اخواتي العقاريات ...................... دعوه للنقاش

السلام عليكم ورحمة الله وبركاته



اخواتي اصحاب مكاتب العقار والوسطاء ... اتمنى اشوف تفاعلكم في موضوعي لانه موضوع يشغل بال كثير من الاخوات امثالي



انا قررت اني ادخل مجال العقار واترزق الله فيه

بس عندي كم سؤال اتمنى القى اجابه شافيه وكافيه عنها



اولا ::

كيف اضمن حقي كوسيط بين البائع والمشتري او بين مكتبين عقاريه ؟؟

خصوصا ان شغلي بيكون عن طريق النت والتلفون فقط (:

(( ابي اجابه مفصلة ))


ثانيا ::

هل الافضل في التعامل ان يكون مع البائع والمشتري مباشره او من ينوب عنهم كمكتب عقار
وان اتجنب الوسطاء ....... ؟؟


ثالثا ::
كيف اتجنب التلاعب وقلة الخوف من الله لبعض اصحاب مكاتب العقار اللي يستغلون حاجة بعض الاخوات للعمل





اكتفي بهذي الاسئله حاليا ولا اسئلتي كثيره ماتنتهي ....

وانتظر تفاعلكم واجاباتكم الشافيه حتى اكمل لكم بقية الاسئله




الله يجزاكم خير و يرزقكم طولة البال والصبر والقدره على التفاعل حتى تجاوبون على اسئلتي وتثرون الموضوع وتنفعوني وتنفعون خواتي

في انتظاركم

11 تعليق 3,269 مشاهدة

شاركي في النقاش

سجلي الدخول لإضافة تعليق.

التعليقات

10
  1. @mnakyr2

    ترا بتتعبى على الفاضى ...واذا جبتى شى نكروك واكلوا حقك ترا انصب ناس حقون العقار الا من رحم ربى
  2. @dosryh_kol

    والله بتتعبين الي بينطش والي بيجحد

    الشغله هذي تبي لها وحده بجيحة لسان

    دوري غيرها .. انا كنت مسوقه ومليت منها اذا رجال مع رجال وعسى يوفون

    دوري شغله غيرها .. مثل تسويق للبضائع افضل
  3. جزاك الله خير على هالموضوع حبيبتي والله ايوفقك

    انا سبق وطلبت اراضي اسعارها رخيصه وياليت اتكون بمناطق متوقع لها انه ترتفع اسعارها

    وياليت اللي عندهم خبره بهالشي ايفيدوننا ولهم الاجر

    واهم شي اتكون بصك شرعي ولا عليها مشاكل مثل ماصار بحي لبن

    والله ايوفق من ايرد علينا ويرزقه من أوسع أبواب رزقه وييسر أموره يارب
  4. @yakhofy_mn_alghrbh

    صاحبة الموضوع
    ماقصرتوا حبيب قلبي

    الله يكرمنا ويكرمكم


    وصدقتي ياالشامخه بنتوكل على الله ونجرب وربي مايخيب رجانا

    يشرفني اتعاون معاك وان شاء الله تكون بداية خير




    .....


    مناكير ... دوسريه كول



    ان كان في واحد مايخاف الله اكيد في غيره يخافون يجعلنا ربي مانطب الا فيهم وان قلوا ..... قولوا ااااامين



    ....

    الجود من الموجود


    وين تبين الارضي في اي مدينه

    ان شاء الله اخدمك وتكون اول صفقه معاك مكسبنا فيها معرفتك

تابعي تجارب أخرى من هذا القسم.