هل اخترتي مهنة التدريس لهذه الاسباب؟؟؟ وهل فكرتي قبل ان تختااري (الموضووع للاراء)

بصراحه انا لا مدرسة ولاشيء
لكن سؤالك غريب...... ليش اخترتي مهنة التدريس ؟؟؟؟اللي يسمعك الحين يقول الوظايف مالية الدنيا وعلى قفا مين يشيل
اختارت التدريس بأختصار لان مافييييييييييييييييية بديل ولا من له نفس مقابل الاوراق والكتب بعد عذاب الدراسة من ابتدائي الى الجامعة

معك حق ياصن

الحين أنا متخرجة تدريس طبعا لكن ما توظفت
تدرون ليه لأني ما قدمت ولا أفكر خايفة من التدريس
أخاف أظلم بنات بدون ما أدري
ثم أحصل دعوة ما أقوم منها أو أحد من عيالي
لأني كنت أشوف البنات المظلومات ما يدعون الا على عيال المعلمة
طيب ايش ذنبهم المساكين
الحين البنت ما غلطت وقالت منكر تكلمت من واقع تجربتها
ليش الزعل؟؟؟
يعني الحين كل المدرسات معصومات من الخطأ
يكفي حكاية الربع والثلاثة أرباع الدرجة اللي نشوفها في الشهادات
هذا كله حق وخوف من الله طيب زيديها وبري ذمتك
يمكن تكونين أكلتي ربع أو نص من وحده غيرها
على فكرة الحمد لله كنت ممتازة في الدراسة ومؤدبة جدا مع معلماتي

أنا بقولكم على موقف صار في الابتدائي كنت ثالث
واقفة على جنب في أمان الله ألبس جزمتي (تكرمون) وتجي وحده من المعلمات ما تعرفني وتضربني ذاك الكف اللي داخ منه راسي طيب ليه؟
الى يومكم ما أدري ايش السبب
طيب انا ايش ذنبي اذا كنت معصبة من زوجك ولا عيالك ولا زميلاتك
وهذا واقع بعض المدرسات للأسف تزعل مع زوجها تجي تحط حرتها في البنات
مدرسة ما تزوجت تكره البنات اللي متزوجات <<هذا نصيب
مدرسة ما أنجبت تكره كل بنت حامل وتقعد تسمعها كلام على الطالعة والنازلة<<ليه ولد حرام

وفي المقابل في معلمات زي العسل أخلاق وشرح وتعامل
أتمنى ما أحد يزعل وجهة نظر وقلتها