خواتي الغاليات
كما عودتكم في السابق
شعور الآخرين يحرك شعور الآخرين
قد يكون تعبيري صح
وقد لا يكون
وقصديتي هاذي كتبتها بعد ما تم الطلب من أحدى الأخوات في الواحة
وهذا طلبها
.
.
.
بعدها رديت عليها أنا
.
.
.
.
بعدها ردت وقالت لي
.
.
.
.
وبتلقون أحداث سبب كتابة القصيدة على هالرابط
http://forum.hawaaworld.com/showthread.php?t=1328109
.
.
.
.
بعد كذا
جلست اليوم وقدرت أكتب القصيدة
علشان أختنا .. الخليجية 2 تهديها لبنت أخوها عهود :)
واللي فهمته إنهم متقاربات بالعمر ومثل الخوات وتحبها كثير
.
.
أتمنى تعجبكم
القصيدة
(عهـــــــــود)
عهود اليوم يا قلبي أحلى يـوم في عمري
............... سعادة خافقي تخفي دموع الفـرحة أبعيني
خطيبك بس لو يعرف غلاك الخافي بصدري
............... يغار ويسألك من جد يا روحي تحبــيـني
أنا يا عمري ما صدق ولا أعرف ولا أدري
............... ولا أتخيل غيابك يوم لا لا والله مافيــني
أبهديلك رسالة شوق فيها ريحه من عطري
............... أبهديلك بقايا ذوق جمعته بأول إسنــيني
بجيلك في صباح العرس بجي والله من بدري
............... أبيك تشوفي فستاني وشكل الحـنى بيديني
ولعيونك صبغت الراس لون أسود مع الخمري
............... وشوفي رنة الخلخال حطيته برجلـــيني
وبلبس خاتم الألماس يجنن لونه الزهــري
............... أبلبس في زواجك شئ لا لا تقولي وريني
عهود أرجوك ما أقدر أكمل بيت من شعــري
............... دموعي بس تبي تطلع وعبراتي بتخنـقني
تحياتي للجميع
أختكم
قصيمية
شاركي في النقاش
سجلي الدخول لإضافة تعليق.
التعليقات
36- الله يعافيك ياعمري مشكووووووووورع
الخليجيه 2 الله يعافيك ياعمري مشكووووووووورع
أختي .. الخليجية 2
لا شكر ولا شئ
هذا أقل من واجب تجاه كل أخت لي بالمنتدى الغالي على قلبي
بس عندي سؤال ودي أسألك إياه
وإذا ما ودك تجاوبي براحتك
هل عندك نك ثاني بالمنتدى
يعني هل تدخلين بنك ثاني بالمنتدى
لأني بصراحة شفت تاريخ تسجيلك لقيته من التسجيل 22-02-2008
وتاريخ اليوم 15-07-2008
يعني لك ما يقارب الخمس شهور مسجله بالمنتدى
ومعقولة تكون مشاركاتك بس 27 مشاركة
إذا لك نك ثاني بالمنتدى وتشاركين فيه ياليت أعرفه بالرسائل الخاصة
حب إستطلاع وربي مو لقافة
لأني لما جيت أكتب القصيدة ترددت
عارفه ليه
لأني أحب أكتب قصائد للأخوات المتواصلات مع المنتدى
واللي أشوفهم بكل وقت ومتواجدات دايم
فلما عرفت إنك مسجله من فترة
ومشاركات قليلة مره إستغربت
وربي إني ملقوفة
لكن سامحيني
بس سؤال بخاطري وطلع
وعلى فكرة
مبسووووووووووطة مره إن القصيدة إعجبتك وأتمنى تكون بالفعل قد مقام بنت أخوك عهــود
تحياتي
أختك
قصيمية- ماشاء الله مرة عجبتني القصيده قصيميه
مبددددددددددددددعه ماشاء الله عليك
بالتوفيق - يعطيك العافيه يارب
- مرره حلوه والاحلى ان بنت اختي اسمها عهود بهديها اذا انخطبت ان شاءالله
مواضيع مشابهة
تابعي تجارب أخرى من هذا القسم.