شاركي في النقاش

سجلي الدخول لإضافة تعليق.

التعليقات

35
  1. شوفي اختي انا مب خريجة تقنيه بس انا بقولج تجربتي ويا الانجليزي ...في البدايه بتحسين كل شيء صعب بتشوفين عمرج مب فاهمه شيء في الانجليزي شوي شوي انجليزيتج بتصير اوكي عال عال بس انتي اصبري ف البدايه لازم بتلاقين صعوبه ....وايدين كانو ميح في الانجليزي و صارو فوق الجيد جيد بعدين ع الايام راح تفهمين و بتتعودين بعد و تمشين انشاء الله
    و ربي يوفقج
  2. @nonh_alshaanonh

    ليش زعلتو يوم الاخت جمال الروح تقول انه الفاشلين اللي يدشون التقنيه ؟؟؟ تراه صج اللي تقوله...
    اقولكم اشلون .. مب الحينه يوم الطلبه نسبهم تحت الستين و ما تقبلهم جامعة العين و الا جامعة زايد - في حالة البنات- منو يقبلهم ساعتها؟؟؟ ما في غير التقنيه,, صح انها تحطهم في السي دي , بس ترا من جيه السمعه لاحقتنا,, الناس شو يفهمها بالسي دي و الاتش دي؟؟

    و البنات يزاهم الله خير ما قصروا نصحوج بصلاة الاستخاره .. لو في خير راح يسهلج ربي السنه.. سواء في سنه اولى او فاونديشن... و ترا لهم الاجر ان شاء الله اذا صليتيها,, مثل ما قال الرسول عليه الصلاة و السلام : " الدال على الخير كفاعله" .. فياريت ان شاء الله انه اللي حابه تنصح ,, تنصح بشي تاخذ عليه أجر و ثواب ,, أجر النصيحه و اجر العمل ..

    و السموووحه :26:
  3. @gmal_alroh

    صاحبة الموضوع
    مشكورين خواتي على نصايحكم
    والله ما قصرتوا


    بس أنا البنات اللي في ال class مالي معظمهم فاهمين
    يعني اللي مب فاهمين وحالهم من حالي يمكن 4
    وعدد بنات ال class 21
    اللي يايه من مدرسة خاصة
    واللي دارسة في مدرسة خاصة 9 سنين
    واللي أمها أجنبية
    واللي تتابع أفلام أجنبية وتسمع أغاني أجنبية


    وأنا يحليلي والله واحد منهم
    يعني بس معتمدة على الانجليزي اللي درسته في المدرسة


    والله في ال class يوم المدرس يتكلم أشوف البنات يضحكون وأنا نفس الهبلة مب فاهمة على شو يضحكون

    أنا أقول أنزل foundation أحسن
    الواحد يدرس من البداية أحسن
    مب أدرس وفي نص الكورس أرسب وما أفهم


    مع انه وايد ناس نصحوني اني أتم في نفس مستواي
    بس أنا أعرف مستواي


    اختي طنط_مديحة أنا أصلا مب شاطرة النجليزي
    يعني درجاتي في الانجليزي في ال 80
    والبنات شاطرات اللي في كلاسي
    فأستحي أتكلم جدامهم
    بيطله الكلام اللي أتكلم سخف ومب مرتب
    ولازم أفكر في الجملة الي بقولها مليون مرة قبل لا أقولها
    من وين تبين الثقة تيي ؟؟
  4. يا بنات هدوا البنت طلبت العون لا تيلسون تخقون على بعض ... كل بنت تثبت جدارتها في اي مكان انحطت به... الشاطره والكسلانة موجودات في كل مكان... وبعدين يا اخت روزس يوم بغيتي تبعدين السي دي عن عمرج قلت ما يتقارن لكن بما انج اتش دي قارتني عمرج بالباتشلر؟ لا البكالريوس شي ثاني تماما عن الدبلوم العالي... واذا في بنات من اهلج اعتمدوا عليج انج اتسوين لهن مشاريعهن فيمكن مستواهن مش اوكي فلا تعممين... انا بس حبيت احط النقط على الحروف... :13:

    بالنسبة لجمال الروح وهي موضوع الحديث حبيت اقول لج ان هم امتحنوج وحطوج في هالمستوى وهذا يعني ان هم اللي قدروا مستواج وانتي لو ما تستاهلين عمرهم ما بيحطونج في مكان اعلى عن مستواج وانا مثل ما قلت لج في البداية كنت شراتج البنات دق سوالف ويا الاستاذ وانا كنت افهم بس مب وايد...وبنات اول كلاس ما كانوا يتساعدون لانهم مثل ما قلتي يا من مدارس خاصه يا امهاتهن اجنبيات...والباقيات راعيات افلام اجنبية... على العموم انا قلت لج رايي وانتي حرة انا صبرت واجتهدت يعني اتحركي انتي بعد اشوي الجامعة والكليه مب شرات المدرسة وانتي توج صغيرة ومتخرجة من المدرسة وانصدمتي من جو الجامعة هو وايد غير ما الومج بس ما عليه يوم ان هم حطوج بهالمستوى لا تقللين من مستواج وبعدين المدرس حطوه علشان يعلمج مب علشان يخق ويتفلسف عليج... اقول لج في بنات اقل عني مستوى ما كانوا يبينون هالشي والثقة وايد عالية ويكلمون الاستاذ باخطاء كثيرة لكن اشوي اشوي وهو كان يصلح لهم وانا اتعلمت منهم اني لازم اتعلم وهو مجبور يعلمني ومحد طلع من بطن امه عالم.... استخيري والله الموفق...

    طنط مديحة

تابعي تجارب أخرى من هذا القسم.