تقول : جعلني اشرب دمها !!!!

السلام عليكم ورحمة الله وبركاته


صباح الخير ع الجميع للي يقرون الموضوع الصباح
ومساء الخير للي يقرونه بالمساء


بنات ... حريم ..... عجز.....
موقف اشغلني ... وكدرني وبنفس الوقت متفاجاه منه

كنت طالعه مركز تجاري :3_10_6:
وشوي اسمع وحده كبيرة بالسن تقول لبنت معها روحي نادي اختك تاخرت علينا جعلني اشرب من دمها يااااااارب
ياربي ارتععععععععت احس وقتها انشليت :blink:
واتوقع انها ماتقصد اللي قالت بس كلمه بلسانها:08:
بس ممكن يصادف ابواب السماء مفتوحه



بلا شعور ظليت مكاني واقفه اشوفها :unhappy:



سؤال....
طيب ليش الوحده تدعي كذا

والله قهررر

طيب ولدك زعلك بنتك زعلتك اي احد
حتى لو زوجك
لاتعودين لسانك ع الدعاء
حتى كلمه حسبي الله عليهم لاتقولينها
شيليها من قاموسك

انت داعية داعية
ادعي بشي ينفع

تذكرت وحده كل ماجلست مع صديفتها قالت فلانه حسبي الله عليها الله يوريني فيها ماسببته فيني
فعلا ذيك البنت غلطت بحقها مره وظلمتها
المهم قلت لها طيب وش بتستفيدين اذا جاها شي خلاص اللي صار لك مكتوب
بدل ماتقولين حسبي الله عليها قولي الله يسعدها ويوفقها ويجعل ايامها كلها فرح وسعاده
مادريت الا والعيون طااااايرهـ قالت وش تقولين انت صاحيه :unsure:

عاد تدرون ابليس عمل عمايله :07:
صارت ماتذكرها خير شر تدرون ليش ......




7


7


7


7


7
عشان ماتقول الله يوفقها ويسعدها :hahaha:









وام الامام السديس الله يرحمها
كانت اذا عصبت على ولدها تقول الله يجعلك امام للحرم
وفعلا شوفي سبحان الله
7
اقول السالفه لجدتي وصارت كل شوي تقولها لاخوي الصغير
الله يجعلك امام للحرم طووول اليوم تقولها :pinklove:


يعني ان عصبتي على عيالك الصغار او الكبار
قولي الله يهديك


مدرسه روضة تتكلم علي
عن بنت تخاصمت مع ولد بالروضه
قام الولد يقول كلام وسخ
ردت عليه وهي تهاوش الله يصلحك هههه <<< فديت البنوتاتـ
شوفي سبحان الله اكيد اخذت الحركه من امها :upsidedow

عودي لسانك على الزين


طولت عليكم .....

شرايكم عاد
مو تقرون وتنحاشووووووون الله يصلحكم :biggrinlo
لاعبرو عن ارائكم ....

43 تعليق 3,566 مشاهدة

شاركي في النقاش

سجلي الدخول لإضافة تعليق.

التعليقات

41
  1. @ghsn_15

    يمه تشرب من دمها مرة وحده
    يييييييييخ
    فلم رعب هذا موب دعوة

    كلامك صحيح ليتنا ندعي لهم بدل الدعا عليهم
  2. @am_krshh

    بسم الله ارتعت والله

    الله لايبلانا

    وانا برضوا مااحد ادعي على عيالي او اخواني

    وشدعوا يعني ماقدرت تسيطر على اعصابها ترا محد نافعها الا هم


    اما بالنسبه للي تتعرض للظلم لها كل الحق في الدعاء

    اصلا دعوه المظلوم مستجابه وبعدين خليها تبرد حرتها

    وخلينا واقعيين ذيك اهدمت حياتها وتبين تدعي لها حشاااا وينا فيه؟؟
  3. @ayroka

    صاحبة الموضوع
    ام كرشه
    بسم الله ارتعت والله الله لايبلانا وانا برضوا مااحد ادعي على عيالي او اخواني وشدعوا يعني ماقدرت تسيطر على اعصابها ترا محد نافعها الا هم اما بالنسبه للي تتعرض للظلم لها كل الحق في الدعاء اصلا دعوه المظلوم مستجابه وبعدين خليها تبرد حر…
    صدقتي
    الله لايبلانا .....
    لان دعوة المظلوم مستجابه والموضوع مايستاهل الدعوة
    صحيح غلطت بحقها وظلمتها
    لكن ماعليه تحتسب بكرى بتلافيه



    هههه حلوووووووة فلم رعب

تابعي تجارب أخرى من هذا القسم.