يابنات سؤال مهم في الرؤية الشرعية ؟ محتاجة مساندة ورأي حكيم ورزين

اعتقد لو تكونين على الطبيعه افضل ما ادري من الناحيه الشرعيه بس احيانا المكياج يخبي جمال المراءه
وبصراحه انا اشوف الوحده تترك المكياج ليوم زواجها تطلع لها طله غير بعيون زوجها طبعا
اما بالنسبه لاهلك تفاهمي معاهم ولاتعاندين بس حاولي توصلين وجهة نظرك باسلوب حلو عشان يكون يوم مميز لك ومن غير نكد
الله يوفقك يسخر لك النصيب الطيب

مالي وللدنيا انا هذا رايي
اولا الي اعرفه انه مايجوز ياليت الي عندها فتوى تعطيني اياها
ثانيا عيب ومو حلوة من اول مره يجي اطلع بمكياج احسها جرأة زايدة
ثالثا لو صار نصيب راح يثبت شكلي عنده على شكلي في المكياج
رابعا مااضمن شكلي كيف يطلع وانا لولا انه زواج ماحطيت مكياج لان يناسبني المكياج الخفيف وملامحي اساسا حلوة
وبشرتي نقية وصافية ايش اخبي ؟

المشكلة الآن كيف افتك من اهلي
انا المفروض اكون متوترة وهم يهدوني لكن الي حاصل العكس يجي يوم الشوفه وهم متوترين وانا لازم اهديهم
ياصبر ايوب

قال تعالى ({ ومن يتق الله يجعل له مخرجا * ويرزقه من حيث لا يحتسب }

استمري على الحق واسألي الله الثبات وأكثري من الدعاء وسؤال الله العون والتيسير والتوفيق

واستخيري في امر هذا الرجل قبل الرؤية وقبل كل شئ

الرجال عموما مايحبون المكياج وخصوصا تبع الصالونات لانه يعتبرونه مثل القناع بيخفي العيوب بيرسم شكل ثاني
وهو جاي يشوفك نظره شرعيه يعني يبي يشوف هالانسانه اللي ممكن يرتبط فيها كيف شكلها على طبيعتها
وموحلوووه ابد تطلعين له متكلف بمكياج عرس

انا بصراحه أشوف انك انك انتي الصح بس طنشي وحاولي تثبتين على كلامهم وممكن تحاولين تقنعيهم وتقولين لهم انه لو شافني كيذا ممكن يقول بنفسه ماصدقت خبر وينحاش _طبعا بسم الله عليك _بس علشان تقنيعهم
وانا معجبتني ثقتك بنفسك دامك تشوفين ان ملامحك حلوه ومافيه شي تخبينه :)
الله يوفقك ياقمر