بنات الغربه "كنت ...... وصرت ......."

سكون يارب ينولك اللي تتمنين ونصير جارات ان شاء الله

مره موضوعك أكثر من رائع , أنا ليه 4 سنوات وكنا اثنين وصرنا ثلاثه وكانت أيام زي العسل لاني من تزوجت على طول سافرت وكانت بصراحه ايام كئيبه في البدايه:09::( ولكن تغيرت وحملت وجبت بنتي العسل وتغيرت حياتي والحمد الله من احسن لاحسن ووكنت نحيفه ومتنت من الحمل و الولاده والحمد الله من الكرف الي كرفته نحفت ههههههههه , :)والله شغل البيت ولا اروع من ناحيت الرياضه والحسم يكون مشدود والصحه عال العال والحياه شيء ثاني ماتكوني مكسله والله بالعكس تكوني نشيطه لانك عارفه ان الحياه كلها في النهار , وكان شعري طويل وقصيته وكان اسود وصبغته وسويت طبعا رجيم بسيط عشان انحف وارجع السعوديه زي ماجيت وانا عروسه , وعلى اللغه كانت عندي لغه بسيطه متواضعه من المدرسه والافلام الي كنت مغرمه فيها و الحمد الله انا اخارج نفسي وزوجي ساعدني كثير الحمد الله وكنت ادرس لغه عربيه في احدى المدارس العربيه والحمد الله شغلت وقتي تقريبا ولا انقطع عن الاخبار بالدات انه كان الانترنت سريع جدا فكنت ابحث على طول واقرى وادور وادا ماعرفت اسال زوجي , وهوه يعلمني والحمد الله اهلي كنت اشوفهم ويشوفوني واكلمهم على طول لين طفشو من كثر مااتصل , وبالدات دحين مع خدمت الفونج, وكانت الحياه روعه هناك بصراحه فيها كثير من الاستقرار وكنا انا وزوجي نخرج اي مكان بكيفنا واليوم انا اكتبلكم من السعوديه بعد مااخد زوجي الشهاده الحمد الله ورجعنا بالسلامه ومره ماني قادره اتاقلم لانه كل مكان اروحه موبكيفي زي اول باسم الواجب , وغير كده ياعسولات والله كانت اخلاق زوجي زي الثلج من جينا السعوديه زي النار شراره والله من الاخلاق التعامل المعفن والله ماابالغ شفوه دوبه داخل من البنك يسب في التعامل:angry2: ,ومحنا عارفين فين نستقر والله يكتبلنا الخير ان شاء الله واياكم ,:26::)
والله ياعسولات لازم تحبو المكان عشان تنبسطون وتبسطون ازواجكم والله يهنيكم والله نفسي ارجع اليوم قبل بكره وموضوع جدا رائع شكرا الف شكر .:):27:

حلو موضوعك... انا بقا ليه زماااااااان 10 سنوات كنت واحد و الحين صرنا 3 الحمد لله و كنت نحيفة و مع الحمل و الولادة سمنت بس مع الرجيمات رجعت لوزني الاصلي.. شعري كان طويييييييييييييييييييييييييييييييييل لحد افخاذي و بني و الحين صار لنص ظهري وعليه هاي لايت. النفسية تمام الحمد لله و متاقلمة جدا و اخذت شهادات من هنا يعني صرت مثقفة اكثر يكثير من اول.
كنت كسولة في بيت اهلي و الحين اذا مو عالنت يعني بشتغل في الببيت... بابني.... بزوجي ... و يادوب في وقت اعتني بنفسي.
و بضيف كمان نقطة ما ذكرتيها كانوا عيوني سليمات و الحين 3.5 درجات في كل عين يا حسرة

شوكولاتا ياقلبو إنتي ههههههههههه ضحكتيني على اسمي هذا تدريب عشان التوفل خخخخ
طيب نادوني آمال عظيمة خخخخخخخخ الترجمة الحرفية
خلاص ولايهمك كل يوم في العصر أمر عليكي بس خليني أطلع الرخصة
والله زوجي متعبني يقول لي إنتي جيبي التوفل أول شي خخخخخخخخخ وبعدين طلعي الرخصة
عاد جالسه أحاول معاه إني أختبر التوفل وأطلع الرخصة في فترات متقاربة يااااااااااااااارب إن شاء الله ^ــــــــــــــ^

مرحبا بنااااااااااااات
شوكلاته الموضوع جداااا لذيذ مثلك
انا صار لي 5شهور النفسيه كنت مرحه وحسااااااااااااااسه واحين دمار ومشاعري جافه
كنت متبتبه شويه صرت عصا
شعري كان يعيني عليه ناعم وطويل وفيه لمعه صار جاف ويتساقط بكثثثره وابشركم طلعت الشيبات
كنت اجتماعيه واحب الكشتات صرتاحب الهدوء والاستقرار