فقد شخص عزيز عليك

اعتقد لو كنتي متزوجة و عندج زوج و عيال يشغلونج راح يكون الوضع اهون بكثير.. لانج تحاولين تتماسكين عشانهم.. و لان الزوج ما يحب حالة الحزن الطويلة و مهما كان متفهم بس يبدأ مع مرور الوقت يمل و يتأفف..

انا امي توفت من سبعة اشهر فقط.. بس الحمدلله احس اني احسن بكثير من اول الايام.. صحيح تجيني اوقات اتذكرها و اتألم كثير لفراقها.. و ابكي كثير عليها بس احاول اني اكون لوحدي و بدون ما اخلي زوجي او ولدي يشوفوني.. و اذا كلش ضاق صدري.. احاول افهم زوجي اني محتاجة افضفض له عن حزني على امي و هو يتفهم و يسمعني..

اهم شيء يا اختي انج تدعين له بالمغفرة و الرحمة.. هذا كل اللي نقدر نسويه لهم.. و الله يصبرنا جميعا و يربط على قلوبنا..

الله يصبرك ويربط على قلبك

ياحيااااااااااتي الله يغفر له ويرحمه ويصبر قلوبكم ويجمعكم معه في جنات النعيم



فاهمه احساسك زين لان اخوي توفي بحادث سياره قبل ثلاث سنين وهو احب واحد في اخواني..جتنا حالات اكتئاب يمكن للان فينا بس نحاول نتماسك لان من سخط له السخط ومن رضي فله الرضى..انا كنت احاول اتماسك عند امي وابوي كفايه اللي هم فيه..ودعيت من الله انه ينزل الثلج والبرد على قلوبنا ويصبرنا..والحمدلله على كل حال


جيبي لك حصاله صغيره وكل يوم حطي فيها لو ريال لروحه الله يرحمه ولما تتجمع عطيها محتاج..هو بيفرح ان شالله ويوسع عليه قبره..وانصحك بصلاة الليل ادعي من قلبك ان الله يلهمكم الصبر والثبات وانكم ان شالله من الصابرين المحتسبين..
بس زيي ماقلت لك انت حاولي تتماسكي فدام امك وابوك..وانصحك اقري كتاب الروح..وكتاب هادي الاروح لبلاد الافراح..واسمعي شريط فقد الاحبه للقرني والله انا اظن ان هذي الاشياء قوتنا مره..لاتقولين كتاب ومدري وشو والله انه له مفعول عجيييييييييييييييييييييب تحسين رحمة الله واسعه..

ياللله ياحياتي تذكرت نفسي...والله بدعي لك من كل قلبي انه يربط على قلوبكم