εïз.... هل تبحثين عن منتج أو محلات أو صالونات تخص المكياج والعطور - تفضلي هنا ....εïз

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

419

  1. @klam_alaayon

    صاحبة الموضوع
    anamen
    كمان انا فكرت اشتري بودره مضغوطه عشان استعملها للخرجات العاديه بس السوال ينفع احطها على الاساس او لا لاتفوتك بودرة ماكس فاكتر الذهبيه المستطيلة تنفع بعد مرطب فقط جافة او مع ماء براحتك وتنفع بعد كريم الاساس بس يفضل بعد الاساس انك تحطيها بف…


    عزيزتي تقدرين تستخدمين
    الكحل الكريمي داخل وخارج العين ..



    بالنسبة للفرق بين الكومباكت باودر
    واللوس بودر كثافة التغطية


    يعني اللوس تغطيته خفيفه
    وينفع للطلعات البسيطة او الطلعات النهارية
    لأنه يعطي تغطية حلوه ومو كثيفة


    اما الكومباكت تكون تغطيتها اثقل
    ووحده منهم تكفي في الإستخدام ...


    في منهم يحبون بعد ما يوزعون الاساس
    والبودر (الكومباكت) ويرسمون العيون ... ينثرون طبقه ثانية من اللوس باودر
    لزيادة التثبيت .. يعني هالشئ حسب الرغبة الشخصية ..



    وعلى نوعية البشرة لأن اللوس
    باودر يناسب البشرة الجافة اكثر .. لأنه ما يزيد جفافها


    اما ذوي البشرة الدهنية
    اذا يحبون طبقتين من الكومباكت باودر فهالشئ بيزيد التثبيت عندهم
    بعكس اللي بشرتهم جافة راح يجففها بزيادة وبيظهر الوجه به قشووور وخطوط!



    تقدرين تستخدمين البودرة
    المضغوط فوق الاساس للطلعات العادية اذا تحبين
    واذا تبغين تكون التغطية اخف .. استخدمي في توزعيها الفرشاة العريضة الخاصة بالوجه


    .



    بالنسبة من وين تاخذين الاساس والبودر
    جربي بنفسك احسن لأن اللي يناسبك ما يناسب غيرك


    بس نصيحتي ابتعدي عن اساسات ماك
    رغم حبي لهالماركة إلا ان اساساتهم ما تنفع ومو حلوه :11:


    انصحك بأحسن اساس جربته
    ولا عندي نيه اجرب غيره ... اساس ديفينورا من جيرلان



    والبودرة تقدرين تاخذينها من ماك
    اخذي هالنوع فقط:

    استديو فكس من ماك




    .




    اما فور ايفر مالي تجربة
    معاهم لا بالاساس ولا البودرة ..

  2. adloa7
    mrmr_m2 في كمان سوال الكحل الكريمي ممكن اكحل بيه عيني من جوه ولا بس من بره اش الفرق بين ابودره الي فوق الاساس و الوس بودر يعني ممكن احط على وجهي الاتنين كمان انا فكرت اشتري بودره مضغوطه عشان استعملها للخرجات العاديه بس السوال ينفع احط…
    adloa7 يا قلبي
    الأخت كلام العيون ما قصرت كفت ووفت

    بس لي تعليق بسيط وهو انوا الكحل الكريمي لبره العين فقط
    ما يستعمل لداخل العين ( سألت بنفسي الخبير اللي بماك وقللي اكبر غلط استعمال الكحل الكريمي لداخل العين )

    وبالنسبة للأساس انا مع كلام العيون انوا جيرلان اساس جداً رائع
    وكمان فور يو فور ايفر برضو ممتااااااااااااااز جربت البيس وكريم الأضاءة والفاونديشن والبودرة والبودرة السائبة حتي مزيل المكياج
    كلها ررررررررررررررائعة بمعني الكلمة
    في الشدوهات روحي لماك ولفور يو فور ايفر أبداً ما تحتاري
    أطلب من الخبير يوريك شدوهات باللمعات و حتلاقي باذن الله اللي يناسبك

    موفقة

  3. @klam_alaayon

    صاحبة الموضوع


    اهلين mrmr_m2 انا نفس الشئ
    سألت الماكييرة اللي بماك وقالت لي نفس الكلام ...


    وقعدت سنة ونص وانا ماشية
    على هالشئ بعدين لقيت البنات يستخدمونه ولا ضرهم
    وخصوصاً اني لما سألت الماكييرة قالت هو لما تستخدميه لداخل العين مافيه ضرر
    بس هو مصمم لخارج العين!!


    لهالسبب انا طنشت
    واستخدمته لداخل العين ومره ثابت
    ومريح وبارد ولا يسبب اي حرقان علشان الوحده تخاف ..

  4. كلام العيون
    anamen
    mrmr_m2    الف شكر و جزاكم الله الجنه انتوا و جميع المسلمين
    بس ابغى اسال فور يو فور افر هو نفسه فور افر
    كمان انا كنت اشوف و حده ايام الكليه تكحل عينها من جوه بشدو اسود بودره و كانت تحطه بالاسفنجه حقت الشدو
    السوال في طريقه زي كذا
    على فكره كيف اسعار فور افر معقوله ؟

  5. @ahat_alshmry

    مرحبااااااااااا بنات حواء
    بليز ساعدوني ابي فزعتكم لان زواجي قريب في حايل وابغى احسن صالون يسوي مكياج كويتي او اي وحدة تجي بالبيت لاني ما اعرف احد واناااااا صراحة عايشه بالكويت ومتعوده على مكياج اوووووفر وخايفه لا اطلع بعرسي اي شي
    تكفوووووووووووووووووووون فزعتكم

تابعي تجارب أخرى من هذا القسم.