اه يابنات عشت جو الولاده بس ياربي لك الحمد ماولدت تعالوا اسمعوا سالفتي وادعوا لي....

السلام عليكم ورحمة الله وبركاته
اول شيء اسال الله الكريم رب العرش العظيم ان يتم علي وعليكم الحمل يااااااااااااارب شهوره التسعه وان يرزقنا اطفال تامين الخلق والخلقه وتمام الصحته والعافيه

اول شيء يابنات بحكيلكم وش صار فيني وكيف تاثرت نفسيتي بها اليومين اللي فاتو وبس الحمد لله ربي كريم سهل ويسر اموري وبفضل دعاء احبائي من حولي

اللي صار انو يوم الاثنين 4/7 العصر كنت احس بشيء غريب يؤلمني بالمنطقه الحساسه ولما رحت دورة المياه وانتو بالكرامه حسيت بحرقاااااااااان شديد وحكه لا اله الا الله ألمتني مره وصعوبه بالتوبل اكرمكم الله
المهم خفت وبديت احس وانا امشي بالبيت بشيء يبي ينزل مني وانا موسوسه وخايفه ورجعت دخلت دورة المياه الا وينزل شوية افراز دم بني انا هنا:09:خففففففففففففت
وقلت بس يابنت ولاااااااااااده
المشكله اني باول اسبوع من السابع في الاسبوع ال26توني:44:
ورحت قلت لزوجي خلني اروح لطبيبة نساء باي عياده اتطمن على وضعيؤ وانا قلبي طول الطريق يضررررررررررب بقوه وخايفه
واحس بمضايقات والام تحت ومتحمله
لما وصلت المستشفى قلت خلها بس طوااااااااارئ اخاف انها ولاده :44:
رحت الطوارئ على 5ونص العصر وبس قلت افراز بني على طول جابوا جهاز الطلق وشالوا ملابسي:mad:
وركبت ابرة المغذي
وعلى حظي اااااااااااااااه كانت الغرفه اللي قبالي صوت وحده تولد وانا انهبلللللللللللت من صراخها الله يرحمنا يارب ويستر علينا
المهم حطوا جهاز التخطيط طلع في طلق وانا اقولها لالا مافيني طلق فيني التهاب شديد بالمسالك
وهي ماترد علي حسبالها اني اصرف موضوع الولاده واني خايفه
الدكتوره تحمست وقالت بكشف على عنق الرحم :mad:
انا هنا تنحت قلت بس دام فيها كشف والده والده
استسلمت من الخوف وكشفت وقالت مسكر قلت ياربي لك الحمد واخذت عينه من الافرازات علشان تسوي لي مزرعه
المهم قالوا لزوجي لازم تنويم في طلق والسيستر تقول انتي مافي الم قلت لا لانو عندها بالجهاز يطلع طلق شديد وانا مستغربه مافي الم بس الحمد لله يارب

المهم وقع زوجي وراح البيت
وانا انتظرهم يشيلوني من غرفة ماقبل الولاده الى غرف التنويم
وجاني الفرج جت النيرس وقالت يالله حبيبتي تنويم وانا هنا انبسطت الحمدلله
وعلى قومتي توها واصلتهم حالة ولاده اه يارب ارحمنا برحمتك
وانا البس عبايتي النيرس جابت معها لبس الولاده الاخظر وقلت مو لي اكيد قالت يالله حبيبتي تعالي هنا وييييييييييييييييييييييييييييييين:09:
غرفة الولاده رقم 1
قلت ليه قالت لازم هنا حبيبتي والبسي هذا ملابس
انا انجنيت ليه طيب وش فيني
ياربي غرفة تروووووووووووع كلها اجهزه ومقصات وخرابيييييييييييط
وجايبين سرير للخدج المواليد
وانا خلاص نفسيتي بالحضيض قلت شكلهم موقعين زوجي على عمليه ولا ولاده وماقالي :44:
واجلس بها الغرفه 5ساعات مع جهاز الطلق والمغذي وابرتين لنمو رئة الجنين ومحاليل واستسلمت خلااااااااص
ادق على امي بالرياض واختي واقولهم ادعوا لي انا صار فيني كذا وكذا وكذا امي هنا انهبلت
توني ماخلصت السابع
ووزن الجنين تقريبا كيلو
وجلست ادعي ربي واستغفر انه يحفظ لي النونو ويتمم علي شهوري التسعه
حتى مرت هال5ساعات وقالت الدكتوره خلاص بنسوي تحليل للبول قلت بدري هذا المفروض من اول مادخلت سويتوه لان اللي فيني التهاب شديد ولو فتحوا ملفي كان شافوا حملي ببنتي كلللللللللللللله تنويم بسببة اللتهابات الله يشافيني يارب وكل مرضى المسلمين

نكمل لما طلعت الغرفه فوق حطوا جهاز الطلق ومغذي باليمين ومحلول باليسار قالوا نامي قلت هيهات اناااااااااام وانا مربطه كذا ومكتفه عذاااااااااااااب الله يرحمنا
ويوم طلع الصبح جت الدكتوره قالت نتايج التحاليل التهاب شديد والافراز من شدة الالتهاب
وانا اقولها ادري يادكتوره بس انتوا خوفتوني قلتوا ولاده وكشفتي عالرحم ونومتوني بغرفة الولاده
قالت لازم ياحبيبتي ناخذ الا حتياط انتي باول السابع وخفنا تولدي والالتهابات المتكرره والشديده تسوي ولاده مبكره

وتميت عندهم الثلاثاء والا ربعاء والخميس اليوم توني طالعه العصر وياربي لك الحمد خفيت
بس عبوا لي كيس ادويه ومضادات وحق التقلصات وموعد عقب اسبوعين
وهذي سالفتي
والله يحفظنا يارب ويتمم علينا
تكفون ادعوا لي ارتاح من هالالتهابات وان ربي يحمي جنيني من هالامضادات ويافيني يارب
ويااااااااااارب اصوم رمضان كامل بعدها اولد يارب
ادعوا لي بالذكر الصالح المعافى
ولكن بالمثل باذن الله
:39: