شاركي في النقاش

سجلي الدخول لإضافة تعليق.

التعليقات

63

  1. @alholndyh_mokta

    صاحبة الموضوع
    اشكر مرورك ثواني النبض وشفت اعلان الكرسي اللي عندك بس كان بدبي والتوصيل ياخد وقت وانا كنت جايه هنا لكن الحمد الله اشتريت من هنا

    اختي عطور اتمنى ان يفرج الله همك والصبر مفتاح الفرج:)

  2. @thkryat_alams_1

    بالنسبه لي استخدمه من سن الولاده
    ولدي الكبير من ولادته وانا استخدم الكرسي وألحين ما شاء الله تبارك الله بيتم الـ 4 سنين وهو عليه
    لا وهو يربطه بيده بعد ولله الحمد
    عودته عليه من هو صغير
    طبعاً واجهة صعوبات كثيرة بالبدايه منها إقناع أبوه بالفكره وصراخه المتواصل وهو بالكرسي لمدة 5 أو 6 شهور
    والآن مشكلتي إنه إذا طلع هو و أبوه ما يربطه...ومن جهتي أحاول أخليه يقتنع إنه لازم يجلس بكرسيه حتى لو ما كنت معه

    أخوه الصغير عمره 3 شهور ومن يومه وهو بالكرسي


    بالنسبه لأنواع الكراسي وكيف أختار ممكن تفيدكم الخطوات التالية
    1- بالأول لازم تحددين المحلات اللي بتشترين منها
    سواء مذركير أو شيكو أو تويز آر أص أو أي محل ثاني وتمرين عليهم تاخذين الكتالوج منهم او تاخذين ملخص عن الكراسي
    وأنواعها وطريقة تركيبها وتسجلين كل شي بورقه
    2- تحددين انتي وين بتركبين الكرسي على الجوانب ولا بالوسط وهل الكرسي اللي بتشترينه يقبل يركب على سيارتكم
    ولا لأ
    3- إختيار الكرسي حسب عمر الطفل
    غالباً المواليد لهم كرسي خاص الى عمر سنه
    بعدين كراسي من عمر سنه الى 5 سنوات
    بعدين الكراسي من عمر 5 سنوات الى 12 سنه
    وفيه كراسي من عمر 4 سنوات الى 10 سنين
    وفيه جلاس للطفل يرفعه شوي علشان يقدر يتفرج وهو بالسياره والربط يكون بحزام السياره نفسها
    وهو يبدأمن عمر 4 سنوات الى 12 سنه

    اهم نقطه لازم تعرفينها ان اختيار الكرسي يكون حسب الوزن
    يعني هم ممكن يكتبون من عمر سنه الى 4 سنوات وبين قوسين تلقين من وزن كذا الى كذا
    خذي الوزن بالمقام الأول وبعدين العمر
    هاذي النصيحه اخذتها من خبير متخصص بكراسي السيارة للأطفال


    الصراحه الكرسي أحلى شي قدمته لعيالي ولنفسي
    بالنسبه لي ارتاح من جلستهم بحضني وبالسفر ينامون الى ما نوصل وناخذ فرصه انا وأبوهم اننا نتناقش بمواضيع
    كثيرة ما نقدر نتكلم فيها بالبيت بسبب إزعاجهم
    وبالنسبه لهم أمان بإذن الله من اي إصابه

    أي تساؤل انا حاضره

  3. @lyan_47

    كرسي السيارة قبل لا يولد البيبي و هو مركب في السيارة
    أهم شي عندي
    ما أستغني عنه
    الله يجزاه خير اللي اخترع ذا الكرسي :)

  5. PASTIL
    اوف !! و شلون يعني اكذب أنا ؟؟ قسم بالله آخذه الأثنين اللي شفتوا صورهم 750 ريال .. ياليت اليوم وحده تروح مذركير لأن الموديل عندهم للحين على ما أعتقد و تتأكد من السعرررر <<<< :mad:
    لا حبيبتي لاتعصبين :eek:

    محد قال انك تكذبين .. محشوومه ولوووو

    بس انتي خذتيهم بسعر لؤطه :22:

    واكيد عليهم تخفيض

    والله يخلي لك البنوتات العسولات

تابعي تجارب أخرى من هذا القسم.