غير راضية عن شكلك

انا اكره اني نحيفه مررررررررررررررررررررررره ابي اسمن وجهي بعد نحيييف

اختي دهن عوود..

قبل لا اقول لج عن عيوب شكلي راح اقول لج من البداية انج يمكن تحسين فيه شوية تناقض في كلامي خخخ و يمكن تقولين هالبنية شايفة روحها على الاخر..بس كل هذا عشان اثبت لج شيء في الاخر فمعليش حبيبتي استحمليني شوي..

شعري خشن و كيرلي.. و ما عمري حسيت انه مسبب لي مشكلة.. و اذا تسأليني شنو اكثر شيء تحبين في شكلج باقول لج شعررررري.. اموووووت عليه لدرجة انه ثلاث ارباع مصاريفي اقطها فيه... و الحمد لله كل حد يشوف شعري يسألني وين تسوينه و شنو تستخدمين له و خاصة لما اخليه على طبيعته بدون سشوار و خرابيط.. الكل يسألني شلون تسوينه كيرلي بهالطريقة العجيبة..

عيوني صغيرة و مع ذلك اموووووت عليها و ما قط في عمري حسيت اني مو راضية عن شكل عيوني.. و اظن لهالسبب معظم الناس يقولون عيونج تجنن و لله الحمد..

اسناني مخربطة فوق تحت و رغم اني حطيت تقويم لمدة سنة و نص و مع ذلك ما حصلت على الاسنان اللي احلم فيها.. لكن بصراحة لا قبل التقويم و لا بعده .. ما قط حسيت انه اسناني (اللولي) :) عائق لطلتي و ازيدج من الشعر بيت كل الناس اللي اعرفهم يقولون لي ان ابتسامتي مميزة و رائعة.. !!! و الحين عندي ولد.. و الكل يقول لي ولدج محظوظ لان خذ منج ابتسامتج المميزة..!!

و اهم عين فيني اني نحييفة.. برغم اني حملت و ولدت و لا بين علي.. و لا غير فيني واايد .. زدت كم كيلو بس بعدني نحيفة ووايد لو قارنتيني بالمتزوجات.. ما انكر انه هالشيء كان مأثر علي في فترة من فترات حياتي و هي فترة المراهقة اللي كل البنات يكونون فيها حساسات زيادة عن اللزوم.. لكن بس كبرت شوي.. ابدد و الله ما أثر فيني هالشيء.. كنت البس و اكشخ و اتأنق باللي يناسبني و لا علي من احد.. و الحمدلله الكل يقول ما شاء الله عليج يا ام جاورس كأنج عارضة ازياء.. !!!

في النهاية تعلمت شيء من هالحياة..

و هو انه رضاج عن شكلج و مظهرج.. و حبج لنفسج.. يبين في عيونج.. و ينعكس للناس.. و الناس تقول و تعلق عن اللي تشوفه في عيونج عن نفسج.. مو اللي يشوفونه هما..

فهمتيني اختي؟؟

الحمدلله وله الشكر
الله يرزقناالاجسام الزينة

بصراحه وبدون مجامله مدري هي غرور او مدري ايش اسميه
المهم انا كل ما اطلع في المريه ازيد اعجاب بنفسي
على فكره انا موطاغية الجمال بس ربي مكمل ومحسن خلقي
بس مدري ايش اسميه عندي قناعه بنفسي ولله الحمد والمنه

خلي عندك ثقة بالنفس وراح تكونين أحلى وحده