تدرون ليش خطيبها تصرف هالتصرف تعالوا وانتوا تعرفون السبب

الله يوفقها ان شاء الله ويسعدها__-

شكله نصاب ويستغلها خصوصا انه في الاول قال بيشتري موبايل كانه يطلب منها تهديه واحد وبعدها لما طلب منها الفلوس بصراحه مهما صار الرجال ماينزل نفسه لخطيبته لو زوجته ممكن نتقبل حتى البنت لو احتاجت فلوس مستحيل تطلب من خطيبها وهي لسا ماتزوجت اجل كيف البنت ياليت تكون اكثر حذر منه واثقل من كذا يعني لاتروح تدور عليه اذا يبيها بيتصل من نفسه بس من غير طلبات
اعذريني حبيبتي على صراحتي بس هذا الواقع وبالفعل زي ما قالو البنات 1000 دينار مو كثير ماعرف يدبرها شلون بيعيشها بعدين

بصراحه غلط تعرض عليه المبلغ انا لو مكانها ما اعرض عليه واذا طلب منى اسلفه اقول عيونى لك بس ابى ورقه بينا
ترى الرجال يحترم الحرمه اللى تكون لها شخصيه مستقله وتعلرف حقوقها
وبصراحه اغلب قصص الزوجات اللى يساعدون ازواجهم باءت بالنكران من قبل الرجال
واظن عندكم في الكوت وش كثر قصص الغدر من الرجال اللى حتى لو حريمهم مب موظفات بس تبيع ذهبها تحرم نفسها تقتصد كل عشان سواد عيونه في النهايه الغالبيه العظمى من الرجال يطقها بالحرمه الثانيه لا ويصرف اللى وراة ودونه على الجديدة واذا تكلمت الاولى وقالت انا وانا قال لها محد طقك على يدك ولا طلبت منك تقتصدين وتصبرين وتحرمين نفسك
وجه نظرى انا

طبعا راح يتعود على اخذ الفلوس منها بعد الزواج .. حسبي الله ونعم الوكيل .. كان لازم تعمل حاجز بينهم في حكاية الفلوس عشان مايتعود ياخد ... مش مشكلة ممكن اتصلح غلطتها .. بعد هيك ماتعرض عليه فلوس ..
حلو الزوجة تساعد زوجها بس هالرجال صار ينخاف منه