حطي نفسك مكاني وش بتسوين...........

السلام عليكم ورحمه الله وبركاته
مساء الخير جميعاا
والله يااخوات انا اول مره ادخل هنا اناا عضوه مشاركه في قسم علاج السمنه والنحافه واليوم اول مره اتصفح هالملتقى وقلت اشاركم مشكلتي واشوف ردودكم وارائكم يمكن تكون فيها النصح لي ويمكن اكون غايبه عن شي انتم تشوفونه وماخا من استخار ولا استشار وانا استخرت وباقي الاستشاره فتكفون لاتبخلون علي بالراي لصواب ومن فرج على مسلم كربه من كرب الدنيا فرج الله عنه كربه من كرب الاخره الله يفرج همومكم ويشرح بالكم بالخير والصلاح يارب
مشكلتي هي
ان زوجي يحب السفر ولاانا عارفه كيف اكرهه فيه هو طيب وحنون ومايقصر لا معي ولا مع الاولاد ويعوضنا عن كل شي بس الله يهديه يحب يسافر لحاله انا واثقه فيه وهو يخاف الله ومايسوي حرام والحمد الله اخلاقه واخلاق اهله وتربيته تربيه عاليه ومهذبه بس ماادري هالبلا واشلون دخل حياته من قبل الزواج وهو يسافر يحب يروح مع اخوياه بدون عوايل يقولي قال ليه ( اوفر واروق من دون اولاد براسهم )
والله ماني عارفه وش اسوي طفشت من هالقرف كل اجازه نفس المعاناه يسافر هو الاول بعدين يسفرني انا والاولاد بس سفريته هو ضروريه قال ايه علشان يغير جو
لالامانه انا مو فارقه عندي وهو لا جاء يعوضناا ومايبخل عليناا بشي بس خايفه من هالسفريات ماتجيب غير الهم وبلدان المغرب العربي معروف عنها السحر وهالكلام للي نسمعه كثير وصراحه صرت اخاف منه هالبلاد ومن سفرياته المتكرره هناك هو يحلف لي وانا مصدقته ان الدعوه وناسه مع الاصحاب بس
بس الشيطان شاطر ومااحد داري وش بكره يصير انا جيته بكل الطرق ترجيته وعاندته ولاطفته ومافي فايده معند الا يسافر لحاله والله طفشت من هالحاله كل مره والله طفشت وش السوات اللي تقراء مشكلتي سالتها بالله لوكانت مكاني وش تسوي وش تنصوني فيه وانا بسويه علما ان زوجي مايجي بالعناد واذاا حلفت وحلفت وعاندت يسوي اللي براسه ولا يهمه شي والله مابيد حيله من مشكلتها مثل مشكلتي ترد علي

26 تعليق 2,314 مشاهدة

شاركي في النقاش

سجلي الدخول لإضافة تعليق.

التعليقات

23
  1. @sr_algathby_1

    السلام اختي

    قبل كل شي غيري لقبك وتفالي خير ولا تكونين بريالين وانتي غاليه

    وبعدين مشكلة زوجك ماهي غريبه في هذا الايام وهي مشكلة كل بيت بس ربك يعين

    ونصيحتي لك عليك بسهاااام الليل والله ماتخيب..

    وفي كل ركعه من صلاتك ادعي ربك بالفرج وكل اللي نفسك فيه

    والله مايخيبك .

    وتقدرين كمان تلهينه بعض أمور المنزل في الفتره اللي هو متعود عليها ..


    والله يعينك ويسرلك أمورك ويرزقك ويحقق آآآآآآآآآآآآآماااااااالك

    آآآآآآآآآآمين يارب


    تحيتي

    **سر الجاذبية**
  2. صاحبة الموضوع
    سر الجاذبيه فديتك وفديت ردك اولا بالنسبه للقب هو اغنيه شعبيه كنا نغنيهاا واحنا صغار للناس التخان << اللي زي حالتها وترى الدعوه بس مزووووووح وعارفه اني غاليه عندكم فديتك وربي كلامك يريح وان شاء الله ربنا يحقق اماالي وامالكم وادري هاذي مو مشكلتي انا بس لا هذا صار مرض العصر عند الرجال الله يهدي سرهم ياارب
    ااختي سمراااااااااااااء شاكره لمرورك وتقبلي امتناني لك وان شاء الله ربنا يتقبل دعااائي ياارب
  3. @aksan_algnh

    اقول دامه معند ومايقصر معك وواثقه منه مالك الا الدعاء ان يكرهه الله بالسفر لوحده ويكرهه ببلاد المغرب
    والله يسخره لك
  4. @zogy_klby

    الحمدلله ما دام انه مايقصر معك ومع اولادك ماشاء الله تبارك الله
    فخليه ترى بعض الرجال يحب الجلسة لوحده فترة يستجم من ضغوط العمل
    فيه رجال يسافرون لحالهم وعيالهم بالبيت ما يسافرون ابد

    اهم شي عليك بالدعاء له ان الله يحفظه من كل شر
    واكثري من الاستغفار

تابعي تجارب أخرى من هذا القسم.