عندي راتب وزوجي يعيرني ساعدوني

الله يعينك يااختي ويساعدك الوالدين حقهم عظيم علينا مهما سوينا مانقدر نوفيهم حقهم

عليكي باالدعاء دائما ان الله يباركلك لك في راتبك واساليه القبول لاعمالك الصالحه وعليكي باالصدقه ولو القليل ففيها بركة لكي ولراتبك

باالنسبه لزوجك حاولي قدر المستطاع انك ماتطلبين منه شئ دائما وبين فتره واخرى اهديه هديه ولو بسيطه فلها سحرا عظيم

على الرجل

والمشروع ابحثي عن مشروع يناسب هوايتك وميولك وابدي باالقليل والله يوفقك ويسدد خطاكي واسفه على الاطاله

معليش اختي بس ليش زوجك مايشيل راتب الخدامه ..... الشي الثاني افتحي لك حساب ايداع تدخلين فيه كل شهر الف ريال وتنسينها بهالحساب عودي اولادك يكون مصروفهم من ابوهم هذا شي مهم عشان يكون له هيبته والله يرزقك

الله يوفقك ويفتح لك باب الرزق

ورجالك عااااااادي خليه يعايرك

هو يقول كذا علشان ما تطلبين منه

الله يوفقك لما يحبه الله يورضاه

يبقى لك 2800 ريال ...

اول سؤال ....

اهلك كيف حالتهم المادية ؟

اذا كويسة ..

فانتي ما قصرتي معهم قولي لهم اعذروني هالفترة امر بضائقة مادية و ما اقدر اعطيكم إلا 1000 ريال .

او قدمي الـ 1000 ريال مباشرة في يدهم وقولي العذر والسموحة بس ظروفي هالفترة ماداي شلون لا تعطينهم تفاصيل .

بس حسسيهم انك مخنوقه مادياً.

2800 + 500 = 3300 ريال .

جوالك حطي حد ائتماني ما يتجاوز الـ 400 ريال ..

راح تتورطين اول شهرين بعدين بتضبطين نفسك .

و اذا وصل الحد الائتماني وتبين تفتحينه افتحيه ببطاقات شحن حتى تحسسك بالمسؤولية .

لك 1000 ريال ما تتجاوزينها شهريا وحاولي توفرين من هالألف شيء قدر المستطاع هالشهر توفرين 100 ريال .

اللي عقبة 300 ريال اللي بعده 50 ريال ..

المهم تحسسين نفسك بشوية مسؤولية .

باقي 2300 ريال ..

تفتحين حساب آخر و تحولين عليه 2000 ريال بشكل دائم ..

هذي تصير ليومك الأسود الله لا يجيبه ..

ما يدري الواحد وش ظروف الحياة ووش اوضاعها ..

اذا بتتفشخرين وتشترين ماركات اشتري وقت التخفيض ..

ونوعي شيء اصلي وشيء تقليد ..

فيه اشياء تقليد ما ينتبه لها .

و بدل ما تروح الفلوس في قطعه حطيها في ثلاث ولا اربع وقت التخفيض .

قبل امس اخذت خمس صنادل عملية من ستي ماكس ما وصل المبلغ لــ 250 ريال حتى ..

لانه فيه تخفيض ..

و على فكرة ..

لازم يعطيك مصروف ثابت وما عليه من راتبك هذا واجبه .

اقلها 500 ريال تحسسه بواجب الصرف عليك ..

انتي شايلة ايده من كل مصروفاتك .

المفروض جوالك هو يسدده مثله مثل كل المصاريف .

انا ما ابي اسوي مشاكل بينك وبينه ..

حاولي بالتي هي أحسن ..

لانك عودتيه ولازم تتحملين النتيجة .

فلا تخربين بيتك انتبهي ..

حاولي بهدوء في تقبل كويس مافي انسي الموضوع .

العيال لا تشترين لهم ولا شيء الا بفلوسه مو بفلوسك .

الا اذا حاجات مو اساسية وترف زايد .

اذا بدات تجمعين كم شهر ...

وضبطتي نفسك وميزانيتك ..

فكري بمشروع وهذي هي المرحلة الثانية ..

لازم تكونيني موزونه وارضك راسية ..

مو مفلسة وتفكرين بمشروع .

اضبطي ميزانية راتبك حتى تقدري تضبطي ميزانية ارباحك بعدها ..

ربي يوفقك ..

الله يعينك