدوني أهل زوجي جننوني...

السلام عليكم ورحمت الله وبركاته

بنات أنا متزوجه من أربع سنوات ولكن بعد ماتزوجت كانت علاقتي مع أم زوجي وخواته رسميه شوي وبعدها

بست أشهر صرت أمون عليهم وعلاقتي معهم كويسه وأخت زوجي الكبيره اللي بأول ثانوي صارت تلبس عبايه على

الكتف وكنت دايم أنصحها وكذا مره أقول لأم زوجي أنه لازم تنصحها فكانت تقول لي(عادي توها صغيره!!!!!!!!)

وفي مره من المرات رحت أنا وأخت زوجي الكبيره للسوق وهي طبعا كانت لابسه عبايه على الكتف وكانت أعين

الرجال تلاحقها وقد غضبت كثيرا لأني أعتبرها زي أختي وماأرضى عليها فنصحتها فكانت دايم تسكتني وتقولي

(مالك دخل) فلم أجد أمامي إلا أني أقول لزوجي ينصحها يمكن تسمع منه مع العلم أن زوجي مايدري أنها تلبس

عبايه على الكتف كانوا يغبون عنه ذلك.

فأول ماقلت لزوجي غضب كثيرا وراح الله يهديه على طول شق عبايتها الكتف :44:ومن بعدها مالبست عباية الكتف أبدا

ولكن بعدها أصبحت أم زوجي وخواته يكرهونني ويظلمونني بإتهامات لادخل لي فيها ودائما يقولون لي أني

غيرت ولدهم عليهم اللي هو زوجي وأني أعبيه من ناحيتهم وأنا والله العظيم عكس كذا

وحاولت أبين لهم حسن نيتي معهم وأني مستحيل أحرش ولدهم عليه في أكثر من مناسبه ولكن محاولاتي فشلت

وزوجي عصبي شوي دائما يهاوش أخوانه إذا رسبوا وهاوش خواته إذا ماصلوا وهكذا.....

ويزعلون مني يقولون أنا اللي قلت له يهاوشهم وأنا والله مالي دخل

والآن فيه مشكله بينهم وبين زوجي ويقولون أنه أنا السبب فيها وأنا اللي خليته يتمشكل معهم

وزعلانين مني من دون سبب وش أسوي معهم أطنش وأتركهم زعلانين

أو أبين لهم أني مالي دخل وأني ماخليته يتمشكل معهم مع العلم طفشت من كثر ماأبين لهم أني مالي دخل

لو كنتوا مكاني وش راح تتصرفون ؟
:icon33:


ملاحظه :
(صراحه أنا تندمت أني عرضت مشكلتي عليكم توقعت أنكم تنصحوني وتدلوني على الحل

بس أنصدمت بردودكم الهجوميه اللي ماشوف لها أي داعي كأني مرتكبه كبيره من كبائر الذنوب

وبعدين مو من حقكم تهاجموني أنتم ماتعرفوني ولا تعرفون طبعي ولا أخلاقي وأنا بنت أصل ماأحرش زوجي عليهم

هذا هم يقولون من عندهم يكذبون الكذبه ويصدقونها

وحتى لو غلطت في طريقتي بالنصيحه مالهم حق يظلموني أربع سنوات يتهموني في كل مشكله تصير علشان حادثه صارت

أول ماتزوجت وماكنت أعرف أن زوجي عصبي

وأنا من بعد ماقلت لزوجي عن أخته تلبس على الكتف وشفت تصرفه بعدها ماعاد قلتله شي عنهم ماعاد لي دخل

لو أشوفهم يرتكبون معاصي ليل ونهار مالي دخل

ولوسمحتو ا يابنات اللي عندها نصيحه تقولها واللي تبي تهاجم تطلع من دون رد

هجومكم ماراح أستفيد منه شي لأنه ماهمني لاني اللي سويته علشان رضى ربي ولايهمني رضى الناس على

حساب رضى ربي)

تحيــــــــــــــــــــاتي لكم

158 تعليق 16,018 مشاهدة

شاركي في النقاش

سجلي الدخول لإضافة تعليق.

التعليقات

150
  1. الله يعينك على مابلاك

    بس انتي مدام وضحتي لهم اكثر من مرة ومو مصدقين ... خلي علاقتك معهم حلوة زوريهم و..و بس ذاك الموضوع مررررررره خرجي نفسك منه

    وخلي بالك من زوجك واشغلي نفسك بطاعه الله .....


    وطاعه زوجك وماعليك مدام انك مظلومه وصدقيني بيجي يوم يعرفون ان مالك ذنب سواء اليوم ولا بكرة
  2. @amp_yslm_klbh_amp

    والله بكون صررررررريحه معك
    انتي الغلطاااااانه وعطيتيهم انطباااع انه انتي الي توزين ولدهم عليهم
    والله ماينلامون يزعلون عليك حطي نفسك مكااااااانهم وحطي نفسك مكااان اخت زوجك
    انتي تعتبرينها مثل اختك طيب هي تعتبرك اختها
    وانتي ما اصبتي في تصرفك خاصه ان البنت مررررررراهقه كان جيتيها باسلوب احسن وحاولتي كذا مررررررره
    ثاني شي رحتي وقلتي لاخوها وانتي تعررررفينه عصبي ومايعرررررف يتصررررررررف وزاد الطين بله
    صعبه تقعدين تقولين انا ما اشيش ولدهم عليهم وانتي تصرررررفك غير كذا
    يمكن هي مررررره وراحت لكن مو كل النااااس تنسى
    والله لو زوجت اخوي تدخل في مالايعنيها بتلاقى مالايرضيها
    العلاقه بين اهل الزوج وزوجه الولد لها حدوووود
    وتقبلي رأيي
  3. @bnt_amy_oaboy_2

    صدقني أصبري والله يبي يعطيك على قدر نيتك...
    طيب كلمي الأم بهدوء وأبكي هندها وقولي والله كنت أبغى مصلحة البنت لا غير وجربي أسلوب الهدايا
  4. @almtrfh_1

    بصراحه لاتزعلين اسلوبك غلط انتي اللي عطيتهم الانطباع هذا على نفسك نصحتي اكثر من مره اش اللي يخليك تتلقفين تقولين لاخوهم الوحده توزن قبل اي تصرف انتي منت ملزمه بهم ومسؤله عنهم نصحتي كثر الله خيرك غير كذا خلاص ذنبهم على جنبهم وباقي تشرهين ليش يزعلون زين ماسوالك شي اكبر والسموحه اذا زودتها
  5. تستاهلين صراحه

    ماراح تكونين احرص عليها من أمها!!!

    اذا امها راضيه بنتها تلبس كتف انتي وش دخلك ؟

تابعي تجارب أخرى من هذا القسم.