السلام عليكم ورحمة الله وبركاته
يمكن بعض البنات يعرفوني لاني من المخضرمات في قسم تاخر الحمل ولله الحمد على كل حال
هالمره ناويه اسوي طفل انابيب للمره الثانيه عشر ولكن في منطقه اخرى وراح اسويها في الرياض
ومحتاره عند مين هل الحبيب افضل ام ذريه؟
ياليت تساعدوني من افضل ؟من ناحية المواعيد لاني مومن نفس المنطقه ومن ناحية الماده بكم يعني؟؟؟؟؟؟؟؟؟؟وايضا واهم شئ النفسيه لان بعض الدكاتره يعوفونك حياتك بضيقة خلقهم وطبعا نسبة النجاح في المعمل وهل فيه تجميد اجنه
لان من خبرتي :06: اهم شئ المعمل قبل يد الدكتور الخفيفه:Dبعد الله
تكفون بنات لاتاخرون علي ابي نسبه حلوه(0متأثره):hahaha:
وادعووووووووووووووووووولي تنجح هالمره باذن الله:kissa::frown::icon33:
شاركي في النقاش
سجلي الدخول لإضافة تعليق.
التعليقات
47- ياعمري انتي .. ان شاء الله تكون هالمحاوله الأخيره ... وبعدها تحملين طبيعي ...
المركزين كلهم ممتازات .. استخيري ربك .. والله يرزقك من وااسع فضله ..
ولاتنسين أختي 3 أشيااء ..
1__ الصدقه
2__ الاستغفار
3 __ قراءة يسورة البقره ..
وعقبال ماتبشرينا يارب - بصراحة ماعندي فكرة بس ربي يرزقك الذرية الصالحة المعافى ويسهل امورك
- الحبيب كثير يمدحونه
وان شاء الله تكون ذي آخر مره وتحملين
يارب ارزقها الذريه الصالحه لا تنسين الدعاء وصدقه - الله يرزقنا واياك اختي ذريه طيبه وان شاء الله تنجح ها المحاوله وترزقين بتوائم يملون عليك الدنيا
اختي انا جربت الحبيب عند الدكتوره زينب ابو طالب قمه في الاخلاق والدين وتخاف الله سويت عندها حقن مجهري ثلاث مرات والحمد لله نجحت الثالثه ورزقت ببنت الله يحفظها
وتذكري اختي ان الله سبحانه وتعالى هو الرازق والدكاتره ماهم الا اسباب من عنده واوصيك بالاستغفار انتي وزوجك اقل شي مئة مره في اليوم والصدقه والدعاء وان شاء الله سبحانه لايخيب من رجاه
توكلي على الله وسويها عند الدكتوره زينب وما راح تندمي ان شاء الله بعد فعل الاسباب
بالنسبه لمركز الحبيب اسعارهم اقل من غيرهم ومعملهم متكامل وممتاز وبالنسبه للمواعيد اذا كان عندك ملف بحالتك وحالة زوجك تاخذين موعد منهم ثاني يوم من الدوره وتبدين على طول كورس الابر التحضيريه
وان شاء الله تبشريني بعد شهر بحملك يارب - انا جربت الاثنين
الصراحة كلهم كويسين
بس انا حبيت ذرية اكثر لانه هادي ومواعيده سهلة والدكتور حمد الصفيان رايق ويعطيك وجه ويشرح لك بس اسعارهم اغلى من الحبيب بكثير ومايسوون خصم يسوى
وفي النهايه الرزق من الله وماهي الا اسباب
وانصحك بزيت زيتون اصلي مقري فيه تدهنين فيه بطنك وظهرك وبعدها تقرين سورة البقرة وتنفثين على بطنك وتقرين الحمد والمعوذات واخر سورة البقرة قبل العملية بشهر وبعدين استمري عليها طول فترة الاسبوعين بعد ترجيع الاجنة
والله يرزقك ويرزقني واخواتي في عالم حواء من واسع فضله
مواضيع مشابهة
تابعي تجارب أخرى من هذا القسم.