بصراحه ....وش نظرتكم للبنت اللي تواعد صديقاتها خارج البيت

ابي اعرف رايكم بالبنت اللي تواعد صديقاتها خارج البيت يعني باماكن عامه

انا دايما اتواعد انا وصديقاتي برى البيت في اي مكان اروح له يجون معاي بس البيت لا لان امي ترفض اني اجيب صديقاتي للبيت دايما تقول البيت لا برى البيت اوكيه
ما ادري ليه مع ان صديقاتي عادي عندهم في البيت ولا برى لا ودايما يستغربون ليه ما تجين عندنا في البيت انتي الحين عمرك فوق 26 سنه ومتخرجه ليه رافضين هذا الشئ ما ادري اقولهم ان امي وابوي يرفضوون
يعني احيانا كنا نشوف بعض بستار بكس او بصاله المطاعم النسائيه بمركز بغرناطه او مملكه المراه يعني كله حريم هذا كله عند اهلي عادي
مره من المرات كلمه وحده من صديقاتي من ايام الثانوي لي 6 سنوات ماشفتها ولا كلمتها وقالت لي لازم نشوف بعض في اي مكان خارج البيت وانتي اللي بختارين المكان قلت اوكيه
انا قلت لها اناخيرتها بين اثنين صاله المطاعم النسائيه بغرناطه او مطعم ستيك هاوووس بنفس السوووق
الصراحه قامت وقالت لي لا يا حبيبتي انا ماني صايعه ولا ضايعه اواعد بسوووق انا استغربت من كلامها وكلمه صايعه هذي رجتني بعد ها لعمر اكون صايعه واهلي هم اللي اسمحلولي اني اروح للسوق اصلا امي تكون موجوده بنفس السوق تتسووق هي واخواتي اللي يكوننون عيالهم غالبا بملاهي غرناطه يلعبون مع ان صديقتي مستقيمه واهلها مو شديدين عليها بروحه والجيه
الصراحه ابسالكم وش تقلون عني وش نظرتكم للبنت اللي تواعد صديقاتها بسوووق هل هي ..............

73 تعليق 3,877 مشاهدة

شاركي في النقاش

سجلي الدخول لإضافة تعليق.

التعليقات

68
  1. @msrkaa_hanm

    والله اللي فيها بلا لو ببيت اهلها بتسويه
    على كلا اذا انت محترمه ولبسك محترم وموب راعين هستره وكركره خلاص كلن هناك وبالذات ان اهلك عندك
    وترا النظره هذي ما جت من فراغ لان البنات الصيع بالاسواق ماخلوا الناس بحالهم وشوفي مواضيع البنات والمغازل فعطوا للخلق فكره شينه للي تروح مع شلة بنات للاسواق
    مع ان اغلب العوايل يفضلون للحين الاماكن المغلقه مثل الملاهي النسائيه ومملكة المرأه علشان تاخذين راحتك وتتطمن 100% :)
  2. @ghrory_tag_rasy

    بقول راي وارجومنكي تقبله بسعت صدر
    راي اهلك غريب نوعا ما بالنسبه للبيت مع انها استر للبنت واعف لها ويمديكم تتزينون وتلبسون الي تبغون لبعض لان بحكم حنا نساء متعه عندنا التزين والتكشخ فا انتي لما تقابليها برى لازم تتزينين موشرط تفهميني غلط اقل شي بتحطي كله تلبسي خاتم ساعه هذي اشياء صغيره بس ملفته للرجال سوء سعودي او اجنبي وكلمتي سوء سعودي او اجنبي لان في ناس الله يهديهم مايهتمون بالاجانب وانتي حاجي اهلك بهل نقطه
    وبالنسبه لكلمتها لكي عيب عليها تقولها والمفروض انك بكل هدوء رديتي عليها وفهمتيها الاثر الكبيرلهل كلمه
    الله يهديها ويصلحها ويحفظكم وبنات المسلمين اجمعين
  3. يالله على الناس الى متى يظل هالتفكير

    كيف صياعه بالله اما تشوفين صديقاتك برا؟

    كل شي صار عيب ولامايصير وطيب وش يقولون الناس

    دام الوحدة مستاذنة من اهلها وتطلع بلبس محترم ومحتشم مافيها شي وبالطقاق في كلام الناس الفارغ اللي لايودي ولايجيب

    اهم شي الوحده تكون واثقة من نفسها وفي تصرفاتها وتعمل بما يملي عليه ضميرها

تابعي تجارب أخرى من هذا القسم.