يالبى قلبك يا LOLالله يجزاك خيرر ويهون عليك ويسهلها ويكتب اجرك
وبالنسبة للاخت بدورة الحلوة انا بمشي معك للاخير عشان ابين لك احنا ماخلينا طريق الا دقينا بابه اولا زوجي مرافق معه فيزة F2 يعني نمش بوزنا نلقى بالجامعه وظيفة له
ثانيا تونا لغتنا ماش
ثالثا فية طلاب سعوديين لهم سنتين مقدمين طلب ولا قبلهم يعني الدعوة طقاق على وظايفهم
غير بلاوي والتهم الي قاعدين يلصقونها بهالطلاب الضعيفين بعض الطلاب السعودين الي معنا عندهم جلسات بالمحكمة حاطين عليهم مشاكل مالها اساس من الصحة يعني يدورن عليك سقطة لو بسيطة عشان يكبرونها
والله واحد من الطلاب السعوديين الي معنا قبل ايام نقول له هج لسعودية انفذ بجلدك قبل يكبرون السالفة يلصقون التهم عليك
وغير واحد من الطلاب ماقدر يدفع السكن رفعوا عليه قضية قالوا له اصحاب السكن قبل يدخلون على القاضي يعني ارحموه هالطالب قالوا لة ادفع على اقساط شهرية ماودنا انك تدخل عند القاضي وتم محاكمة والاكيد يتم سجنك قال الولد ماعندي اي شي واهلي على قد حالهم قالوا بالاخير خلاص بس اطلع من السكن ربي نزل الرحمة بقلوبهم
وغير الطالب الثاني الي الان مستقعدين له هالمحكمة عشان اخوة الي هج من امريكا كانت عليه قضية وسحبته السفارة السعودية قبل تمسكة الحكومة الامريكية ونفس الشي تهم ملفقه وتعرفون الشباب السعودي غير مبالي وطيبة قلبهم ونيتهم الصافية
هذا بس الطلاب الي في جامعتنا ومشاكلهم من جد مالنا الا الدعاء
والان في الطيران البريطاني فرض ضريبة على المسافرين السعودين بس ضريبة ارهاب
الله المستعان صرنا احنا ارهابين ولاا عاد يطلقون علينا وهابيين ارهابيين
الله يكفينا شرهم ويرجعنا لديرتنا سالمين
والمحامي على حساب الطالب يعني الله يعينهم الغالبية من الطلاب مايقدرون على تكاليف المحامي وغير السفارة السعودية ماتتدخل الا في الاخير يعني لما الوضع يسوء يا تسحب الولد وتسفره للسعودية ولااا ماعاد يمديها
معليش بس ابي افضفض لكم عن الموقف الي صارلي بالويك لما رحت استلم الشيكات وانا نازله انا ولدي الي فية ثلاث امريكيات جالسين نادوني وقالولي الولد الي معاك ولدك قالت لهم اية قالوا اذا انت منتي قادرة على توفير حاجات وحابة انك ياخذون منك ناس عشان يتكفلون فيه يعني( تبني) ذاك اليوم قرررت اني ارجع للسعودية جلست ابكي لين عيوني طلعت وكرهت نفسي وقلت وش الي جابنا هنا اهانه وذل ولا اا حاسة اني مقيدة ماني قادرة اسوي شي هذا وضعنا مستحيل يتغير الا اذا الحكومة غيرت من قراراتها الصارمة خلتنا نحتاج نروح للجمعيات
لو الحكومة تعطينا شيكات فية بس الحليب واكل البيبي مانبي فلوس لا تعطينا راتب للطفل الي هو 280 دولار بس يكفي انها تتكفل بالحضانه وتعطينا شيكات للحليب واكل البيبي بس ونكون شاكرين لهم
رواتب الابتعاث، وجهة نظر لكي لاتتلحطي أختي العزيزة (يمنع رفع النقاشات القديمة)
متابعة النقاش، صفحة 13