اليوم جبت لكم طريقة ساندويتش لحم
طبعا من اختراعي انا واعوذ بالله من كلمة انا (قولوا ماشاء الله )
امس اخترعتها طبعا وامس طبقتها
واليوم انشرها لكم
عسى تنال اعجابكم واعجاب بطونكم
بسم الله نبدا
المكونات
300 جرام لحم بقر ستيك ويكون مقطع صغير
بصلة متوسطة الحجم ومقطعة قطع صغيرة جدا
نصف فلفل رومي حلو اخضر مقطع قطع صغيرة
نصف حزمة كزبرة مقطعة قطع صغيرة
قرنين فلفل اخضر حار (بدون ما تشيلو منه القرن فقط للنكهة )
حبتين طماطم صغيرات الحجم مقطعات قطع صغيرة
جبن كرافت شيدر حجم متوسط
رشة ملح (رشة بس مو لازم تستطعميه في الاكل ليش؟ احسبي حساب الجبن الشيدر الي بتحطيه في الاخير لانه الشيدر مالح تراه )
رشة بهارات مشكلة
رشة كمون مطحون
ثلاث خبز صمولي (هذه الكمية تكفي لثلاث خبز صمولي )
مدة التحضير نصف ساعة تقريبا على النار
على نار وسط
الطريقة
ملاحظة : انا ما قليت البصل في زيت وطبعا طلع لذيذ
انتو بكيفم تبغون تحطون زيت حطو
لكن بدون زيت تراه لذيذ واصلا يكفي الجبن الي بينحط في النهاية
هو بروحه دسم
اما اكلتي هذه صراحة قليلة الدسم
نرجع للطريقة
اولا
نضع البصل في مقلاة كبيره ونقلب فيه الى ان يذبل قليلا فقط
ثم نضيف اللحم وقرون الفلفل الاخضر الحار بس بدون
تقطيع للفلفل يعني الاكلة ماراح تكون تحرق
يادوب نكهة وعشان يطير زفر اللحم
نرش رشة الملح ورشة البهار المشكل ورشة الكمون
ونقلب بتلاحظوا انه اللحم صار لوحده يطلع ماي عادي خفوا شوي النار ولما يبدا يستوي اللحم نصف استواء نضيف
الفلفل الرومي تابعوني خطوة خطوة لا تقدموا خطوة على حساب خطوة ثانية
طبعا وتقلبوا كل شي على النار
طبعا بتلاحظو انه الماي الي بدا ينشف لما ينشف الحين نحط
الطماطم حركة صح خخخخخخخخخ
ليش حطينا الطماطم الحين ؟؟؟؟؟
لانه الطماطم بروحه يطلع ماي عشان يساعد في نضج اللحم :icon28:
في هذا الوقت خلاص نضج اللحم راح نضيف الكزبرة
يتبع
