عصبية .... صرااااااااخ .... تهديد .... وفالآخر انت اللي تبكين

أم أحمد وحسين
أحمد 5سنوات
حسين 2و نصف

سبب عصبيتي حركة اولادي الكثيرة والمزعجة في كل مكان حتى في المجمعات ونشاطهم الزائدعن اللزوم في الحركة لدرجة اني اكون ابغي ابكي من سواتهم:06:

والله إني كنت أصيح لين شفت بنتي نايمة كسرت خاطري من عصيبيتي الزايدة مؤخرا

قلت بحط موضوع وأقولكم فيه عن تصرفات بنتي اللي تطفشني وشفت هالموضوع

الله يعظم أجرنا والله يرزقنا احتساب الأجر

أحس إن راسي زحمة

ولا عندي وقت لشي وليتني أسوي شي

ومثل وحده من البنات في الردود السابقة

إحس إني مقصرة في كل شيء

في عبادتي في بيتي مع زوجي وأهلي وبنتي

قاعدة عطالة بطالة في البيت مع هذه البنت

‘حس إني عالة على المجتمع وإني ما قاعدة أسوي شي ولا أنجز شي حتى في أبسط الأمور وهي ترتيب البيت

ولا راحت كرشتي وملابسي ماتدخل فيني أصلا اللي يشوفوني يقول إني حامل

لين كنت بالرابع وأنا حامل ما كان بطني هالكبر

نجي للي صاير فيني الحين

كنت إنسانة هادية وضد ضرب الأطفال والعصبية عليهم وماغير أشتري في كتب التربية

ولكن بديت أتحول لوحش

بنتي عمرها سنة و8 شهور

صايره كلما خذت شيء بس أقولها أشوف يا ماما ولا عطيني ياه تحذفه بقوة عالأرض

وما كانت كذا بل بالعكس تعطيني بكل هدوء

فصرت أتنرفز لين تسوي كذا

هذا غير إنها صايرة تغافلني وتآخذ نظارتي وترميها تنبسط على هذه الحركة وأنا أتنرفز وأهاوشها

غير إنها وأنا أغسلها تتحرك شكثر يالله أغسلها وأنا ألبسها حفاظتها تقعد ترفس برجلينها ومرة صقعت فكي وعصبت عليها

لكن هذه الركلات قدرت أسيطر عليها الحمد لله بأني أشغلها بسؤالها : فين راسك يالله وريني وفين عيونك وفين خشمك وإلا أنا مخلصة شغلي

وصايرة ترفع صوتها إذا بغت شيء تجيب من الآخر

بس عمري ما كنت كذا عصبية صايرة ما أتحمل

يعني قبل عادي تطلع من دواليب المطبخ ما أقولها شيء أدري إنها تكتشف وإذا خربت ولا وسخت شلتها وغسلتها وقلت لها ليش كذا ما يصلح الحين بس تفتح الدولاب وتبدا تطلع أتنرفز وأعصب وإن وسخت شيء ما أسكت لازم أتحلطم

مادري ايش صاير

أحس إني قاعدة أخرب بنتي أحاول أهدى وأرجع وسيعة صدر بس الله المستعان

العصبية ما تفيد بالعكس تزيدها وتخليها تتمرد وتآخذ موقف دفاعي وتعاند وتصر على رايها وموقفها :(

شريت كتاب اسمة

تحويل سلوك طفلك من لا إلى نعم
بدون تهديد أو تهويل أو إغراء

بادية توني أقرأ فيه هو لطيف ويعطيك حلول بس مادري يمكن ما ينفع للي مره صغار

بكمل وأشوف

والله يعينكم كلكم

شرايكم بنات كل بين فترة نجمع الأسباب اللي تخلينا نعصب ونحطها بنقاط

بعدين بين كل فترة إذا كل وحده حطت تجاربها وأشياء نفعت معاها نجمعهم على نقاط

وكل مرة نعيد كتابتهم ونزيدهم إذا عرفنا حلول أو نجحت معانا أشياء

والله يعينا وياكم

وجزاكم الله خير