قوه بنات ابي مساعدتكم شوروا علي ويش السوات
حيات زوجي كله لعب بليستيشن بالساعات وبعدها يمسك الكمبيوتر لين تجي حزه النوم وينام علي طول
ولاقام الصبح يروح الدوام ولا رجع يمسك اللعبه لين تجي الساعه 12 او 1 وينام وساعات لا يواصل بالعب لين يروح الدوام سهران :eek:
حاولت الهيه بالعاب حلوه بين الزوجين مايشجعني يقول بعدين .
اقعد معاه وهو يلعب واحاول اشجعه بس للاسف يضحك شوي معاي وبعدها يقول لا تدوشيني
اذا عندي مشكله او ابي اطلبه يوديني السوق يقعد يتنرفز ويقول بعصبيه يلا ماشئ ماشئ خلصي ويوديني بزف طول الطريق ويرجعني البيت بهوشه
زهقت والله مليت من هالحاله :30:
كلمته مره قلت انت ليش وقت الحاجه تبي ليلتك تعطيني ريق حلو بس طول اليوم ماتعطيني وجه قال انتي متوهمه دايمن يطلعني انا غلطانه
زعلت مره عليه وبسبب انا وداني السوق طبعا من غير نفس وقام يصرخ علي بالسوق ويسمع الناس ويقول ماصارت انتي جايه علشان شغله وطلعت 60 شغله والله اتفشل مرات وينقص وجهي قدام الناس
وزعلت عليه ولا كلمته وقمت انام بالغرفه الثانيه بس هم املبيه طلباته واكلمه بس من غير نفس يعني رسميات بس يعني تبي عشا تبي شاي ولو سمحت بروح لجارتنا لو سمحت ممكن اتوديني السوق يعني ما كأني زوجته بينا رسميات وقعدت 4 ايام ولا عبرني وارسلت له مسج وانا بالغرفه الثانيه وكتبت فيه انت ليش ماتعطيني وجهه كل طلاباتك مجابه انا شنو بالنسبه لك وشنو تعنيلك الحياه الزوجيه .. تخيلوا ماعبرني وقعد ابكي لين الفجر وهو يسمع ومطنش صليت الفجر لما خلصت صلاه حسيت انه واقف وراي وحظني وقال تبين تعرفين انتي شنو بالنسبه لي قلت شنو :(تخيلوا خلاني وراح يلعب باعصابي لين انهرت وضليت ابكي وجاه وقال ليه تبكين اهلك صاير لهم شئ قلت لا قال ليش تبكين علي حظك واهنيه انهرت وقعت ابكي حيييل :06: قال الحمدلله والشكر
عجزت اكلمه وهو رايق ليش انت دايمن كذيه بالبيت :eek: ليش ماتقعد معاي وتسولف تصدقون شيقول :angry2:شنو السوالف اللي اسولفها معاج انتي مره وانا رجال
مع انه ماكان كذيه من انشغل بالكمبيوتر وبلاستيشن وهو منقلب فوق تحت وغرامه شئ اسمه لعب
والله انا وياه بالبيت كل واحد لاهي بشئ انا في المطبخ والترتيب والتحضير الطعام (( ماعندي شغاله ))وهو بهاللعبه والكمبيوتر مع اني كل ماخلصت شئ اقعد معاه ساعه نصف ساعه واسولف وهو ولا علي البال بس يهز راسه ايه ايه ومره طلبت منه شئ قال ايه ولما سويته قال ليش ماخذيتي راي :eek: يعني شسوي بحالي يابنات اهو وافق وباله مو معاي
والله كرهت اللعبه ودي اكسرها مرا زهقت من هالحاله :09:
وعلي فكره تري مو مهملته من الناحيه الشرعيه بالعكس مدلعته اخرررررر دلع وهو يتجاوب معاي ويعطيني كلام معسول بسسسسسسسسسسسسسس ايش ينفع بس حزتها وخلاص<<<<< انتوا فاهمين طبعا الليله الحمرا
تري والله ماكان كذيه مدري شلي غيره عجزت اقعد معاه بس انسان غامض وعنده بروووود فضيع ولا مبالاه
بالله شوروا علي ويش اسوي زهقت بالله دورولي حل وراح ادعيكم طول عمري لاتخلوني :(
شاركي في النقاش
سجلي الدخول لإضافة تعليق.
التعليقات
13- الله يكون بعونك ويسخره لك ويهديه
شكله ما تعود على حياة الزواج لسا بالعزوبيه
يعني ما ادري ايش انصحك
بس اذا هو يلعب بلاي ستيشن العبي معه او العبي لعبه ثانيه وطنشيه فتره لاتجيبي شاي ولاقهوه له واذا قالك جيبي لي شاي قولي لا انا مشغوله قاعده العب
والله مشكلتك محتاجه متخصص ويمكن زوجك محتاج علاج او دورة في الزواج
الزواج مو ليله حمراء وبس لا فيه مسؤليات عليك وعليه
سجلي بدورة تهيئة ماقبل الزواج انتي وهو وخليه يروح معك غصب
والله يوفقك - المشكله يااختي اني العب معاه بس العابه كلها ذبح وقتل وجرايم ماتصلح لي وانا مو من محبي البلاي ستيشن اكره هاللعبه
وبعدين صار لنا 10 سنوات متزوجين وعمره 30 وانا 28 يعني كبار وراشدين بس هو مثل الجاهل باللعب مدري شسوي
وعل سالفه الشاي جربت اني اقوله مو فاضيه عندي شغل عادي عنده يروح هو يسوي لعمره شاي ويقط كم كلمه علي
شاكره مرورج ياقلبي ومساعدك لي ماتقصرين الله يجبر بخاطرك ياااارب - مدري ياحلوه بس اذا تبين رايي
يعني قولي الحمد الله
اولا قاعد في بيته ولا هو حق جمعات شباب اللي مافيها غير الخراب
وقاعد يسلي روحه بشي مو حرام
المهم المطلوب منك لاعاد تجيبين هالسيره انك تبينه يترك اللعب لا بالعكس راح يزيد
جربي سويله الشاي والقهوه ولاتجلسين معاه
يعني فتره كذا راح يطفش ويحس انه جالس الحاله
بس خليك مبتسمه وفرفوشه
وبعدين والله مصيره يمل مومعقوله بيقعد عمره كله مقابله صح ولا لا
المهم لاتصيرين نكديه كله تشكين من تصرفاته
كذا لااراديا راح يحاول يبعد عنك
اقول خليه يلعب ويعيش حياته اهم شي هو تحت نظر عينك
اكرر واقول لاعاد تجبين سيرة الموضوع هذا معاه
قوليله انا عندي اهم شي انك مبسوط
خلاص ماابغى شي كذا راح تكسري عينه - احمدي ربك انه مقااابل الكمبيوتر والبلستشن مااقابل شي ثاني !!!
احمدي ربك ووسعي صدرك كافي انه بين عيونك
الله يجمعكم ع مااايرضيه - الله يكون بعونك ويسخره لك ويهديه
مواضيع مشابهة
تابعي تجارب أخرى من هذا القسم.