وش شعوركم بيوم زواج أختكم <<يالمتزوجات تعالو ريحوني

انا متزوجة ليه خمس سنوات تقريباً

وانا اكبر خواتي واختي الي اصغر مني بتتزوج بعد اسبوعين

وانا وياها خوات وصديقات وكل شي وفرحانه بزواجها واحس انها مابغت تتزوج وأخيراً

فرحة لخطبتها ولملكتها وفي تحضير زواجها ومازال التحضير جاري وانا مسؤله عن كل شي هي بس تروح معي السوق وتختار على ذوقها << قيادية:D


بس كل ما يجي الليل واحط راسي على المخدة واجلس التخيل العرس واتخيل اشكالنا واني بكون عندها طول الليل بغرفتها ( غرفة العروس ) و و و وبعدين اقول وبعدين اذا لبست عبايتها وجات تركب سيارة زوجها وسكرت الباب وطلعت السيارة وراحو بعدين

وش بيصير فيني يعني اذا راحت هي انا وين اروح؟؟

بنات احس بضيقه ما ودي انها تروح

ما ادري ليه مو حقد بس من كثر خوفي عليها ما ابيها تتزوج احس الزواج مسؤولية كبيرة وهي صغيره وخبله وعلى نياتها وطيييييييييييييييييييييبه

والله كل ما افكر انها بتروح اقول خلاص انا وش بيجلسني بالزواج واختي مع رجال اول مره تنام معه

افكر اني كل شوي اتصل اتطمن عليها بس ارجع اقول ما يصير هي عروس


انا اخاف كثير ومن كثر خوفي عليها احس اني مسيطرة مرررررره عليها بس افكر فيها واذا فكرت انها خلاص تلبس عبايتها وبتطلع معه احس قلبي بيوقف وربي احس ان يوم زواجها خيال مو حقيقه من كثر التفكير


انا اول مره تتزوج لي اخت ولا اعرف مشاعري كيف بتكون ذيك الليلة بس بالتفكير احس اني بتضايق ماراح افرح



مع اني كل شوي اسأل خواتي واختي العروس اقول انا بيوم زواجي وش سويتو زعلتو او تضايقتو ولا فرحتو

قالو والله ما درينا عنك بس نرقص ونتفنن بالرقص

وسألت اختي العروس قلت طيب لما رجعتي البيت وش شعورك قالت والله طحت بالفراش ونمت دايخه ولافكرت فيك << ماشااااء الله ياليتني اصير مثلها

62 تعليق 5,769 مشاهدة

شاركي في النقاش

سجلي الدخول لإضافة تعليق.

التعليقات

60
  1. انتي من خوفك عليها تقولين كذا

    بس بليز لا تطبقين افكارك تكفيييييييييين

    ارقصي و انبسطي

    واللي يسر امرك بييسر امرها

    و ترى نصيحه لا تحسسينها نص احساس بانك تراقبين وضعها .. راح تنفر
  2. @simplicity

    لانك جربتي الزواج انتي خايفه عليها وحاسه انها مو قد المسئولية. ..عادي ياقلبي انا بزواج خواتي اللي بعدي كان عندي نفس الشعور بس كنت اكثر من الدعاء لهم بالتوفيق والتسخير وتوكلي على ربك..ويوم الزواج بتنبسطين وترقصين وافرحي وفرحيها معك ...

    الله يوفقها
  3. @nansy_14

    شوفي حبيبتي والله ان موضوعك شدني حتى تركت صحني وجيت ارد عليك خخخخخخخخخ المهم
    لالالالالالالالالالالالالالالا تحاتينها ابد كل صغير بكره يكبر والله اني اعرف بنات اتزوجو وصغار وحتى الكلام مايعرفون يتكلمون صارو اف دواهي وعجب العجاب ازواج يخلي الخبل صاحيه المهم لالالاتفكرين كثير خليها تعتمد على نفسها وصدقيني وقولي ماقالت نانسي راح تحسين بهذا الشي لالاتحسسينها انك مهتمه فيها ترى بتضايق وبين فتره وفتره انصحيها بنصيحه الحلوه بس انتبهي مو 24 ساعه نصايح لالالا بين فتره وفتره خليها تحتاج لك وغيبي عنها فتره راح ترجع تشتاق وربي يرزقك بزوج الصالح امين يارب
  4. @mgrd_mshaaar

    مشاء الله تبارك الله الله لا يغير عليكم ياارب

    خنقتني العبره ،،، من كلامك ،، حسيت بشعورك

    بس لا تفكرين كثيرررر انسي وانبسطي ،،،، و الله معاها لا تخافين

تابعي تجارب أخرى من هذا القسم.