كلية اعداد المعلمات الرياض

السلام عليكم ورحمة الله وبركاته
انا بدأت معاناتي مع الكليه من اول يوم درست فيها وحتى تخرجت
كليه متخلفة لدرجة ما احد يتوقعها
كلية من العصر الحجري الناس يمشون للأمام وهي ترجع للخلف
لا موقع نقدر نشوف فيه نتائج الامتحانات؟؟
ولا نعرف متى اختبارات المحمول ؟؟
يعني باختصار كلية بعيده عن التطور والتجدد
لا وياليتها جت على كذا بس كان بنقول معهم عذر الأنترنت شي جديد عليهم
ومايعرفون يتعاملون معاه مع انه اختراع جاهز ومايحتاج له اي تفكير!!!!
المشكلة انا عندي محمول قرآن من سنه وكذا مره اسألهم متى موعد الأمتحان يقولون مايدرون
او يعطوني موعد واروح اذاكر يصير مافيه امتحان
او كل وحده منهم ترسلني على الثانيه وكل وحده اغبى من الي جنبها
وصرت اداوم معهم كل يوم والى الان ماعرفت اي يوم اختبر فيه
انا ادري ان هذي معاناه كل طالبات الكلية
بس الأكيد مافيه حل للمشكلة لأن كل الموظفات مع احترامي لهم في قمه الوقاحة والتخلف والغباء
ولا وحده منهم فيها خير
والله انا مو من اخلاقي اقول الكلام هذا
صبري نفذ
وياليت اي وحدة تدخل وعندها علم عن موعد الأمتحان تقول في اي يوم
وشكرا

4 تعليق 822 مشاهدة

شاركي في النقاش

سجلي الدخول لإضافة تعليق.

التعليقات

4
  1. @raghad2030

    الحمدلله اني تخرجت منها وافتكيت من غثاها
    شوفي حبيبتي ادخلي على موقعهم
    http://gcpa.edu.sa/vb/

    واستفسري عن اختبارك الله يوفقك لمافيه خير وصلاح في الدنيا والآخره
  2. @ghayty_rby_rdak

    الله يوفقك اختي ويسهل امرك وتنجحين وتفتكين منهم

    الحمد الله اللي تخرجنا منها وافتكينا

    فعلا كل الكليات تتطور الا هالكلية والله حاسه فيك ياما شفنا منهم 0
  3. @am_albraaa2006

    الله يكون في عونك
    فعلا قمة في التخلف اثناء دراستك وبعد ماتخلصين
    أحقر كلية
    ما لها اي وظيفة ولا حتى تقديم
    خريجاتها ما يتوظفون حتى بديلات
    كل الكليات اللي مثلها في القرى والمدن صارت كليه تربية يعني تدريس ثانوي ومتوسط
    الا هالكلية المتخلفة في الرياض
    لو يدمجونها مع كلية التربية ويفكونا منها ومن تكدس خريجاتها بدون أمل الوظيفة

تابعي تجارب أخرى من هذا القسم.