ضروري تساعدوني (ناويه ادخل الأسهم)...؟

السلام عليكم ورحمة الله وبركاته
اخواتي سيدات الأعمال حابه اني استفيد منكن في الأسهم .
انا عندي رأس مال صغير ناويه اني افتح فيه محفظه بالبنك الأمريكي وابدأ اشتغل بالأسهم
السؤال هنا اني بدائيه في الأسهم وماعندي الخبره او المعلومات اللي تخليني ابيع واشتري في الأسهم وانا واثقه منه نفسي
لأن المبلغ اللي عندي ناويه استثمره وإذا قعد بحسابي طيرته


ارجو من الأخوه والأخوات انهم يفيدونا من ناحية الأسهم ومايقصرون علينا بخبرتهم معنا
ومشكوره مبدئيا .....:27::27:

35 تعليق 2,767 مشاهدة

شاركي في النقاش

سجلي الدخول لإضافة تعليق.

التعليقات

34
  1. @oldtrader

    اختى

    من كلامج لم تحددي السوق اللى حابه انج تخوضين غمار الاسهم فيه

    ان كان الاختيار واقع على السوق الامريكي فانا حاضر لأى استفسار وان كان الاختيار وقع على الاسواق الخليجية فاعفيني لان خبرتي قليله فيها وبالتوفيق مقدما
  2. اذا ممكن يا اخ Oldtrader الواضح من كلامك ان لك خبره بالسوق الامريكي

    اشرايك بالاحسن السوق الامريكي او السوق الخليجي

    من ناحية الاسهل والربح الاكيد وبالنسبه للنساء الي ناويين يدخلون الاسهم الاحسن لهم وين

    وشكرا

    ويعطيك العافيه ،،،
  3. @oldtrader

    اهلين اختى الرمش الحزين

    بالنسبة لسؤالج عن الاحسن او الافضل الاسواق الامريكية ام السوق الخليجي فمن خلال وجهة نظري المتواضعة اشوف ان السوق الامريكي افضل ومقارنته بالاسواق الخليجية ظالمه وذلك لعدة اسباب
    الاسواق الامريكيه اسواق عملاقة عمرها اكثر من 200 سنه
    الاسواق الخليجية اسواق متوسط اعمارها لايتعدي سنوات معدودة
    الاسواق الامريكية يوجد بها اكثر من 5000 شركة
    الاسواق الخليجية لاتتعدي شركاتها فى احسن الاسواق 70 شركة او نقول ال100 شركة
    فبالتى راح يضيق نطاق اختيار الشركات
    الاسواق الامريكية يوجد لديها شفافية ومصداقية عجيبه وبالتالى لايوجد بها اناس مسيطرين على السوق لاتساعه ولتعدد شركاته ولراس ماله الهائل فبالتالى من الصعب السيطره عليه من قبل اشخاص معينين
    الاسواق الخليجية شركاته معدوده وملاكه اشخاص لايتعدون اصابع اليد فى كل دولة اذا فرحوا رفعوا السوق واذا زعلوا نزلوه وهلم جرا والامثلة كثيره كثيره
    الاسواق الامريكية للمبتديء بامكانه ان يدخل باى رأس مال حتى يتمكن ويعرف خفايا السوق وبالتالى يزيد راس ماله
    الاسواق الخليجية للمبتديء وللمتمرس تحتاج لراس مال ضخم حتى يكون العائد المادى مجزي
    الاسواق الامريكية لايوجد بها نظام الوحدات المعمول بها فى السوق الكويتي واعتقد فى كذا دولة خليجية يوجد هالشي
    اى بما معناه بامكانج تشترين حتى 5 اسهم مافيه مشكله لكن بالكويتي لا تشترين نظام وحدات يعني لو بغيتي تشترين سهم شركة ما يا انج تاخذين مثلا 1000 سهم واللا ماتقدرين الشراء بهالشركة ونفس الطريقة بالنسبة للبيع

    على كل حال المقارنة واضحه وكما قلت ظالمه جدا وانا اجد نفسي فى السوق الامريكي الممتع اكثر من اسواقنا المليئة بالاشاعة والاغراض الشخصية والمصالح ولاتحتاج الاسواق الامريكية سوي اشتراك انترنت ووسيط محلى بما انج مبتدئة فعندج بنك الكويت والشرق الاوسط وايد زين ووشوية لغة وراس المال وانشالله الله بيوفقج


    وبالنسبة للموقع ارسلته لج على الخاص وبالتوفيق مقدما يالغاليه
    واى استفسار انا حاضر
  4. @noralhb

    إذا ممكن يا اخOldtrader ترسلي الموقع على الخاص
    وهل انت استفتدت من الاسهم في هذا المجال ووجدت ارباح زينه

تابعي تجارب أخرى من هذا القسم.