سااااااااعدوني أهل زوجي جننوني...

هو يمكن لان زوجك عصبي زاد الطين بله,,,والشيء الطبيعي أن أهل زوجك تكون هذي ردت فعلهم الي صار صار وأنتهى الامر ,,,

نجي للمشكله الأن الي هي أصبحوا يكرهونك,,,أنا برائيي عامليهم زين وخصوصا خالتك ودائما حسسيه ما كان قصدك إلا خير وأن

بناتها مثل أخواتك,,, وحتى لوشفتي شي غلط أنصحي خالتك وذكريها أنها مسؤله أمام الله,,,

أنت أمري بالمعروف وأنهي عن المنكر في حدود أستطاعتك,,, وصدقيني راح تكسبينهم بس يبيلها شويت صبر وكل انسان يعطيه ربي

على قدر نيته وانت أن شاء الله نيتك زينه

الله يوفقك الي مايحبه ويرضاه

يابنات الله يجزاكم خير انتبهو لا تتساهلون وتفتون بحكم لبس عباية الكتف

قال رسول الله صلى الله عليه وسلم (أجرؤكم على الفتوى أجرؤكم على النار)


وانتي ياصاحبة الموضوع اختي ام جود

الدين النصيحه

والي سويتيه عين العقل والصواب

وجزاك الله خير

وماقصرتي غيرتي المنكر

ولا يهمونك بعض البنات و ردودهم

تلقين بعضهن يلبسن عبايات على كتف

علشان كذا انقهرو ليش انك نصحتي اخت زوجك

مايبون الخير يحبون الشر يعم واعتبر والي سويتيه لقافه

سيري الى الامام بارك الله فيك

وغيري اي منكر ترينه امامك

وكثر الله من امثالك

اختي الله يهديك أهل الزوج ماينتحارشون .. نمشي معهم بالزينه ونصبر ويالله ينقع بعينهم .. ولا ينقع ..

من 14 سنة تخيلي ام زوجي مانست هالموقف اسمعيه مني :

كنت عروس وتربيت عالنظافة والسنع والعطور والبخور وكنت فرحانه

بحياتي الجديده وبعش الزوجيه السعيد وكل يوم انظف وامسح من قلب

واكرف كرف وتو مالي شهرين عروس .. انا ساكنه بالدور الاول كامل

فوقهم وزوجي هو اكبر العيال.. طلعنا انا وزوجي للصيدلية يعني قلنا مشوار قريب وماله داعي نقفل البيت ..

وهم لأنهم حاطين حواسهم الخمس عندنا ليل ونهار سمعوا بطلعتنا

وقاموا الكبار يرسلون الصغار بيتي وحاسوه حوس لدرجة الشوكولاته سايح على الدواليب والمغاسل ، و ورق الجدار مشقق ومتبهدل

وكنت متبلة صدور دجاج بالثلاجة جيت لقيته بارض المطبخ .. كل هذا باقل من ساعه .. تقولين حقد ..؟؟!! او ذابحه لهم ولد ..؟؟!!

انا طبعا ماعتبت عليه ولا قلت له رح كلمهم .. بس يوم شفت هالحال

شلحت عباتي وجلست عالسرير وابكي على تعبي وكرفي ..

شافني ابكي ومن غير مايشاورني نزل لهم ، واللي سمعته من امه

بعدها انه ضرب اخوانه الصغار وعلى خفيف يعني قرصة اذن وضرب على اليد بس ..

والين اليوم مانسوا لي هالقصه يظنون ان انا اللي طلبت منه يضربهم

وطول هالسنين يبررون اي تصرف جافي يصدر منه لهم ،، من طرفي

وانا ربي يشهد اني بريئة ..وابي اسلم على عمري من اذيتهم بس ..

هذا غير اتهاماتهم لي اني مقسية قلبه ضدهم .. وترى زوجي هذي

معاملته معهم من كان عزوبي يعني ماتغير عليهم شي ..

بس الله على كل ظالم ..

والله كل اللي قلتيه أختي الكريمه أسويه معهم وأم زوجي تغيرت من معاملتي الطيبه معها صارت تفضلني على

ولدها لأنه كل ماتمشكل مع أمه كنت أصالحهم على بعض ودايم تمدحني قدام خوات زوجي وصاروا خوات زوجي

يغارون من معاملة خالتي أم زوجي ومدحها لي وصاروا يدورون علي أي غلطه علشان تغير أم زوجي نظرتها فيني

فصاروا يقنعونها أن أي مشكله أنا سببها .

وشكرا أختي الغاليه على النصيحه